Genesis 47:9 - De Beebaa Dabu

⁹ Jacob ne hai ange gi Pharaoh, “Gu 130 ogu ngadau gu noho gaainga saele ai. Ogu ngadau ne mouli ai e sogoisi ma de hai ngadaa, gai au tigi daea donu ngadau o ogu maadua ne nnoho gainga saele ai.”

Genesis 47:9 Iomraidhean Croise

Genesis 11:11

Gai ne 500 ange ono ngadau ne mouli ai, i dua dana hagadili Arpaxad, gai e hanu ange dama daane ma damaa hine aana ne hagadili.

Genesis 35:28

Gai ne 180 ngadau o Isaac ne mouli ai.

Genesis 47:28

Gai Jacob ne noho i de henua go Egypt i e madaangahulu ma hidu ngadau. Gai ngadau o Jacob ne mouli ai se 147.

Genesis 47:8

Gai Pharaoh ne ssili ange gi Jacob, “Gu hia naa oo ngadau?”

Genesis 5:27

Gai ne 969 ngadau o Methuselah ne mouli ai, gai ia gu magau.

Genesis 50:26

Gai Joseph gu 110 ono ngadau i de masavaa oona ne magau ai; gai ia ne duagi ga tao ga hhao ange gi lo te ngavesi i Egypt.

1 Chronicles 29:15

Gai gimaadeu ni dangada henua gee i mada luoo mada, gai ni dangada e nnoho gaainga, bei dagodo omaadeu dubuna madagidagi alodahi. Gai omaadeu laangi i henua i lalo e bei de goohunga o de laa e lilo ngaohie laa, e dee maua gi dagodo.

De Beebaa go Job 14:1

Tangada e haanau laa i daho de hine e sogoisi ono laangi e mouli ai, gai e honu i de hai ngadaa.

Psalm 119:19

Au se dangada e noho gaainga i henua i lalo; koe gi dee hagamuunia au muna i de au!

Psalm 119:54

Au hainga gu hagasauaa go agu daahili i dogu noho gaainga i henua i lalo nei.

Psalm 39:12

Tagi Maolunga, hagalaangona dagu dalodalo, hagalaangona dogu dangi adu koe gi balea mai; koe gi dee hagangadi mee ina dogu dangi. Go hiidinga au se dangada e noho gaainga gai se dangada henua gee bei ogu dubuna madagidagi alodahi.

Psalm 39:13

Koe gi dee hagaduasala ina au, gi ahe ange ai au gi malangilangi, i mua dogu hano ga dee maleva.”

Psalm 39:5

Tilo, koe ne hai gi podo ogu laangi bei dahi ianga, gai ogu ngadau e mouli ai e bei donu teai i oo daha. Ni muna abodonu, de mouli o dahi e bodobodo donu huu bei de madangi o de manava. Selah

Exodus 6:4

Gai au ne hagamakaga dagu hagatoo donu hagaheloongoi ange gi gilaadeu, bolo au e gaavange gi gilaadeu de henua go Canaan, de henua olaadeu ne nnoho gaainga ai laa bei dagodo o de gau henua gee.

Exodus 7:7

Gai Moses gu madavalu ono ngadau, gai Aaron gu madavalu ma dolu ono ngadau, i de masavaa olaau ne hulo ai ga tala ange muna nei gi Pharaoh.

2 Corinthians 5:6

Deelaa ai, gidaadeu e llodo mmahi i masavaa alodahi, i taadeu iloo, bolo de masavaa odaadeu e mouli ai i de angaanga nei, gai gidaadeu e dee nnoho i daho Tagi Maolunga.

Deuteronomy 34:7

Gai Moses gu 120 ono ngadau i de masavaa oona ne magau ai, aagai luoono mada goi danuaa donu huu, gai dono angaanga tigi baageaa hogi.

Hebrews 13:14

Go hiidinga kinei e deai donu sedaadeu aduhale e dagodo ga hano ai, aagai gidaadeu e ssala de aduhale gu dai humai laa.

James 4:14

Gai goodou e dee iloo donu be ni aha e hai daiao. Aahee dagodo o oodou mouli? Oodou mouli e bei dagodo o de mama o vai e hanage laa i dahi masavaa bodobodo gai e moolau donu de lilo.

Joshua 24:29

Dua mee nei gai Joshua, tama daane a Nun, tangada hai hegau o Tagi Maolunga gu magau, gai ia gu 110 ono ngadau.

1 Peter 2:11

Ogu daina hagamogomogo, au e hagammahi adu goodou e nnoho gaainga ma de mavaevae saele, gi dilia lodo haisala o de angaanga, go mee e hai baasi ange laa gi oodou hagasaalunga.