Genesis 47:4 - De Beebaa Dabu

⁴ Gai gilaadeu ne hai ange gi Pharaoh, “Gimaadeu ne loomai e nnoho i de henua nei, go hiidinga gu deai donu helii e gaimee ai amaadeu manu, gai gu kona hogi de laumalie de onge i de henua go Canaan. Gai koe gi dee haihaia, dugua mai de mommee go Goshen e nnoho ai gimaadeu, oo dangada hai hegau.”

Genesis 47:4 Iomraidhean Croise

Genesis 12:10

Gai gu onge honga de henua, gai Abram ne hano gi Egypt ga noho ai, go hiidinga gu kona de laumalie de onge i honga de henua.

Genesis 15:13

Gai ia ga hai ange gi Abram, “Koe gi iloo bolo doo aamuli e nnoho gaainga naa i dahi henua gee. Gai gilaadeu e hai naa ga ni dangada hai hegau i kilaa aama de hagaduasala ina i e haalau ngadau.

Genesis 43:1

Gai gu kona huu de laumalie de onge i de henua laa.

Genesis 45:10

Gai koe ga noho ai i de mommee go Goshen, gi baa ange ai goe gi de au — go koe, ma au dama ma dama a au dama, ma oodou ssiibi ma guudi ma kaau, aama au mee alodahi.

Genesis 46:34

gai goodou ga hai ange, ‘Gimaadeu, oo dangada hai hegau ni dangada haangai manu, mai loo i de masavaa omaadeu e gauligi ai, bei dagodo o omaadeu dubuna madagidagi.’ Gai ia e dugu adu naa goodou gi nnoho i Goshen, go hiidinga de gau haangai manu alodahi, ni dangada e hakino gee i daho de gau Egypt.”

Genesis 47:5

Gai Pharaoh ne basa ange ga hai ange gi Joseph, “Doo damana ma oo daina gu loomai gi oo daha,

Psalm 105:23

Gai Israel ne humai hogi gi Egypt; Jacob ne noho gaainga i de henua o Ham.

Isaiah 52:4

Gai e hagadaba de Ia Aamua go Iahweh, “Taamada gai ogu dangada ne hulo gi Egypt e nnoho, gai iainei de gau Assyria gu hagaduasala gilaadeu.

Acts 7:11

De masavaa laa gai ne humai de onge gi honga Egypt alodahi aama Canaan, gai gu kona mmao de duasala o dangada, gai odaadeu dubuna madagidagi gu deai donu alaadeu gai e gide.

Acts 7:6

Gai de Maadua ne hai ange gi Abraham, ‘Doo aamuli e hulo naa ga nnoho i dahi henua gee i e 400 ngadau, gai de gau de henua laa e hagahai hegau naa ma de vaivai gilaadeu.

Deuteronomy 26:5

Gai koe ga tala muna nei i mada i mua o Tagi Maolunga doo Maadua, ga hai ange, “Dogu dubuna madagidagi se daane Syria e silivaahea saele. Ia ne hano ga noho i Egypt, i de masavaa e sogoisi ai dangada i dono huaabodu, gai de masavaa oona e noho ai i de henua laa, gai dono huaabodu ne hagadili ga hai ai dahi huaahenua soa ma de mmahi.