Genesis 43:11 - De Beebaa Dabu

¹¹ Gai delaadeu damana go Israel ga hai ange gi gilaadeu, “Noo deenaa tagodo, gai deenei doodou mee e hai: goodou haoa hanu huamanu danuaa hugadoo o de henua gi lodo oodou beagi, ma gi gaavee madali goodou e ngadi gaavange gi taane laa — hanu momo balm, ma hanu hooni, ma hanu mee hagamanongi, ma hanu myrrh, ma hanu pistachio aama hanu almond.

Genesis 43:11 Iomraidhean Croise

Genesis 33:10

Jacob ne hai ange, “Aude haihaia, noo koe gu degi mai gi de au, gai koe gaavee dagu mee ngadi gaavange. Go hiidinga dagu gidee goe e bei donu au gu gidee luu mada o de Maadua, i hiidinga koe gu malangilangi i de au.

Genesis 37:25

De masavaa olaadeu ne nnoho ange ai e gaimee, gai gilaadeu gu gidee adu dahi hagabuulingaa dangada, mai i de aamuli o Ishmael e loomai i Gilead. Alaadeu gamelo e hagauda mai denga mee maanongi, ma balm aama myrrh. Gilaadeu e kave alaadeu mee maanongi e hulo ai gi Egypt.

Genesis 43:10

Gai noo gimaadeu ne hagamoolau ga hulo, gai gu lua odi huu omaadeu hanonga ne hulo ai ga lava ga aahe mai.”

Genesis 43:14

Gai de Maadua Mmahi Mmao laa gi lodo aloha adu gi goodou, i mada i mua o taane laa, gai ia gi dugu adu doodou daina daane ange laa ma Benjamin gi aahe mai madali goodou. Gai noo au gu hinangalosaa i teai agu dama, gai au gu hinangalosaa.”

Genesis 43:15

Gai denga daane laa ga kave de ngadi gaavange, ma hanu sseene ange laa madali gilaadeu, aama Benjamin ga hulo ai gi Egypt. Gai gilaadeu ne hulo ga tuu i mada i mua o Joseph.

Genesis 43:25

Gai gilaadeu ga hagadabena ange delaadeu mee ngadi gaavange, gi de masavaa e dae mai ai Joseph i de madohi lua o de laangi, go hiidinga gilaadeu gu langona bolo gilaadeu e gaimee i kilaa.

Genesis 43:26

De masavaa o Joseph ne dae mai gi de hale, gai gilaadeu ga gaamai de mee ngadi gaavange alaadeu ne gaamai laa gi lo te hale, gai gilaadeu ga ino gi honga de gelegele.

1 Kings 10:15

gai tee hagapuni ange goolo mai i daho de gau hagao mee ma de gau hagahesuihagi mee, ma mai i daho denga hodooligi o Arabia alodahi, ma goobenaa o denga vaaenga o de henua.

1 Kings 10:25

Ngadau alodahi gai dangada e gaamai gi de ia denga mee ngadi gaavange e hai i selevaa ma goolo, ma malo, ma myrrh, ma mee hagamanongi, ma hoosa, aama donkey.

1 Kings 15:19

“Gidaau ga hai dahi hagatoo donu hagaheloongoi, bei de hagatoo donu i magavaa o dogu damana ma doo damana. Tilo, au gu gaavadu hanu selevaa ma goolo gi de goe. Gai koe ga oha ai dau hagatoo donu hagaheloongoi ange gi Baasha, de hodooligi o Israel, gi dee humai ai ia gi hebagi mai gi de au.”

1 Kings 4:21

Gai Solomon ne dagi denga nohoanga hodooligi mai i ssaalingaa vai go Euphrates ga dae ai gi de henua o de gau Philistia ma de henua go Egypt. Gai dangada o denga henua laa ne hagao ange taagisese gi Solomon, ma de hai hegau ange gi de ia i taulooloa dono mouli.

2 Kings 16:8

Ahaz ne kave hogi denga selevaa ma goolo ne gidee i lo te hale o Tagi Maolunga aama lodo mommee doange i de hale o de hodooligi ga ngadi gaavange gi de hodooligi o Assyria.

2 Kings 20:12

De masavaa laa gai Merodak-Baladan, tama daane a Baladan, de hodooligi o Babylon, ne gaamai hanu leda ma dahi mee ngadi gaavange gi Hezekiah, go hiidinga ia gu langona bolo ia nogo magi.

2 Kings 8:8

gai Ben-Hadad ga hai ange gi Hazael, “Gaavee dahi ngadi gaavange madali goe, gai koe ga hano ga hedae ange gi taane o de Maadua, ga hai ange, ‘Siilia gi iloo i daho Tagi Maolunga be au e ieiangi mai i de magi nei be deai.’ ”

Esther 4:16

“Hannoo hagabuni ina de gau Ssuu alodahi i Susa, gai goodou ga hagahiikai i ogu hiidinga; goodou e dee gaimee donu, aabe unu i e dolu laangi ma e dolu boo. Gai gimaadeu ma ogu haahine hai hegau e hagahiikai naa hogi madali goodou. Dua naa huu mee nei, gai au ga hano gi daho de hodooligi, e dee galemu donu e hai baasi ange gi de hainga. Gai noo au gu magau, gai au gu magau.”

Psalm 68:29

I hiidinga doo temple i Jerusalem, denga hodooligi e gaamai naa gi de goe mee ngadi gaavange.

Psalm 72:10

Gai denga hodooligi o Tarshish ma denga mommee i tagudai e hagao ange naa taagisese gi de ia; gai denga hodooligi o Sheba ma Seba e gaamai naa denga mee ngadi gaavange gi de ia.

Psalm 76:11

Haia au hagatoo donu ange gi Tagi Maolunga doo Maadua gai hagassula ina mee nei; dangada alodahi i henua e paa mai gi gaamai mee ngadi gaavange gi de Ia Hagamaatagu.

Exodus 3:8

Gai au gu hano iho e hagaola gilaadeu mai i ssauaa o de gau Egypt, e kave gee gilaadeu i de henua laa, gi dahi henua danuaa ma de laumalie, se henua iai vai uu ma hooni lagolago, go de henua o de gau Canaan, ma de gau Heth, ma de gau Amor, ma de gau Perez, ma de gau Hiv, aama de gau Jebus.

Proverbs 17:18

Tangada senga e hagatoo donu e hagao muli a dahi dangada gee, ma de hagatoo donu bolo go ia e hagao ina muli a dahi dangada gee.

Proverbs 18:16

De ngadi gaavange e hhuge ange de haiava o tangada, gai e hai gi maua e ia i de duu i mada i mua o de gau aamua.

Proverbs 19:6

E soa dangada e ssala de abodonu i dahi dangada maolunga; gai dangada alodahi ni soa niio tangada e gaavange mee ngadi gaavange.

Proverbs 21:14

De gaavange dahi mee ngadi gaavange hagammuni, e hagasili de lili o tangada, gai de mee ngadi gaavange hagasenga hai hagammuni, e hagasili de bole laumalie.

Song of Songs 4:10

Dogu daina hahine, dogu hagababa, doo aloha e hagamalangilangi mmao! Doo aloha e hagamalangilangi ange i denga uvaini, doo vai hagamanongi e manongi ange i denga mee hagamanongi!

Song of Songs 4:14

ma nard ma saffron, ma calamus ma cinnamon, ma hagadaagangaa manu iai mee hagamanongi, ma myrrh ma denga aloe, aama denga mee hagamanongi danuaa alodahi.

Song of Songs 8:14

Dogu dau soa, hagamoolau humai, bei dagodo o dahi gazelle aabe go dahi dia daane gauligi i honga denga mounga o mee hagamaanongi.

Jeremiah 8:22

E aha, gu deai laa valaai i Gilead? Gai e deai laa se dangada hai magi i kilaa? Gai gu aha gu deai ai se ia e hagaieiangi ina maanuga o ogu dangada?

Ezekiel 27:15

Dangada o Dedan e hagao hogi oo goloa, gai denga henua i tagudai ni mommee e hagao ina oo goloa; gilaadeu ne hagao oo goloa i hanga o denga elephant, aama laagau ebony.

Ezekiel 27:17

Judah ma Israel ne hagao mee hogi i oo daha; gilaau ne hagao oo goloa i grain mai i Minnith ma keege, ma hooni, ma lolo olive, aama balm.

Ezekiel 27:22

De gau hagao mee o Sheba ma Raamah ne hagao hogi oo goloa; gilaadeu ne hagao oo goloa i denga hagadaagangaa mee hagamanongi alodahi, ma denga hadu hagamogomogo, aama goolo.

Leviticus 20:24

Aagai au gu hai adu bolo goodou e kave naa delaadeu henua, gai au e gaavadu naa de henua nei goodou gi henua ai, se henua iai vai uu ma hooni lagolago. Go au donu go Iahweh doodou Maadua, au ne vvae gee goodou mai i denga huaadangada ange laa.

Acts 21:14

Gai ga dee maua huu e gimaadeu i de sui dana maanadu, gai gimaadeu ga hai ange, “Tagi Maolunga gi haia gi bei ono lodo!”

Deuteronomy 33:14

ma denga huamanu danuaa e hhua mai i hiidinga o de laa, ma mee danuaa alodahi e hhua i denga malama,

1 Samuel 25:27

Dogu dangada aamua, gaavee de ngadi gaavange a doo hahine hai hegau ne gaamai nei e gaavadu gi de goe, mage gaavange gi denga daane e daudali adu naa i de goe.

1 Samuel 9:7

Gai a Saul ga hai ange gi dono dangada hai hegau, “Noo gidaau gu hulo gi ono daha, gai se aha naa adaau e mau i de gaavange gi taane laa? Pelaoaa i lodo adaau beagi gu odi, gai teai hogi sedaau mee ngadi gaavange ne gaamai e gaavange gi taane o de Maadua. Gai ni aha ange e hanu i odaau daha?”