Genesis 42:21 - De Beebaa Dabu

²¹ Gai gilaadeu ne hagataba i olaadeu magavaa, “Ni muna abodonu, gidaadeu gu haisala ange donu gi taadeu daina daane. Gidaadeu ne gidee de duasala ono lodo, i de masavaa aana ne dangidangi mai gi gidaadeu, gai gidaadeu tee hagallongo ange; aanei hiidinga gu duu mai ai nei de hai ngadaa nei gi gidaadeu.”

Genesis 42:21 Iomraidhean Croise

Genesis 41:9

Gai taane e haia mee unu a de hodooligi ne hai ange gi Pharaoh, “Anailaa nei gai au gu manadua ogu haisala.

Genesis 44:16

Judah ne hai ange, “Dogu dangada aamua, dee hee naa demaadeu hai e pasa adu ai i de mee nei? Gai dee hee demaadeu hai e hagaago adu ai bolo gimaadeu e dee haisala? De Maadua gu hagaago mai haisala o oo dangada hai hegau. Deenei ai, gimaadeu gu ni dangada hai hegau niiou, go gimaadeu alodahi madali tama ne gidee mai laa de ubu i ono daha.”

Genesis 45:3

Gai Joseph ne hai ange gi ono daina daane, “Go au go Joseph. Dogu damana goi mouli naa huu?” Gai ono daina gu dee maua i de pasa ange gi de ia, go hiidinga gilaadeu gu llele mouli ma de maatagu i de ia.

Genesis 50:15

Gai ga gidee huu e denga daina o Joseph bolo gu magau delaadeu damana, gai gilaadeu ga hagataba, “Agu made Joseph e kino naa i gidaadeu ga sui mai mee baubau alodahi adaadeu ne hai ange gi de ia.”

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

Proverbs 21:13

Be goai e bonodia luoono dalinga, i de masavaa o de gau hagaau aloha e tangi ai, gai e deai naa hogi dangada e balea ange ia, i de masavaa oona e dangi ai.

Proverbs 28:17

Tangada e dee baba laa ono lodo i dana daa tangada ga magau, e silivaahea saele naa ga dae ai gi dono magau; gai e deai naa donu se dangada e balea ange.

Jeremiah 2:17

Gai e dee go koe ne hidi mai ai de hai adu mee nei gi goe, i dau tili Tagi Maolunga doo Maadua, i de masavaa aana ne dagi mai ai goe i lo te haiava?

Jeremiah 2:19

Au hegau baubau e hagaduasala naa goe, gai doo huli gee i de au e hagabaubau donu huu goe. Hagasaelea age gi gidee iho ai e goe de baubau ma de kona de hai ngadaa adu gi de goe, i dau tili Tagi Maolunga doo Maadua, ma dau dee hagadubu au, go de Ia Aamua, Tagi o denga hagabuulinga hebagi e hagadaba.

Jeremiah 34:17

Deenei ai, e hagadaba Tagi Maolunga: Goodou tee hagallongo mai gi de au; dahi ma dahi tee dugu gi hulo oodou dangada. Deenei ai, au e dugu ange naa goodou gi de gadilaasa, ma de mee hagamaakau, aama de onge, go Tagi Maolunga e hagadaba. Au e hai naa goodou gi se mee hagamaatagu ange gi denga nohoanga hodooligi o henua i lalo alodahi.

Jeremiah 4:18

Au dahulinga ma au hegau gu hai ma gu duu adu de mee nei gi de goe. Deenei doo hagaduasala. Gai e kona naa donu! Gai e velo naa donu oo lodo!”

Hosea 5:15

Gai au e ahe naa gi dogu mommee, ga dae ai gi delaadeu tala olaadeu haisala. Gai gilaadeu ga ssala ai au i delaadeu duasala.

Numbers 32:23

Aagai noo goodou e dee hai gi bei muna nei, gai goodou e haisala ange donu gi Tagi Maolunga; goodou gi iloo bolo oodou haisala e aahe adu naa donu huu gi goodou.

Matthew 7:2

Go hiidinga goodou e hagamodu naa hogi oodou muna, bei doodou hai ne hagamodu ai muna o de gau ange laa, gai de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.

Mark 9:48

go de mommee e dee maakau ai denga ilo, gai de ahi e dee magau donu.

Luke 16:28

gi daho ogu daina daane dogolima, gi daalaa ange ai gi gilaadeu dagodo o de mommee nei, gi dee loomai ai gilaadeu gi de mommee hagammae nei.’

Acts 19:18

Gai gu soa hogi dangada gu hagadonusia laa ga loomai ga tala dagodo o alaadeu hegau baubau gu hai.

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.