Genesis 41:42 - De Beebaa Dabu

⁴² Gai Pharaoh ga unusi de buulei iai laa dono hagailonga mai i dono lima, ga ulumagi ange gi de lima o Joseph, gai ia ga hai gi hakahudia ange ia i malo linen danuaa, ma de hagauda ange dahi hau goolo gi dono ua.

Genesis 41:42 Iomraidhean Croise

Genesis 38:18

Gai Judah ne hai ange, “Se aha aagu e gaavadu e hagadonu ai de mee nei?” Gai ia ga hai ange, “Gaamai doo buulei hagailonga, ma taula e dau ai naa doo buulei, aama togo i lo too lima naa.” Gai ia ga gaavange mee laa gi de ia, gai Judah ga dagodo haisala ma ia, gai Tamar gu hai dama ange gi de ia.

Genesis 41:43

Gai ia ga hai Joseph go dono dogolua ga hai ia gi hano saele i dahi hada hodooligi, gai dangada ne hevaalogi i ono mada i mua ga hagataba, “Goodou duuduli ino ange gi de ia!” Deenei de hai a Pharaoh ne hai ai Joseph gi dagi i honga de henua alodahi go Egypt.

Esther 10:3

Gai taane Ssuu go Mordecai, go togolua i lalo o de hodooligi go Ahasuerus, ia se daane maolunga i daho de gau Ssuu, ma de hagadubu i daho ono dangada, go hiidinga ia ne hagammahi ga ssala de mee e danuaa ange gi ono dangada donu, ma de hai hegau ange gi nnoho paba denga hagadiilinga alodahi.

Esther 3:10

Gai de hodooligi ga unusi de buulei i dono lima ga gaavange gi Haman, tama daane a Hammedatha, taane Agag, de hagadaumee o de gau Ssuu.

Esther 3:12

Gai de madaangahulu ma dolu laangi huu o tahi malama, gai gu hagahi gi loomai de gau sisi o de hodooligi. Gai gilaadeu ga sisi dahi hagailoo gi bei muna alodahi a Haman, ga kave gi dagi o denga vaaenga, ma denga goobenaa o denga vaaenga alodahi, aama dagi alodahi o de henua. Gai muna laa ne sisi i siianga ma muna a denga hagadaagangaa dangada alodahi, i de ingoo o de hodooligi go Ahasuerus, ga maaga i de hagailonga o de buulei o de hodooligi.

Esther 8:10

Gai muna laa ne sisi i de ingoo o de hodooligi go Ahasuerus ga maaga i dono buulei hagailonga, gai ne gaavee e gilaadeu e saavini i hoosa kemo ne hagadili i denga hoosa a de hodooligi.

Esther 8:15

Gai Mordecai ne sao ga hano gee mai i mada i mua o de hodooligi gu gahu i malo hodooligi buluu ma de tea, ma de hau i dahi hau goolo, gai dono malo laa daha e hai i linen tea ma de purple. Gai dangada i de aduhale go Susa gu lodo danuaa ma de malangilangi.

Esther 8:2

Gai de hodooligi ga unusi dono buulei, aana ne kave gee laa i daho Haman ga gaavange gi Mordecai. Gai Esther ne hai Mordecai gi huahua i mee alodahi a Haman.

Esther 8:8

Gai gooluu aahe ange siia dahi hagailoo i de ingoo o de hodooligi, ange gi de gau Ssuu, ooluu muna e llodo e sisi, ga hagailonga i de buulei o de hodooligi, go hiidinga de hagailoo e sisi laa i de ingoo o de hodooligi ga maaga i dono buulei, e dee maua donu i de sui.”

Psalm 73:6

Deelaa ai, de hagamaolunga go de mee dau i olaadeu ua; gai olaadeu malo e kahu ai go de alasala.

Proverbs 1:9

Muna nei e bei de hau mahamaha i honga doo biho, aama sseini e dau laa i doo ua.

Proverbs 31:22

Ia e dui malo e haoli ai moenga; ono malo e hai i linen danuaa gai e purple.

Proverbs 31:24

De hine nei e hai denga malo linen ma e hagao; ia e hagao ange mee noonooa ungaalodo gi de gau hagao mee.

Song of Songs 1:10

Oo hakai dalinga e hagamahamaha luoo galaahuu, doo ua e mahamaha i de dau ai hadu hagamogomogo.

Song of Songs 4:9

Ogu lodo e maanadu donu huu goe, dogu daina hahine, dogu hagababa, ogu lodo gu maanadu donu huu goe, i doo galo mai ga tilo au, ma de hadu hagamogomogo e dau laa i doo ua!

Isaiah 3:23

ma galaasa dilodilo, ma linen, ma goobai malo, aama denga malo e haoli ai luu mada.

Jeremiah 52:33

Gai Jehoiachin ne hagaui ono malo nogo gahu ai i lo te hale pono, gai ia ne gaimee i teebele o de hodooligi i laangi alodahi i taulooloa dono mouli.

Ezekiel 27:7

Doo saiolo ne hai i denga linen gu maaga mai i Egypt, gai e hai ai hogi doo hagailonga; oo mee hagasagasaga e buluu ma de purple mai i mommee i tagudai o Elishah.

Daniel 5:16

Aagai au gu langona bolo koe e maua i de hagadonu denga midi, ma de hai gi iloo denga mee hai ngadaa laa. Noo koe e maua i de dau muna gu sisi nei ma de tala mai dono hagadoonunga, gai koe e hakahu naa i de malo purple, ma de hagauda adu de hau goolo gi doo ua, gai koe e hai naa go togodolu dagi maolunga i de nohoanga hodooligi.”

Daniel 5:29

Gai Belshazzar ne basa ange gi ono dangada hai hegau, gai gilaadeu ga hakahu ange Daniel i de malo purple, ma de hagauda ange de hau goolo gi dono ua, aama de hagailoo bolo go ia togodolu dagi de maolunga i de nohoanga hodooligi laa.

Daniel 5:7

Gai de hodooligi ga oo ga hagahi dahi gi gaamai de gau hai huuhuaa mee, ma de gau Chaldea, aama gilaadeu e iloo mee o lo te langi. Gai de hodooligi ne hai ange gi denga daane heiangi o Babylon, “Be goai naa huu e maua i de dau muna gu sisi nei ma de tala mai dono hagadoonunga, gai au e hakahu ange naa ia i de malo purple, ma de hagauda ange de hau goolo gi dono ua, ga hai ia go togodolu de maolunga i de nohoanga hodooligi.”

Luke 15:22

Gai tamana ga hai ange gi ono dangada hai hegau, ‘Goodou hagamoolau gaamai de malo danuaa hakahu ina ange ai ia. Gai ulumagina ange de buulei gi dono lima aama mee vae gi luoono vae.

1 Samuel 18:4

Jonathan ne hagaui de malo oona e gahu ai laa, ga gaavange gi David, madali dono malo hebagi ma dana gadilaasa ma dana mee hholu aama dono beele.