Genesis 41:32 - De Beebaa Dabu

³² Gai ne lua hanonga ne humai ai de midi nei gi Pharaoh, go hiidinga de Maadua gu hagatoo donu de mee nei, gai e moolau naa donu de hagassula a de Maadua mee nei.

Genesis 41:32 Iomraidhean Croise

Genesis 37:7

Au ne midi ange bolo gidaadeu e noonoa denga grain i lo te veelenga, gai dagu noodangaa grain ne duu age gi lunga, gai oodou noodanga e duuli luu baasi o dagu noodanga ma e ino ange aagena.”

Genesis 37:9

Gai ia gu midi ange hogi, gai ia ga tala ange gi ono daina, ga hai ange, “Au gu hai ange hogi dahi midi, gai au ne gidee de laa ma de maasina ma e madaangahulu ma dahi heduu e duuduli ma e ino mai gi de au.”

Genesis 41:25

Gai Joseph ga hai ange gi Pharaoh, “Luu midi nei se hagadoonunga daudahi donu huu olaau. De Maadua gu hagaago ange gi Pharaoh ana mee gu baba ange e hai.

Genesis 41:28

Gai e bei dagu hai gu tala ange ai laa gi Pharaoh: de Maadua gu hagaago ange gi Pharaoh ana mee gu baba ange e hai.

Genesis 41:31

Gai e dagodo naa be teai donu se dau gai ne hai i honga de henua, i hiidinga de onge e humai i dua tau gai laa e laumalie mmao.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Daniel 2:45

Koe ne gidee dahi hadu ne ngadi modu mai donu huu i de mounga — aagai e dee se dangada donu ne duudia — gai se hadu ne oohaa iron, ma bronze, ma gelegele pigi, ma selevaa, aama goolo ga too dagidahi. De Maadua maolunga mmao laa gu hagaago ange gi de hodooligi, mee e hai i muli mai. De midi nei ma dono hagadoonunga ni muna abodonu, gai e dee haisala donu.”

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Matthew 24:35

De langi ma henua i lalo e llilo naa donu, aagai agu muna e dee llilo donu.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Matthew 25:41

Aagai ia e hai ange naa gi dangada i dono masui, ‘Goodou hulo gee mai i ogu daha, goodou gu hagamalaia, e tili ange gi lo te ahi e deai laa se ngado mai, gu hagadabena ange laa gi de ia hagabaubau laa ma ono dangada de langi!

Mark 10:40

aagai e dee go au e hilia dangada e nnoho i dogu baasi madau aabe go dogu baasi masui. Aagai duulanga nei gu hagadabena ange gi gilaadeu gu hagamodu ange laa aagena.”

1 Corinthians 2:9

Gai gu sisi e hai ange, “Mee a dangada tigi gidee, gai tigi langona, gai tigi maanadu i olaadeu lodo — go mee a de Maadua gu hagadabena ange gi gilaadeu e aaloha i de ia”  —

2 Corinthians 13:1

Deenei tolu hanonga oogu e hanadu ai gi oodou daha. “Mee alodahi e hagadonu i muna a e dogolua aabe e dogodolu dangada tala hagadonu.”

Revelation 9:15

Gai de gau de langi dogohaa laa, ne hagadabena ange laa gi de aoaa, ma de laangi, ma de malama, aama de ngadau laa, ne dugu gi hulo gi daia gi maakau dahi diba i diba e dolu o dangada.