Genesis 4:15 - De Beebaa Dabu

¹⁵ Gai Tagi Maolunga ga hai ange gi de ia, “E dee deenaa tagodo! Gai be goai naa huu e daia goe ga magau, gai e sui ange naa gi de ia i e hidu hanonga.” Gai Tagi Maolunga ne hai dahi hagailonga ga maaga ai a Cain, kana hedae ange dahi dangada gi de ia ga daa ia gu magau.

Genesis 4:15 Iomraidhean Croise

Genesis 4:24

Noo e hidu hanonga e sui ange ai de baubau ne hai ange gi a Cain, gai e madahidu ma hidu hanonga e sui ange ai de baubau e hai ange gi Lamek.”

1 Kings 16:7

Gai Tagi Maolunga ne hagaago ange hogi ana muna gi de pelaabisi go Jehu, tama daane a Hanani, i dagodo mee e hai ange gi Baasha ma dono huaabodu, i hiidinga hegau baubau alodahi a Baasha ne hai i mada luu mada o Tagi Maolunga, i dana hai ia ga lili i ana mee ne hai, i dono hai hegau bei de huaabodu o Jeroboam, aama dana daa ga maakau de huaabodu laa.

Psalm 59:11

De Ia Aamua, demaadeu mee hungihungi, koe gi dee daia gilaadeu gi maakau, gi dee ngalo ai e ogu dangada. Gai haia gilaadeu gi silivaahea saele i doo sauaa mahi, ma de hai gi dee kii gilaadeu.

Psalm 79:12

Suuia ange hegau a dangada e paa mai gi gimaadeu gi hidu hanonga; de Ia Aamua, ma de sui ange de hakadanga i de goe.

Proverbs 6:31

aagai noo ia gu boogia mai, gai ia e hagao donu gi hidu hanonga e kii ange ai, e dee galemu donu noo ia e gaavange ono goloa alodahi e hagao ai.

Ezekiel 9:4

Gai Tagi Maolunga ne hai ange gi de ia, “Hannoo hagadaga i lo te aduhale o Jerusalem maaga ina ai honga lae o dangada alodahi e daemaha ma de gonogono i hiidinga denga mee hakino gee alodahi e hai i lo te aduhale.”

Ezekiel 9:6

Daia gi maakau denga daane maatua, ma denga dama daane ma damaa hine, ma denga gauligi ma denga haahine, aagai goodou aude poo ange gi dangada gu lava laa i de maaga. Gai goodou daamada mai i de mommee dabu.” Gai gilaadeu ne daamada de daa denga dagi e tuu laa i ma te temple.

Hosea 1:4

Gai Tagi Maolunga ga hai ange gi Hosea, “Hagahia ange dono ingoo go Jezreel; go hiidinga e dee mmule naa donu, gai au ga hagaduasala de huaabodu o Jehu i hiidinga o dangada alaadeu ne daa ga maakau i Jezreel, gai au e hai naa gi deai se nohoanga hodooligi o Israel.

Leviticus 26:18

Noo goodou e duudagi donu huu tee hagallongo mai gi de au i dua mee nei, gai au e hagaduasala naa goodou gi hidu hanonga e kii ange ai i hiidinga o oodou haisala,

Leviticus 26:21

Noo goodou e hai baasi mai gi de au, ma tee llodo e hagallongo mai gi de au, gai au e hai gi hidu hanonga, e lagolago ange ai mee hagamaakau e paa i goodou, ma de hai gi bei dagodo o oodou haisala.

Leviticus 26:24

gai au e hai baasi adu hogi gi goodou, ma de hagaduasala goodou gi kii ange i de hidu hanonga, i hiidinga oodou haisala.

Leviticus 26:28

gai au e hai baasi adu naa gi goodou i dogu lili, ma de hagaduasala goodou gi hidu hanonga e kii ange ai i hiidinga oodou haisala.

Matthew 26:52

Gai Iesu ga hai ange gi de ia, “Hagaahe ange dau gadilaasa gi lo tono hale; go hiidinga dangada alodahi e hebagi i de gadilaasa e daia naa hogi ga maakau i de gadilaasa.

Revelation 14:11

Gai de useahi o de ahi e hagaduasala ai laa gilaadeu, e buu ga hano ai e dee ngado mai. Gai e deai donu se hagammabu o dangada e daumaha ange laa gi de manu alasala laa ma dono diinonga, aama gilaadeu alodahi gu gaavee de maaga o dono ingoo, i de laangi ma de boo.”

Revelation 14:9

Gai togodolu dangada de langi ne daudali ange laa i gilaadeu, ne oo ga hagadaba, “Gilaadeu e daumaha ange gi de manu alasala laa ma dono diinonga, aama de hagailonga honga olaadeu lae aabe go honga olaadeu lima madau i de maaga o de manu alasala laa,