Genesis 4:12 - De Beebaa Dabu

¹² Gai de masavaa naa huu aau e hagabalabala ai de gelegele e doo, gai e dee maua naa donu gi hanu hua iai, gai koe e hai naa ga se dangada e silivaahea ma de hagadaga saele i honga de henua.”

Genesis 4:12 Iomraidhean Croise

Genesis 4:13

Gai a Cain ga hai ange gi Tagi Maolunga, “Dogu hagaduasala gu kii ange i de mee aagu e mau i de hagauda!

Genesis 4:14

Tilo, anailaa nei gai koe gu hai au gi dee noho i de henua, gai koe e hagammuni naa luoo mada i de au; au e hai naa ga se dangada e silivaahea saele ma tee noho baba i honga de henua, gai be goai naa huu e hedae mai gi de au, gai ia e daa donu au gi magau.”

Psalm 107:34

de gelegele iai manu hhua lagolago gi se gelegele e dee ssomo ai manu, i hiidinga baubau o dangada e nnoho i kilaa.

Psalm 109:10

Ana dama gi silivaahea saele, gi dangidangi i alaadeu gai; gai gilaadeu gi dee nnoho i olaadeu mommee gu maoha laa.

Proverbs 28:17

Tangada e dee baba laa ono lodo i dana daa tangada ga magau, e silivaahea saele naa ga dae ai gi dono magau; gai e deai naa donu se dangada e balea ange.

Hosea 9:17

Dogu Maadua e tili naa gilaadeu, go hiidinga gilaadeu tee hagallongo ange gi de ia; gilaadeu e silivaahea saele naa i magavaa o dangada i denga huaahenua.

Joel 1:10

Denga veelenga gu ngadi daakodo, gai de gelegele gu hagahinangalosaa ono dagodo; denga grain gu lava i de oha, gu deai donu hogi uvaini hoou ma lolo.

Leviticus 26:17

Gai au e huli adu naa ga hai baasi adu gi goodou, ma de hai oodou hagadaumee gi hagadee kii ina goodou; gai dangada e kino laa i goodou e dagi naa goodou, gai goodou e maatagu naa ga saavini gai e deai donu dangada e dolohia goodou.

Leviticus 26:20

Goodou e hai hegau kona naa gai e deai naa donu haigamaiana, i hiidinga oodou gelegele e deai naa donu hua iai, gai oodou manu ssomo ange laa e deai naa hogi olaadeu hua.

Leviticus 26:36

Gai au e hai naa gi maatagu dangada e doe i de henua o olaadeu hagadaumee. Gilaadeu e maatagu naa ga saavini i de ssau mai o de madangi ga ili saele denga lau manu. Gilaadeu e saavini naa bei dagodo o tangada e savini ga hano gee mai i de gadilaasa, gai gilaadeu e baakuu naa donu, e dee galemu e deai donu dangada e dolohia gilaadeu.

Romans 8:20

Gai mee ne hai i taamada age gu hai gi deai ono haigamaiana, gai e dee go dana hilihili, aagai go hagatau a de ia ne haia de mee nei, gai gidaadeu e tali hagalodolodo

Deuteronomy 28:15

Aagai noo koe e dee hagallongo ange gi muna a Tagi Maolunga doo Maadua aabe e tilo ga hai hegau i ana muna alodahi, ma ana mee gu hagasauaa aagu e tala adu gi de goe anailaa nei, gai denga hagamalaia nei alodahi e hai adu naa donu gi de goe.