Genesis 4:11 - De Beebaa Dabu

¹¹ Deenei ai, koe gu hagamalaia ma gu dee maua gi hhua au manu e doo i de gelegele, go de gelegele ne holomia laa dodo o doo daina daane aau ne daa laa ga magau.

Genesis 4:11 Iomraidhean Croise

Genesis 3:14

Gai Tagi Maolunga go de Maadua ga hai ange gi de labodo, “Go hiidinga koe gu hai de hegau nei, koe gu kii ange de hagamalaia i denga manu haangai alodahi, ma denga manu lodo henua alodahi. Koe e tolo naa i honga doo dinae, ma de gai mama o de gelegele i taulooloa oo laangi e mouli ai.

Genesis 4:14

Tilo, anailaa nei gai koe gu hai au gi dee noho i de henua, gai koe e hagammuni naa luoo mada i de au; au e hai naa ga se dangada e silivaahea saele ma tee noho baba i honga de henua, gai be goai naa huu e hedae mai gi de au, gai ia e daa donu au gi magau.”

Genesis 5:29

ga hagaingoo ange ia go Noah, i hiidinga ia ne hagadaba, “Tama nei e hagaaneane mai naa gidaadeu, i adaadeu hegau hai ngadaa e hai, i honga de gelegele a Tagi Maolunga gu hagamalaia laa.”

De Beebaa go Job 16:18

De gelegele, aude hagamuunia ogu dodo, gai gi deai donu se haganoho de dangi.

Isaiah 26:21

Tilo, Tagi Maolunga gu dai sao mai naa i dono mommee e hagaduasala dangada o henua i lalo i hiidinga olaadeu baubau; gai gilaadeu gu daia laa ma gu maakau e gidee mai naa i henua i lalo; henua i lalo gu dee maua i de hagammuni ana dangada ne daa ga maakau.

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

Revelation 12:16

Aagai de gelegele ga bale ange de hine laa; de gelegele ne mahuge age ga holo vai a de dragon ne busi mai laa i lo tono ngudu.