Genesis 39:2 - De Beebaa Dabu

² Gai Tagi Maolunga ne noho madali Joseph, gai ia gu hagadagadaga age. Gai ia ne noho i de hale o dono dangada aamua, taane Egypt.

Genesis 39:2 Iomraidhean Croise

Genesis 21:20

Gai de Maadua ne noho i daho tama laa, gai ia ne madua age i lodo henua, gu se daane dau i de dili manu.

Genesis 21:22

Gai laangi laa gai Abimelek ma Phicol, tagi o ono daane hebagi, ne loomai ga hai ange gi Abraham, “De Maadua gu hagamanuuia goe i mee alodahi aau e hai.

Genesis 26:24

Gai Tagi Maolunga ne hakide ange gi de ia i de boo laa, ga hai ange, “Go au donu de Maadua o doo damana go Abraham. Aude madagu, go hiidinga au madali goe; au e hagamanuuia naa goe ga hai gi soa doo aamuli, i hiidinga o dogu dangada hai hegau go Abraham.”

Genesis 26:28

Gai gilaadeu ga hai ange, “Gimaadeu gu gidee bolo Tagi Maolunga e noho madali goe; deelaa ai, gimaadeu ne hagataba, ‘E danuaa taadeu hai dahi hagatoo donu hagaheloongoi i odaadeu magavaa.’ Gidaadeu ga hagaheloongoi madali goe,

Genesis 28:15

Gai au e noho naa madali goe ma de tilo adu goe i mommee alodahi oou e hano aagena, gai au e hagaahe mai naa donu goe gi de henua nei, gai au e dee tili naa donu goe ga dae ai gi dagu hagassula mee aagu gu hagatoo donu adu gi de goe.”

Genesis 39:23

Gai tagi o de hale pono tee hakoso ange donu gi dahi mee daudahi a Joseph e tilo ange, go hiidinga Tagi Maolunga e noho i ono daha ma de hagamanuuia mee alodahi a Joseph e hai.

Genesis 39:3

Gai dono dagi aamua gu gidee e ia bolo Tagi Maolunga e noho madali Joseph, gai mee alodahi aana e hai gai Tagi Maolunga e hai gi hagadagadaga age.

2 Kings 18:7

Gai Tagi Maolunga ne noho i ono daha; gai ia e hagadagadaga age i mee alodahi aana e hai. Ia ne hai baasi ange gi de hodooligi o Assyria, ia tee hai hegau ange gi de ia.

1 Chronicles 9:20

Gai Phinehas, tama daane a Eleazar, go tagi o denga daane e hagaloosia de haitoga i mua, gai Tagi Maolunga ne noho madali ia.

2 Chronicles 1:1

Gai Solomon tama daane a David ne hai ga too donu dono nohoanga hodooligi, go hiidinga Tagi Maolunga dono Maadua e noho i ono daha, ma de hai ia gi maolunga mmao.

Psalm 1:3

Tangada bee nei e bei de manu somo e doo laa i gaogao denga saalingaa vai; ono hua e hhaa mai i dono masavaa donu, gai ono lau e dee mmae donu. Hegau alodahi aana e hai e ssula danuaa.

Psalm 46:11

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 46:7

Tagi o denga hagabuulinga hebagi e madali gimaadeu; de Maadua o Jacob go demaadeu mommee buibui makaga. Selah

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Isaiah 41:10

Gai koe gi dee madagu, go hiidinga au madali goe, aude manavasaa oo lodo, i hiidinga go au donu doo Maadua. Go au e hagammahi ina goe, ma de bale adu goe; go au donu e daohia age goe i dogu lima madau i de heohi.

Isaiah 43:2

De masavaa oou e hano ai laa lo te vai, gai au madali goe; gai ga seesee naa donu goe i lodo saalingaa vai, gai koe e dee maua donu gi abulu, gai de masavaa oou e seesee ai i lo te ahi, gai koe e dee maua donu gi vela, gai de ula o de ahi e dee maua donu i de dudu goe.

Jeremiah 15:20

Au e hai naa goe gi bei de bae makaga ange gi de huaadangada nei, gai se bae bronze makaga; gilaadeu e hebagi adu naa gi de goe aagai gilaadeu e dee maua gi kii i de goe, go hiidinga au madali goe e buibui ma de hagaola goe, go Tagi Maolunga e hagadaba.

Matthew 1:23

“Tilo, de bua moe e hai dama naa ga haanau dahi dama daane, gai gilaadeu e hagaingoo ange naa ia go Emmanuel,” e bei, “De Maadua madali gidaadeu.”

Acts 8:31

Taane laa ga hai ange gi de ia, “Dee hee dagu hai e donu ange ai, gai e deai donu se dangada e hagadonu ina mai mee nei gi de au?” Gai taane laa ga hai ange gi a Philip, ia gi gage age gi ono daha.

1 Timothy 6:1

Gai de gau hai hegau dee ilaage alodahi gi hagadubu ina olaadeu dangada aamua, gi dee hagabaubau ina ai de ingoo o de Maadua aama amaadeu agoago.

Joshua 1:5

Gai e deai naa donu se dangada e maua i de hai baasi adu gi de goe i taulooloa doo mouli. Gai au e noho madali goe bei dogu hai ne noho ai laa hogi i daho Moses, gai au e dee tili naa donu goe aabe hano gee mai i oo daha.

Joshua 1:9

E aha, au tee tala adu laa koe gi lodo mmahi ma de lo taane? Koe gi dee madagu aabe manavasaa oo lodo, go hiidinga Tagi Maolunga doo Maadua e noho madali goe i mommee alodahi oou e hano aagena.”

Joshua 6:27

Gai Tagi Maolunga ne noho madali Joshua; gai ono longo gu dele i honga de henua alodahi.

1 Samuel 16:18

Gai dahi dama daane ne hai ange, “Tilo, au e iloo dahi dama daane a Jesse, taane Bethlehem, ia e mmau i de hagadangidangi, gai se daane mmahi ma de dau i de hebagi. Ia e heiangi i de basa, gai se daane mahamaha, gai Tagi Maolunga e noho i ono daha.”

1 Samuel 18:14

Gai hegau alodahi a David ne hai e ssula danuaa, go hiidinga Tagi Maolunga e noho i ono daha.

1 Samuel 18:28

Aagai ga gidee huu e Saul bolo Tagi Maolunga e noho i daho David, gai dana damaa hine go Michal e aloha hogi i de ia,

1 Samuel 3:19

Gai de masavaa o Samuel e somo age ai, gai Tagi Maolunga ne noho i ono daha, gai teai donu sana muna daudahi tee sula.