Genesis 38:24 - De Beebaa Dabu

²⁴ Gai dua huu e dolu malama, gai hanu dangada ga tala ange gi Judah, ga hai ange, “Doo saulaba go Tamar gu hai dama i dono hai be se manu.” Gai Judah ne hai ange, “Gaavee ia gi tua de aduhale dudu ai ia gi magau!”

Genesis 38:24 Iomraidhean Croise

Genesis 20:3

Aagai de Maadua ne hakide ange gi Abimelek i de midi, ga hai ange gi de ia, “Tilo, koe e magau donu, i hiidinga o de hine aau gu kave naa; ia se hine gu hai bodu.”

Genesis 20:7

Gai koe hagaahea ange de bodu o taane naa, go hiidinga ia se pelaabisi, gai ia ga dalodalo ai i de goe, gi dee magau ai goe. Aagai noo koe e dee hagaahe ange dono bodu, gai koe gi iloo bolo goodou ma dangada alodahi i doo hale e maakau donu.”

Genesis 20:9

Gai Abimelek ga hagahi Abraham, ga hai ange gi de ia, “Se hegau bee hee aau gu hai mai nei gi gimaadeu? Gai se baubau aha aagu gu hai adu gi de goe, gai koe ga hai ai nei gi doo ange au ma dogu nohoanga hodooligi, gi lo te baubau laumalie nei? De hegau aau gu hai mai nei gi de au e dee se hegau danuaa.”

Genesis 34:31

Aagai gilaadeu ga hai ange, “E aha, se mee heohi delaadeu hai demaadeu daina hahine bei dagodo o dahi hahine hai be se manu?”

Genesis 38:23

Gai Judah ga hai ange, “Dugua ange ai donu huu goloa naa moona, gi dee hagadogaa dangada ai gidaau. Au ne kave de guudi gauligi nei e gaavange gi de ia, gai koe tee gidee ia.”

2 Samuel 12:5

Gai David gu kona mmao dono lili i taane ne haia laa de hegau laa; gai ia ga hai ange gi Nathan, “Au e hagatoo donu i de mouli o Tagi Maolunga, bolo taane ne haia de hegau naa e daa donu gi magau!

2 Samuel 12:7

Gai Nathan ne hai ange gi David, “Go koe deenaa! Aanei muna a Tagi Maolunga, de Maadua o Israel, e tala adu, ‘Au ne hagadabu goe gi hodooligi i Israel, ma de hagaola goe mai i a Saul,

Ecclesiastes 7:26

Gai au gu gidee de mee e kii ange de mmala i de magau: go de hine e bei laa dagodo o ssele ma galauna, gai luoono lima e bei denga seeini. Gai tangada e madagu i de Maadua e ola mai naa i ono daha, aagai tangada haisala e noodia naa i ssele laa.

Jeremiah 2:20

Madagidagi loo gai koe ne hhadi de laagau hagahai hegau i honga doo eu ma de duuduu oo mee noonoa; aagai koe ne hagadaba, ‘Au e dee daumaha adu donu gi de goe!’ Gai koe ne dahulinga baubau i honga mommee maolunga alodahi ma lalo o denga manu ssomo alodahi bei dagodo o de hine hai be se manu.

Jeremiah 3:1

Noo dahi daane e maavae ange gi dono bodu, gai de hine laa e hano ga hai bodu ange gi dahi daane gee, gai e maua naa e taane i mua i de ahe ange gi de hine laa? E aha, e dee hai naa ga hakino gee de henua alodahi? Aagai koe e noho madali oo dau soa soa bei dagodo o dahi hahine hai be se manu — gai e maua ai naa e goe i de ahe mai gi de au? go Tagi Maolunga e hagadaba.

Jeremiah 3:6

Gai Tagi Maolunga ne hai mai gi de au, i de masavaa o Josiah e hodooligi ai: “Koe e gidee naa hegau a de ia e dee hai hegau i de mee abodonu go Israel? Ia e hanage gi honga denga duuduu maolunga alodahi ma lalo denga manu ssomo alodahi ma e hai be se manu ai.

Jeremiah 3:8

Ia ne gidee hogi bolo au ne gaavange dahi beebaa maavae gi de hine dee hai hegau i de mee abodonu go Israel, ga hai ia gi hano i hiidinga o dono dagodo haisala. Gai dono daina hahine go Judah tee madagu donu hogi i de vaivai dagodo; ia ne hano hogi ga dagodo haisala.

Ezekiel 16:15

Aagai koe ne tali hagalodolodo ange gi doo mahamaha, gai koe ga hano ga hai be se manu i hiidinga de soa dangada ne langona oo longo, gai koe ne dagodo haisala madali dangada alodahi e llodo i de goe.

Ezekiel 16:25

Gai koe ne hagaduu doo mommee maolunga i dege o denga haiava alodahi, gai koe ga hai ai ga hakino gee doo mahamaha, i dau gaavange doo angaanga gi dangada alodahi e loomai gi oo daha ga hai ai ga kii ange doo hai be se manu.

Ezekiel 16:26

Koe ne hai be se manu madali de gau Egypt, go dangada e paa adu gi de goe gai e llodo e dagodo haisala, gai koe ga hai ai gi kona dogu lili.

Ezekiel 16:28

Koe ne dagodo haisala hogi madali de gau Assyria, go hiidinga tee lava oo dagodo haisala; uaa, koe tee lava hogi oo dagodo haisala i dua doo dagodo haisala madali de gau Assyria.

Ezekiel 16:41

Gai gilaadeu e dudu naa oo hale i de ahi, ma de hagaduasala goe i madamada o denga haahine soa. Gai au e hai naa goe gi dee maua i de hano e dagodo haisala, koe e dee maua naa hogi i de hagao ange oo dau soa.

Ezekiel 23:19

Gai Oholibah ne kii ange donu dono hai be se manu, i dana manadua ono laangi nogo se damaa hine ai, go de masavaa oona nogo se hine hai be se manu ai i de henua go Egypt.

Ezekiel 23:44

Gai gilaadeu ne dagodo haisala madali ia, bei de hai o denga daane e dagodo haisala ai laa madali de hine hai be se manu; gilaadeu ne dagodo haisala madali Oholah ma Oholibah, luu haahine baubau.

Ezekiel 23:5

Gai Oholah se hine hai be se manu i dono masavaa nogo hai bodu mai ai gi de au; ia ne lodo mmao i ono dau soa go de gau Assyria — go denga daane hebagi

Hosea 2:5

Delaadeu dinana se hine hai be se manu, de hine ne hanaua gilaadeu e hagadookaa ana dahulinga. Ia ne hagadaba, ‘Au ga hano nei e ssala ogu dau soa, e gaamai laa agu gai ma vai e unu, ma agu wool ma flax, ma agu lolo aama agu mee e unu.’

Hosea 3:3

Gai au ne hai ange gi de ia, “Koe e noho i ogu daha i hanu laangi lagolago; koe e dee dahulinga bei de hine hai be se manu, koe e dee hano hogi gi daho dahi daane gee, gai au ga noho ai naa hogi i oo daha.”

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Leviticus 20:10

Noo dahi daane gu dagodo haisala ma de bodu o dahi dangada gee, gai gilaau ngaadahi e daa donu gi maakau.

Leviticus 21:9

Gai noo tamaa hine a dahi dangada haimeedabu gu se hine hai be se manu, ga hagangadi mee ai dono damana, gai ia e dudu donu gi magau i de ahi.

Romans 14:22

Gai doo gai gi se mee i ooluu magavaa ma de Maadua. E manuuia tangada e dee hagabaubau donu huu ia i ana mee e hagabinga bolo e heohi i dana hai.

Deuteronomy 24:16

Denga maadua e dee daa gi maakau i haisala o alaadeu dama, aabe go denga dama e daa gi maakau i haisala o olaadeu maadua. Dahi ma dahi e daa gi magau i ono haisala donu.

Judges 19:2

Aagai de hine laa ne lili i de ia ga savini ga ahe gi daho dono damana i Bethlehem i Judah, ga noho ai i e haa malama.