Genesis 37:8 - De Beebaa Dabu

⁸ Gai ono daina daane ga ssili ange gi de ia, “Se muna abodonu go koe e dagina gimaadeu alodahi? Gai go koe hogi e aamua i odaadeu magavaa?” Gai gilaadeu gu kii ange donu delaadeu llili i de ia, i hiidinga o dana midi ma ana muna.

Genesis 37:8 Iomraidhean Croise

Genesis 27:41

Gai Esau ne golo age dono lili i Jacob, i hiidinga de hagamanuuia a delaau damana ia. Gai Esau ne hagadaba i ono lodo, “Ga odi ange naa donu huu laangi e hinangalosaa ai i dogu damana, gai au ga daa gi magau dogu daina go Jacob.”

Genesis 37:4

Gai ga gidee huu e ono daina daane ange laa bolo delaadeu damana e kii Joseph dono aloha ai i gilaadeu alodahi, gai gilaadeu gu kino i Joseph, gai gilaadeu gu dee maua i de pasa danuaa ange gi de ia.

Genesis 37:9

Gai ia gu midi ange hogi, gai ia ga tala ange gi ono daina, ga hai ange, “Au gu hai ange hogi dahi midi, gai au ne gidee de laa ma de maasina ma e madaangahulu ma dahi heduu e duuduli ma e ino mai gi de au.”

Genesis 42:10

Gilaadeu ne hai ange gi de ia, “Deai, e demaadeu dangada aamua, oo dangada hai hegau ne loomai e hagao gai.

Genesis 44:18

Aagai Judah ga humai ga hagabaa ange gi de ia, ga hai ange, “Dogu dangada aamua, aude haihaia, au e lodo e tala adu agu muna. Gai koe gi dee lili i de au, doo dangada hai hegau, e dee galemu donu koe e maolunga donu bei Pharaoh.

Genesis 49:26

Denga manuuia a doo damana e danuaa ange i denga manuuia mai i denga mounga e dee ngado mai, ma de lava o denga duuduu gu daakodo mai laa huu madagidagi. Denga manuuia nei gi hagamanuuia ai Joseph, ma honga de biho o de ia gu hili laa mai i magavaa o ono daina daane.

Genesis 50:18

Gai ono daina ga loomai hogi ga hagabaakuu gi honga de gelegele i ono mada i mua, gai gilaadeu ga hai ange gi de ia, “Aanei gimaadeu oo dangada hai hegau.”

Psalm 118:22

De hadu a de gau hagatuu hale ne hagangadi mee gu hai go de hadu i tege.

Exodus 2:14

Gai taane laa ga ssili ange gi de ia, “Goai ne gaavadu gi de goe ssauaa e hagamodu ai amaadeu mee e hai? Gai koe ga daa naa hogi au gi magau, bei dau hai ne hai ai taane Egypt anaahi?” Gai Moses gu madagu, ga hagadaba i ono lodo, “Dangada gu iloo donu agu mee ne hai!”

Luke 19:14

Aagai dangada o dono henua e kino i de ia, gai gilaadeu ga hai gi hano dahi dangada sui gi hai ange, ‘Gimaadeu e dee llodo tangada naa gi hodooligi i omaadeu elunga.’

Luke 20:17

Aagai Iesu ga haaina gilaadeu, ga hai ange, “Dee hee de hagadoonunga o muna gu sisi laa: ‘De hadu a de gau hagatuu hale ne hagangadi mee gu hai go de hadu i tege’?

Acts 7:35

Deenei taane go Moses olaadeu ne kino ai laa, ga hai ange, ‘Goai ne haia goe go demaadeu dagi be go tangada e hagamodu ina omaadeu muna?’, deenei taane a de Maadua ne hai gi hano gi dagina ma de hagaola gilaadeu, i ssauaa o tangada de langi ne hakide ange laa gi de ia i lo te manu somo e ula laa.

Deuteronomy 33:16

ma hua danuaa alodahi e honu ai laa henua i lalo, ma de manuuia o de ia i lo te manu somo e ula laa. Manuuia nei alodahi e daakodo i honga de biho o Joseph, ma honga de biho o tagi i magavaa o ono daina.

Hebrews 10:29

Gai e laumalie ange donu de hagaduasala o tangada e hagangadi mee ina Tama Daane a de Maadua, ma de dagadagahia gi lalo luoono vae dodo o Klisdo, go dodo o de hagatoo donu hagaheloongoi ne haia ia ga se dangada e dabu, aama de hagadogaa de Hagasaalunga o de abodonu.

1 Samuel 10:27

Aagai hanu dangada baubau ne hagataba, “E maua nei donu taane nei i de hagaola gidaadeu?” Gai gilaadeu ne hagangadi mee a Saul, gilaadeu tee gaamai hogi hanu mee ngadi gaavange gi de ia. Gai a Saul ne golomagi ono lodo i mee nei.

1 Samuel 17:28

Gai dono daina madua go Eliab gu langona e ia muna a David ne hai ange gi denga daane. Gai ia gu lili mmao, gai ia ga hai ange, “Se hanonga aha donu oou ne humai ai naa? Gai goai aau ne dugu gi diiloo ange denga momo ssiibi ma guudi i de vao laa? Au e iloo bolo koe e lodo maolunga ma de baubau oo lodo. Koe se lodo donu huu e humai e tilo de hebagi.”

1 Samuel 18:8

Gai a Saul gu kona mmao de lili; gai ia tee malangilangi i alaadeu muna, ga hagadaba, “Gilaadeu ne hagataba bolo David e daa e semada daane, gai au se mano donu huu daane aagu e daa. Gai ia e dee kave naa hogi de nohoanga hodooligi?”