Genesis 37:27 - De Beebaa Dabu

²⁷ Goodou loomai, gidaadeu ga hagao ange ia gi dangada de aamuli o Ishmael. Gidaadeu e dee daa ia gi magau, go hiidinga ia se daina niiodaadeu, gai se dangada donu niiodaadeu.” Gai ono daina gu buni ange gi ana muna.

Genesis 37:27 Iomraidhean Croise

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Genesis 42:21

Gai gilaadeu ne hagataba i olaadeu magavaa, “Ni muna abodonu, gidaadeu gu haisala ange donu gi taadeu daina daane. Gidaadeu ne gidee de duasala ono lodo, i de masavaa aana ne dangidangi mai gi gidaadeu, gai gidaadeu tee hagallongo ange; aanei hiidinga gu duu mai ai nei de hai ngadaa nei gi gidaadeu.”

1 Samuel 18:17

Gai a Saul ne hai ange gi David, “Deenei dagu damaa hine madua go Merab; au e gaavadu ia e hai ai doo bodu. Gai koe haia gi se daane dau goe i de hebagi ma de hai hebagi a Tagi Maolunga.” Gai a Saul ne maanadu i ono lodo, “Au e dee daa ia gi magau, aagai dugua ange denga daane hebagi o Philistia gi daia gi magau!”

Revelation 18:13

ma cinnamon, ma mee hagamaanongi, ma mee maanongi e dudu laa, ma myrrh ma frankincense, ma uvaini, ma lolo olive, ma pelaoaa lligi, ma grain, ma kaau, ma ssiibi, ma hoosa ma hada hebagi, ma de gau hai hegau dee ilaage.

1 Timothy 1:10

ma gilaadeu e dagodo haisala, ma denga daane e dagodo haisala madali denga daane, ma gilaadeu e hagao ina dangada gi daha, ma de gau hadu muna, ma dangada e oohaa alaadeu hagatoo donu, aama de hai mee alodahi e hai baasi ange laa gi denga agoago heohi,

Matthew 26:15

ga ssili ange, “Ni aha oodou e hagao mai ai au noo au e gaavadu Iesu gi goodou?” Gai gilaadeu ne hagao ange ia i e matolu dibaa selevaa.

Nehemiah 5:8

ga hai ange, “Gidaadeu ne hai hegau ange ga hagao mai odaadeu dangada de gau Ssuu gu hagao ange laa gi de gau henua gee. Aagai iainei goodou gu hagao gi daha oodou dangada, gai gilaadeu ga aahe ange ga hagao mai gilaadeu gi gidaadeu?” Gai gilaadeu gu dee mmuu, gu deai donu alaadeu muna e maua i de tala.

2 Samuel 12:9

Gai gu aha gu hagangadi mee ai naa goe muna a Tagi Maolunga, ma de hai de hegau baubau nei i mada luoono mada? Koe gu daa ma gu magau Uriah, taane Heth, ma de kave dono bodu ma gu hai bodu ange aagena, aama de hai gi maua e denga daane o Ammon i de daa ia gi magau.

Exodus 21:21

aagai ia e dee hagaduasala, noo tangada hai hegau laa e hidi age i dua e dahi aabe e lua laangi, i hiidinga tangada hai hegau laa ni sseene niiana.

Exodus 21:16

Be goai e haia gi de mahi dahi dangada ga kave ia ga hagao gi daha, aabe ne gidee mai tangada laa i ono daha, gai ia e daa donu gi magau.

Genesis 37:22

Gai Reuben ga hai ange gi gilaadeu, “Gidaadeu e dee daa ia gi magau, aagai e maga ange ia gi lo te geelinga i lodo henua nei, gai gi dee poo ange ai gidaadeu gi de ia.” Ia ne basa ange bee nei go hiidinga ia e lodo e hagaola ia mai i gilaadeu e hagaahe gi daho dono damana.

Genesis 29:14

Gai Laban ga hai ange gi de ia, “Ni muna abodonu, koe se dangada donu niiogu.” Gai ia ne noho i ono daha i e dahi malama.

Genesis 50:20

Goodou ne maanadu de hai mai de baubau gi de au, aagai de Maadua ne hagahai hegau de mee laa ga hai ai tanuaa, gai ia ga hagamouli ai dangada soa bei doodou hai gu gidee ai naa anailaa nei.

Nehemiah 5:5

Gai gimaadeu e bei donu dagodo o omaadeu dangada, gai amaadeu dama e bei dagodo o alaadeu dama, aagai gimaadeu e hai amaadeu dama gi ni dangada hai hegau. Hanu amaadeu damaa hine gu lava donu i de hai gi ni dangada hai hegau dee ilaage, aagai gu deai donu amaadeu mee e mau i de hai, go hiidinga omaadeu alahenua ma amaadeu veelengaa grape gu niio hanu dangada gee.”