Genesis 37:26 - De Beebaa Dabu

²⁶ Gai Judah ga ssili ange gi ono daina, “Ni haigamaiana aha taadeu daa taadeu daina gi magau ga hagammuni dono magau?

Genesis 37:26 Iomraidhean Croise

Genesis 25:32

Esau ne hai ange, “Au gu dai magau i dogu saalohia, gai ni haigamaiana aha de boolonga o tama madua mai gi de au iainei?”

Genesis 37:20

Loomai, gidaadeu ga daa ia gi magau e maga ange gi lo te geelinga nei, gai gidaadeu ga tala bolo dahi manu lodo henua gu lava i de gai ia. Gai gidaadeu ga tilo be e hanu haigamaiana o ana midi!”

Genesis 4:10

Gai Tagi Maolunga ga hai ange, “Se hegau bee hee aau gu hai nei? Tilo, dodo o doo daina e tangi mai gi de au i lo te gelegele.

Genesis 4:9

Gai Tagi Maolunga ga ssili ange gi a Cain, “I hee iai doo daina go Abel?” Gai ia ga hai ange, “Au e dee iloo, gu aha, go au e diiloo ange dogu daina?”

Genesis 40:15

Go hiidinga dangada ne hai gi de mahi au ga kave gee au mai i de henua o de gau Hebrew, gai tigi ai hogi agu mee ne hai i kinei e heohi ai dogu noho i lo te hale pono.”

Genesis 42:21

Gai gilaadeu ne hagataba i olaadeu magavaa, “Ni muna abodonu, gidaadeu gu haisala ange donu gi taadeu daina daane. Gidaadeu ne gidee de duasala ono lodo, i de masavaa aana ne dangidangi mai gi gidaadeu, gai gidaadeu tee hagallongo ange; aanei hiidinga gu duu mai ai nei de hai ngadaa nei gi gidaadeu.”

Genesis 50:20

Goodou ne maanadu de hai mai de baubau gi de au, aagai de Maadua ne hagahai hegau de mee laa ga hai ai tanuaa, gai ia ga hagamouli ai dangada soa bei doodou hai gu gidee ai naa anailaa nei.

2 Samuel 1:16

Gai David ne hai ange gi taane Amalek, “Doo magau e dau adu donu huu gi de goe. Au muna ne hagabaubau donu huu goe, i dau hagadaba, ‘Au gu daa ga magau de ia a Tagi Maolunga ne hagadabu.’ ”

De Beebaa go Job 16:18

De gelegele, aude hagamuunia ogu dodo, gai gi deai donu se haganoho de dangi.

Psalm 30:9

“Ni haigamaiana aha dogu daia ga magau, ma dogu hano gi de mommee o de gau maakau? E maua e de gelegele i de tuhi goe? Gai e maua e de gelegele i de tala dagodo o doo hai hegau i de muna abodonu?

Jeremiah 36:25

Gai Elnathan ma Delaiah ma Gemariah ne dangidangi ange gi de hodooligi ia gi dee duungia de beebaa mulo laa, gai ia tee hagallongo ange gi gilaadeu.

Jeremiah 41:8

Aagai e dinoangahulu daane i olaadeu magavaa ne hai ange gi Ishmael, “Aude daia gimaadeu gi maakau, i hiidinga gimaadeu gu hagammuni i lo te duu malaelae dahi hagabuudungaa wheat, ma barley, ma lolo aama hooni.” Gai ia tee daa gilaadeu gi maakau madali olaadeu soa ange laa.

Ezekiel 24:7

Dodo o dangada aana ne daa ga maakau, ia ne llingi ange gi honga de baba e deai mee iai; ia tee llingi gi honga de gelegele, gi maua ai i de haoli ange.

Matthew 16:26

Ni haigamaiana aha de maua e tangada henua i lalo alodahi, aagai dono mouli e tili? Aabe se aha a tangada e gaavange e sui ai dono mouli?

Romans 6:21

Aagai ni aha oodou ne mau laa i de masavaa laa, mai i mee oodou gu dookaa ai naa iainei? De hagaodi o mee laa go de magau donu.

Deuteronomy 17:8

Gai noo e hanu mee hai ngadaa i de hagamodu i oodou mommee hagamodu muna, bei de daa tangada ga magau, ma de heohi o tangada i de hainga, aabe go de hagadau hebagi, gai goodou ga kave gilaadeu gi de mommee a Tagi Maolunga doodou Maadua gu hili.