Genesis 37:2 - De Beebaa Dabu

² Deenei taalanga o de huaabodu o Jacob. Joseph gu madaangahulu ma hidu ono ngadau, gai ia se dangada hagaloosi manu madali ono daina daane, go dama a Bilhah ma Zilpah, luu bodu laa daha o dono damana. Gai Joseph ne ahe mai ga tala ange gi delaadeu damana, dahulinga baubau a ono daina ange laa.

Genesis 37:2 Iomraidhean Croise

Genesis 10:1

Gai aanei aamuli o Noah ma ana dama daane: go Shem, ma Ham, aama Japheth. Gai gilaadeu ne hagadili hogi hanu dama i dua tolona.

Genesis 2:4

Gai deenei taalanga o de langi ma henua i lalo i de masavaa ne hai ai. De masavaa a Tagi Maolunga go de Maadua ne hai ai henua i lalo ma de langi,

Genesis 30:4

Gai Rachel ga gaavange dono hahine hai hegau go Bilhah gi Jacob e hai ai dono bodu, gai Jacob ga hano ga hagahebaa ma ia.

Genesis 30:9

Aagai ga gidee huu e Leah bolo ia gu dee maua gi hanu ange ana dama, gai ia ga kave dono hahine hai hegau go Zilpah ga gaavange gi Jacob, e hai ai dono bodu.

Genesis 35:22

De masavaa o Israel e noho ai i de henua laa, gai Reuben ne hano ga dagodo haisala ma Bilhah, dahi bodu laa daha o dono damana, gai Israel gu langona e ia. Gai Jacob e dinoangahulu ma dogolua ana dama daane:

Genesis 41:46

Gai Joseph gu matolu ono ngadau i de masavaa oona ne daamada ai de hai hegau ange gi de hodooligi o Egypt go Pharaoh. Gai ia ga hano gee mai i mada i mua o Pharaoh, ga hagadaga i honga de henua go Egypt.

Genesis 42:8

Joseph ne madea e ia ono daina daane, gai gilaadeu tee madea ia.

Genesis 45:6

Deenei de lua ngadau e onge ai honga de henua; gai e lima ange ngadau e dee doe ai manu aabe e hagihagi ai.

Genesis 46:34

gai goodou ga hai ange, ‘Gimaadeu, oo dangada hai hegau ni dangada haangai manu, mai loo i de masavaa omaadeu e gauligi ai, bei dagodo o omaadeu dubuna madagidagi.’ Gai ia e dugu adu naa goodou gi nnoho i Goshen, go hiidinga de gau haangai manu alodahi, ni dangada e hakino gee i daho de gau Egypt.”

Genesis 5:1

Deenei de beebaa e tala ai dagodo o de aamuli o Adam. De masavaa a de Maadua ne hai ai tangada, gai ia ne hai tangada gi bei ono hagadulagi.

Genesis 6:9

Deenei taalanga o de huaabodu o Noah. Noah se daane e heohi aama tee haisala i dono atangada; Noah ne seesee madali de Maadua.

John 7:7

Henua i lalo e dee kino i goodou, aagai e kino i de au, go hiidinga au e tala bolo hegau e hai i henua i lalo e baubau.

1 Corinthians 1:11

Denga daina, hanu dangada mai i de huaabodu o Chloe gu tala mai bolo goodou e hagadaumee i oodou magavaa,

1 Corinthians 11:18

Gai deenei tahi mee oodou e hai: de masavaa o de nohoanga dabu e hagabuni ai, gai au gu langona bolo e hanu hagabuulinga i oodou magavaa e hagadau hai baasi; gai au e dai hagadonusia donu muna nei.

1 Corinthians 5:1

Gai gu hagadele mai bolo hanu dahulinga dagodo haisala e hai i oodou magavaa, gai ni dahulinga donu e dee hai i daho denga Gentile; dahi daane e dagodo haisala ma de bodu o dono damana.