Genesis 36:6 - De Beebaa Dabu

⁶ Gai Esau ne kave ono bodu, ma ana dama daane ma damaa hine, ma dangada alodahi i dono hale, ma ana hagabuulingaa manu, aama ono goloa alodahi ne mau i de henua go Canaan, ga hano ai gi dahi henua e mmao gee mai i dono daina daane go Jacob,

Genesis 36:6 Iomraidhean Croise

Genesis 12:5

Ia ne kave hogi dono bodu go Sarai, ma Lot, tama daane a dono daina daane, ma alaadeu mee alodahi ne mau, aama de gau hai hegau alaadeu ne kave mai i Haran, gai gilaadeu ne hulo ga tae gi de henua go Canaan.

Genesis 13:11

Gai a Lot ne kave de mommee soe alodahi i gaogao o Jordan, gai ia ne ngalue ga hano gi de baasi i dua. Gai gilaau gu mavaevae ga nnoho dagidahi.

Genesis 13:6

Gai gilaau gu dee oo i de nnoho i dahi mommee daudahi i de henua laa, go hiidinga gu kona de lagolago olaau goloa, gilaau gu dee maua i de nnoho i dahi mommee.

Genesis 17:8

Gai de henua alodahi o Canaan, oou e noho gaainga ai naa, e gaavadu naa gi doo hagadiilinga e loomai i oo dua ga hano ai; gai au e hai naa go delaadeu Maadua.”

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

Genesis 28:4

Gai ia e gaavadu naa gi de goe ma doo aamuli de manuuia ne gaavange laa gi Abraham, gai koe e henua naa i de henua oou e noho gaainga ai naa iainei, go de henua a de Maadua gu gaavange gi Abraham.”

Genesis 32:3

Gai Jacob ne hai hanu dangada gi hulo i ono mada i mua, gi daho dono daina go Esau i de ungaamee go Seir, i de henua go Edom.

Genesis 36:5

Gai Oholibamah ne haanau Jeush, ma Jalam, ma Korah; aanei denga dama ne haanau ange gi Esau i de henua o Canaan.

Ezekiel 27:13

Javan, ma Tubal, ma Meshek ne hagao hogi oo goloa; gilaadeu ne hagao oo goloa i de gau hai hegau aama goloa e hai i bronze.

Revelation 18:13

ma cinnamon, ma mee hagamaanongi, ma mee maanongi e dudu laa, ma myrrh ma frankincense, ma uvaini, ma lolo olive, ma pelaoaa lligi, ma grain, ma kaau, ma ssiibi, ma hoosa ma hada hebagi, ma de gau hai hegau dee ilaage.