Genesis 35:2 - De Beebaa Dabu

² Gai Jacob ne hai ange gi dono huaabodu, ma dangada alodahi madali ia, “Goodou dilia denga diinonga i oodou daha naa, ma de hagagilimalali goodou ga sui oodou malo.

Genesis 35:2 Iomraidhean Croise

Genesis 18:19

Gai au gu lava i de hili ia, gai ia e hai naa ana dama ma dangada i dono hale gi daohia de haiava o Tagi Maolunga, ma de hai hegau i de mee heohi ma de hagamodu heohi, gai Tagi Maolunga e gaavange naa gi Abraham mee aana gu hagatoo donu ange ai gi de ia.”

Genesis 31:19

De masavaa o Laban ne hano ai e duuduu huluhulu o ana ssiibi, gai Rachel ne gaiaa denga diinonga a de huaabodu o dono damana.

Genesis 31:30

Koe ne hano gee i hiidinga koe gu buliaamoou i dangada i doo huaabodu, aagai gu aha goe gu gaiaa ai laa ogu diinonga?”

Genesis 31:34

Gai Rachel gu lava i de kave denga diinonga laa, ma gu velo ange gi lo te mee e nnoho ange ai tangada gi honga de gamelo, ga noho ange aagena. Gai Laban ne ssala hogi i lo te hale malo laa, gai teai donu ana mee ne gidee.

Genesis 34:2

Gai Shechem, tama daane a Hamor taane Hiv, de hodooligi o de henua laa ne hedae ange gi de ia, gai ia ga hai gi de mahi Dinah, ga dagodo haisala ma ia.

Genesis 35:22

De masavaa o Israel e noho ai i de henua laa, gai Reuben ne hano ga dagodo haisala ma Bilhah, dahi bodu laa daha o dono damana, gai Israel gu langona e ia. Gai Jacob e dinoangahulu ma dogolua ana dama daane:

2 Samuel 7:23

Gai goai e bei dagodo o oo dangada go de gau Israel — go de huaahenua i henua i lalo, a de Maadua ne hagaola laa e hai ai ono dangada, gai koe ga hai ai gi maolunga doo ingoo, ma de hai hegau hagalele mouli ma de hagamaatagu, i dau hai gi hulo gee denga huaahenua ange laa ma olaadeu diinonga, mai i daho oo dangada, go dangada aau ne hagaola mai i Egypt?

2 Kings 17:29

Aagai dangada o denga huaahenua ange laa ne hai olaadeu diinonga, i denga aduhale olaadeu e nnoho ai laa, ga hagatuu i denga hale a de gau Samaria ne hagatuu laa, i denga mommee daumaha.

2 Kings 5:10

Gai Elisha ne hai dahi dangada gi hano, gi hai ange gi de ia, “Hannoo sulu gi lo te vai o Jordan i e hidu hanonga, gai maanuga i doo angaanga e ieiangi naa, gai koe e gilimalali naa.”

1 Chronicles 16:26

Go hiidinga maadua alodahi o denga huaahenua ni ngadi diinonga; aagai go Tagi Maolunga ne haia de langi.

De Beebaa go Job 1:5

Gai de masavaa huu e odi ai laangi olaadeu e daonga ai, gai a Job ga aalu gilaadeu ga gaamai ga hagagilimalali. Gai ia ne oho age i boo taiao ga hai dagidahi sigidaumaha dudu ange gi gilaadeu. Go hiidinga ia ne hagadaba, “Kana adu agu dama ne haisala ma de pasa baubau i de Maadua i olaadeu lodo.” Aanei hegau a Job e hai i laangi alodahi.

Psalm 51:2

Sooloa gi odi ogu baubau alodahi, ma de hagagilimalali au mai i ogu haisala.

Psalm 51:7

Hagagilimalali ina au i de hyssop, gi gilimalali ai au; hakaugau ina mai au, gi tea ange ai au i denga snow.

Exodus 19:10

Gai Tagi Maolunga ga hai ange gi Moses, “Ahe iho gi daho dangada mage hagadabu ina gilaadeu, ma de hai gilaadeu gi daaia olaadeu malo alodahi gi gilimalali ailaa nei aama daiao;

Exodus 19:14

Gai Moses ne ahe iho i de mounga gi daho dangada, ga hagadabu gilaadeu; gai gilaadeu ga taa olaadeu malo.

Exodus 23:13

Gai goodou kana ange daudali i muna alodahi aagu gu tala adu gi goodou. Goodou aude dalodalo i ingoo o denga diinonga, aabe e dagudagu olaadeu ingoo i oodou ngudu.

Ecclesiastes 5:1

Dagidiiloo au mee e hai i doo masavaa e ulu ai i de hale o de Maadua. E danuaa ange noo koe e hano ga hagallongo, i doo hano ga hai ssigidaumaha a de gau llodo ssenga, go gilaadeu e dee iloo bolo alaadeu mee e hai e dee heohi.

Isaiah 1:16

goodou gaugau gi gilimalali ai goodou. Aaua gee oodou hegau baubau mai i mada luoogu mada; duudia doodou hai de baubau,

Isaiah 52:11

Goodou hulo gee, goodou hulo gee, hulo gee mai i kilaa! Goodou aude poo ange gi dahi mee hakino gee! Goodou ssao hulo gee mai i kilaa gai gi gilimalali ai goodou, go goodou e hagauda ina goloa hai hegau o Tagi Maolunga.

Jeremiah 13:27

Au gu gidee dagodo o doo dagodo haisala, ma doo senga ange gi de hai be se manu, ma dahulinga hakino gee, i honga denga duuduu ma lodo duu malaelae. Jerusalem, e vakaa naa goe! Go aahee maa loo oou e maua ai gi gilimalali?”

Jeremiah 16:20

E aha, e maua e tangada i de hai hanu diinonga moona? Diinonga nei e dee ni maadua abodonu!”

Jeremiah 5:7

“Dee hee dagu hai e degi adu ai gi de goe? Au dama gu daahuli gee i de au gai gu hagatoo donu i denga diinonga e dee ni maadua abodonu. Au ne haangai ange gilaadeu ga boobosu, aagai gilaadeu ne dagodo haisala ma de daga ga hulo gi hale o de gau hai be ni manu.

Ezekiel 18:31

Dilia oodou haisala alodahi gu haisala mai ai gi de au, gai hagahoou ina oodou lodo ma oodou hagasaalunga! Dangada o Israel, ni haigamaiana aha doodou maakau?

Ezekiel 20:7

Gai au ne hai ange gi gilaadeu, “Goodou alodahi dilia denga diinonga hakino gee oodou e kalo ange naa aagena, goodou aude haia gi hakino gee goodou i diinonga o Egypt. Go au go Iahweh doodou Maadua.”

Ezekiel 36:25

Au e hagassii adu naa denga vai gilimalali gi goodou, gi gilimalali ai goodou. Au e hagagilimalali naa goodou mai i oodou dahulinga hakino gee alodahi, aama mai i oodou diinonga alodahi.

Daniel 5:4

Gai gilaadeu ne unu uvaini, ma de tuhi ai denga diinonga e hai i goolo ma selevaa, ma bronze, ma iron, ma laagau aama hadu.

Leviticus 15:5

Gai tangada e poo ange gi moenga laa, gai ia gi daia ono malo ma de gaugau, gai ia gu dee gilimalali ga dae ai gi de ahiahi.

Leviticus 17:16

Aagai noo ia e dee taa ono malo aabe e gaugau, gai ia e hagaduasala donu i ono baubau.’ ”

Numbers 31:24

Gai goodou e taa hogi oodou malo i de hidu laangi, gi gilimalali ai goodou; muli mai gai goodou gu maua i de aahe mai gi de mommee nnoho gaainga.”

Acts 19:26

Gai goodou gu gidee ma de iloo bolo taane go Paul gu hagabasa dangada soa i Ephesus, ma mommee alodahi o Asia, gilaadeu gi dee hagadonusia mee nei, ma de hagadaba bolo denga diinonga a dangada e hai e dee ni maadua abodonu.

1 Corinthians 10:7

Goodou gi dee daumaha ange gi denga diinonga bei hanu gilaadeu; bei de hai gu sisi ai laa, “Dangada ne nnoho ga gaimee ma de unu, ga lava ga hiihidi age ga hai denga dahulinga baubau.”

2 Corinthians 7:1

Denga daina hagamogomogo, go hiidinga denga hagatoo donu nei ni mee mai gi gidaadeu, deenei ai, gidaadeu ga hagagilimalali gidaadeu mai i denga mee alodahi e haia gi dee gilimalali de angaanga ma de hagasaalunga. Gai gidaadeu ga hai gi honu taadeu hai gi dabu gidaadeu i de madagu i de Maadua.

Galatians 4:8

I mua gai goodou e dee iloo de Maadua, goodou ni dangada hai hegau niio mee e dee ni Maadua abodonu.

Deuteronomy 11:28

gai se hagamalaia noo goodou e dee hagallongo ange gi muna a Tagi Maolunga doodou Maadua, gai e daahuli gee i de haiava aagu e tala adu gi goodou anailaa nei, ga daudali ange i denga maadua oodou tee iloo i mua.

Deuteronomy 32:16

Gilaadeu ne hai ia ga maagoda i olaadeu diinonga, ma de hai ga lili ia i alaadeu hegau hakino gee.

Deuteronomy 5:7

Aude haia hanu diinonga gee gi maolunga ange i de au.

Deuteronomy 6:14

Goodou e dee daumaha ange gi denga diinonga, go diinonga o denga huaadangada e nnoho madali goodou;

Deuteronomy 7:25

Gai goodou duungia olaadeu diinonga i de ahi; gai goodou aude nnoo ange gi denga selevaa ma goolo e hai ai diinonga laa, aabe gi gaavee mee nei e hai ai oodou goloa, kana noodia ai goodou, go hiidinga Tagi Maolunga doodou Maadua e kino mmao i mee nei.

Hebrews 10:22

Deenei ai, gidaadeu ga loomai e hagapaa ange gi de Maadua i de lodo se mee abodonu ma de gai e honu abodonu, gai tagi i odaadeu lodo gu hagagilimalali mai i de baubau, gai odaadeu angaanga gu gaugau i vai gilimalali.

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!

Joshua 23:7

gai goodou aude hagabuni ange gi denga huaahenua e doe i oodou magavaa, be gi dagudagu ina ingoo o olaadeu diinonga i doodou dalodalo, be gi hagatoo donu i olaadeu ingoo, be gi daumaha ange gi gilaadeu, aabe gi ino ange gi gilaadeu.

Joshua 24:14

Gai goodou maatagu i Tagi Maolunga ma de daumaha ange gi de ia i de muna abodonu, ma de hai hegau ange gi de ia i de mee abodonu. Goodou dilia denga diinonga a oodou dubuna ne daumaha ange aagena i de baasi laa o Euphrates ma Egypt, aagai daumaha ange gi Tagi Maolunga.

Joshua 24:15

Aagai noo e dee heohi mai i oodou daha de daumaha ange gi Tagi Maolunga, gai ailaa nei goodou hilihilia be goai oodou e daumaha ange aagena: go denga diinonga a oodou dubuna madagidagi nogo daumaha ange aagena i de baasi laa o Euphrates, aabe go diinonga o de gau Amor oodou e nnoho naa i olaadeu magavaa i delaadeu henua. Aagai au ma dogu huaabodu, gimaadeu e daumaha ange gi Tagi Maolunga.”

Joshua 24:2

Gai Joshua ga hai ange gi dangada alodahi, “E hagadaba Tagi Maolunga, de Maadua o Israel, ‘Madagidagi gai oodou dubuna nogo nnoho i de baasi laa o ssaalingaa vai go Euphrates; gai a Terah, tamana o Abraham ma Nahor, ne daumaha ange gi hanu maadua gee.

Joshua 24:20

Gai noo goodou e daahuli gee mai i Tagi Maolunga gai ga daumaha ange gi denga diinonga o denga huaahenua gee, gai ia e huli adu naa ga hai adu de baubau gi goodou, gai ia e daa naa goodou ga odi i de maakau, e dee galemu donu dana hai adu tanuaa gi goodou i mua.”

Joshua 24:23

Joshua ne hai ange hogi, “Deenei ai, goodou dilia denga diinonga o de gau henua gee i oodou daha naa, gai dugua ange oodou lodo gi Tagi Maolunga de Maadua o Israel.”

Jude 1:23

ma de hagaola hanu ga aau gee gilaadeu i de ahi; gai degi ange gi de gau ange laa i doodou maatagu — gai goodou kino donu i malo gu hakino gee laa i mee o de angaanga.

Judges 10:16

Gai dangada o Israel ga aau gee denga diinonga laa mai i olaadeu magavaa, gai ga daumaha ange gi Tagi Maolunga; gai ia gu kona mmao de daemaha ono lodo i hiidinga de duasala o de gau Israel.

Ruth 1:15

Gai Naomi ne hai ange gi a Ruth, “Galo ange, doo maa gu ahe gi daho ono dangada, ma ono diinonga. Ahe madali ia!”

1 Samuel 16:5

Gai ia ga hai ange, “Uaa, au ne humai i de baba, au se humai e hai ange sigidaumaha gi Tagi Maolunga. Goodou hagagilimalali ina goodou ma gi loomai madali au e hai ssigidaumaha.” Gai Samuel ne hai hogi Jesse ma ana dama daane gi hagagilimalali ina gilaadeu, ga ssala ange gilaadeu gi loomai gi de hai ssigidaumaha laa.

1 Samuel 7:3

Gai Samuel ga hai ange gi de gau Israel alodahi, “Noo goodou e aahe mai gi Tagi Maolunga i oodou lodo alodahi, gai goodou aau gee denga diinonga o de gau henua gee, ma tiinonga go Ashtaroth mai i oodou daha, ga dugu ange oodou lodo alodahi gi Tagi Maolunga, ma de daumaha ange donu huu gi de ia, gai ia ga hagaola goodou mai i de gau Philistia.”