Genesis 34:30 - De Beebaa Dabu

³⁰ Gai Jacob ga hai ange gi Simeon ma Levi, “Gooluu gu hagahai ngadaa au ma de hai gi kino dangada o de henua nei i de au, go de gau Canaan ma de gau Perez. Au e sogoisi ogu daane, gai noo gilaadeu e hagabuni e hebagi mai gi de au, gai gilaadeu e daa donu au ma dogu huaabodu ga maakau.”

Genesis 34:30 Iomraidhean Croise

Genesis 12:12

gai de masavaa naa huu a de gau Egypt e gidee ai goe, gai gilaadeu ga hagataba, ‘Deenei dono bodu,’ gai gilaadeu e daa naa au ga magau, gai ga dugu goe gi mouli.

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Genesis 12:6

Gai Abram ga hano laa lo te henua ga hano ai gu dae gi Shechem, i de mommee iai de oak o Moreh. De masavaa laa gai go de gau Canaan e nnoho i de henua laa.

Genesis 13:7

Gai de gau hagaloosi manu o Abram, ma de gau hagaloosi manu o Lot gu dee heloongoi. De masavaa laa gai go de gau Canaan, ma de gau Perez e nnoho i de henua laa.

Genesis 34:2

Gai Shechem, tama daane a Hamor taane Hiv, de hodooligi o de henua laa ne hedae ange gi de ia, gai ia ga hai gi de mahi Dinah, ga dagodo haisala ma ia.

Genesis 34:29

ma alaadeu mee alodahi ma alaadeu dama, ma olaadeu bodu, aama mee alodahi i lodo hale ga hulo ai.

Genesis 34:31

Aagai gilaadeu ga hai ange, “E aha, se mee heohi delaadeu hai demaadeu daina hahine bei dagodo o dahi hahine hai be se manu?”

Genesis 46:26

Dangada alodahi ne hulo laa gi Egypt madali Jacob — go dangada mai i dono aamuli — se dinoono ma dogoono, gai bodu ana dama daane tee dau.

Genesis 46:27

Gai Joseph ne hagadili e dogolua dama daane i Egypt, gai dangada alodahi i de hale o Jacob ne hulo gi Egypt se dinohidu.

2 Samuel 10:6

Gai ga gidee huu e de gau Ammon bolo David gu kino i gilaadeu, gai gilaadeu ga aalu ga hagao e luasemada daane hebagi o Syria mai i Beth Rehob ma Zobah, ma de hodooligi o Maacah madali e mano daane, aama e 12,000 daane mai i Tob.

2 Samuel 16:21

Gai Ahithophel ga hai ange gi Absalom, “Hannoo dagodo haisala madali denga bodu laa daha o doo damana, aana ne dugu laa gi diiloo ange de hale; gi langona ai e de gau Israel alodahi bolo koe gu se hagadaumee niio doo damana, gai dangada alodahi madali goe gu kii ange de lo taane.”

1 Kings 11:25

Gai Rezon se hagadaumee niio Israel i taulooloa de mouli o Solomon; ia ne hai hegau vaivai dagodo bei Hadad. Ia e kino i Israel, gai go ia e hodooligi i Syria.

1 Kings 18:18

Elijah ne hai ange, “E dee go au e hagahai ngadaa ina de gau Israel, gai go koe, ma de huaabodu o doo damana, go hiidinga goodou gu tili hainga a Tagi Maolunga, gai gu daudali ange i denga Baal.

1 Chronicles 16:12

Manadua ana hegau hagalele mouli, ana sauaa ma ana hagamodu gu tala.

1 Chronicles 16:19

De masavaa olaadeu goi sogoisi ai, e dee dau, gai ni dangada henua gee i de henua laa,

1 Chronicles 19:6

Gai ga gidee huu e de gau Ammon bolo David gu kino i gilaadeu, gai Hanun ma de gau Ammon ga kave e mano talent selevaa e hagao ai denga hada hebagi ma denga daane e kage i honga hoosa mai i Mesopotamia, ma mai i Syria Maacah aama Zobah.

1 Chronicles 2:7

Dama daane a Carmi: go Achar, go taane ne haia ga hai ngadaa de gau Israel, i dana kave mee gu hagailonga e oha gi odi.

Psalm 105:12

De masavaa olaadeu goi sogoisi ai, e dee dau, gai ni dangada henua gee i de henua laa,

Exodus 5:21

Gai gilaadeu ne hai ange gi gilaau, “Tagi Maolunga gi hagaduasala ina gooluu, go hiidinga gooluu gu hai gi kino Pharaoh ma ono dangada hai hegau i gimaadeu, gai e bei donu gooluu gu gaavange dahi gadilaasa gi gilaadeu gi daia ai gimaadeu gi maakau.”

Proverbs 11:17

Hegau a tangada abodonu e hai donu ga danuaa ange gi de ia, aagai tangada alasala e hagabaubau donu huu ia.

Proverbs 11:29

Tangada e hagahai ngadaa ina laa dono huaabodu, se ngadi madangi donu huu aana e kave, gai tangada lodo senga e hai hegau ange naa gi tangada heiangi.

Proverbs 15:27

Tangada nnoo hagamau mee, e hagahai ngadaa dono huaabodu, aagai tangada e kino i denga ngadi gaavange hagasenga e mouli donu.

Deuteronomy 4:17

be go dahi manu dolodolo i henua i lalo, be go dahi manu llele i lo te moana i lunga,

Deuteronomy 4:27

Gai Tagi Maolunga e hai naa goodou gi mavaevae saele i magavaa o de gau henua gee, gai e sogoisi naa donu huu goodou e ola i doodou nnoho i daho denga huaahenua a Tagi Maolunga e hai goodou gi hulo gi nnoho ai.

Deuteronomy 7:7

Tagi Maolunga tee hili goodou e aloha adu gi goodou, i hiidinga goodou e soa ange i denga huaadangada ange laa, i hiidinga go goodou hugadoo e sogoisi i denga huaadangada alodahi.

Joshua 7:25

Gai Joshua ga hai ange gi Achan, “Gu aha goe gu hagahai ngadaa ai naa gimaadeu? Tagi Maolunga gi haia gi hai ngadaa goe ailaa nei.” Gai de gau Israel alodahi ga maga Achan i denga hadu ga dudu gilaadeu ma dono huaabodu ma ana mee alodahi i de ahi.

1 Samuel 13:4

Gai de gau Israel alodahi gu langona bolo a Saul gu hagadee kii de gau Philistia, gai denga daane Philistia gu kino i denga daane Israel. Gai gu aalu denga daane alodahi gi loomai gi daho Saul i Gilgal.

1 Samuel 16:2

Gai Samuel ga hai ange, “Dee hee dogu hai e hano ai? Noo a Saul e langona bolo au gu hano gi kilaa, gai ia e daa naa donu au gi magau.” Gai Tagi Maolunga ga hai ange, “Gaavee dahi kaau hahine gauligi madali goe, gai koe ga hagadaba, ‘Au ne humai e sigidaumaha ange gi Tagi Maolunga.’

1 Samuel 27:1

Gai David ga hagadaba i ono lodo, “A Saul e daa naa donu au ga magau i dahi laangi. De mee danuaa go dogu savini e hano gi de henua o de gau Philistia; gai a Saul gu dee humai ai loo e ssala ngau i de henua go Israel, gai au gu ola mai i de ia.”

1 Samuel 27:12

Gai Achish ne hagadonu muna a David, gai ia e maanadu, “Ia gu hai ma gu kino ono dangada Israel i de ia; deelaa ai, ia gu se dangada hai hegau niiogu ga hano ai.”