Genesis 33:9 - De Beebaa Dabu

⁹ Aagai Esau ne hai ange, “Dogu daina, au e lagolago donu agu mee, hagaahea adu au mee.”

Genesis 33:9 Iomraidhean Croise

Genesis 27:39

Gai dono damana go Isaac ga basa ange, ga hai ange gi de ia, “Tilo, doo mommee noho ai e mmao gee i de gelegele e hhua danuaa ai denga manu ssomo, ma mai i de mommee e hano iho ai de mee suungia o de langi.

Genesis 27:40

Koe e mouli naa i dau gadilaasa, gai koe e hai hegau ange naa gi doo daina daane. Aagai de masavaa naa huu oou e huli ange ai gi de ia, gai koe e hadihadi naa dana laagau gu hagauda adu gi honga doo eu.”

Genesis 27:41

Gai Esau ne golo age dono lili i Jacob, i hiidinga de hagamanuuia a delaau damana ia. Gai Esau ne hagadaba i ono lodo, “Ga odi ange naa donu huu laangi e hinangalosaa ai i dogu damana, gai au ga daa gi magau dogu daina go Jacob.”

Genesis 33:10

Jacob ne hai ange, “Aude haihaia, noo koe gu degi mai gi de au, gai koe gaavee dagu mee ngadi gaavange. Go hiidinga dagu gidee goe e bei donu au gu gidee luu mada o de Maadua, i hiidinga koe gu malangilangi i de au.

Genesis 4:9

Gai Tagi Maolunga ga ssili ange gi a Cain, “I hee iai doo daina go Abel?” Gai ia ga hai ange, “Au e dee iloo, gu aha, go au e diiloo ange dogu daina?”

Proverbs 16:7

De masavaa naa huu a tangada e hai ai ga malangilangi Tagi Maolunga, gai ia e hai donu hogi ono hagadaumee gi hagadanuaa ange gi de ia.

Proverbs 30:15

Dahi dangaloa unu dodo e dogolua ana damaa hine; gilaau e hagataba, “Gaamai, gaamai!” E dolu mee e dee maua donu gi lava olaadeu mee e llodo ai, gai e haa mee dee haihai donu ga hagataba, “Gu lava!” —

Ecclesiastes 4:8

E dahi dangada e noho sogosogo, e deai sana dama daane be se daina daane. Gai e dee maua donu gi lava ana hegau e hai, gai ia e dee maua hogi gi malangilangi i dono lava. Gai ia e hagadaba, “Goai donu oogu e hai hegau kona ange nei aagena, gai gu aha gu dee hai ai nei donu huu au de mee e danuaa mai gi de au?” De mee nei e deai hogi ono haigamaiana, gai se hegau hagadaemaha!

Acts 21:20

Gai ga langona huu e gilaadeu de mee laa, gai gilaadeu ga tuhi de Maadua. Gai gilaadeu ga hai ange gi Paul: “Taina, koe e gidee bolo gu soa de gau Ssuu ne hagadonusia, gai gilaadeu alodahi e mmahi hogi i de daohi denga hainga.

Acts 9:17

Aagai Ananias ne hano ga ulu i de hale laa ga dugu ange luoono lima gi honga o Saul, ga hai ange, “Dogu daina go Saul, Tagi Maolunga, go Iesu ne hakide adu laa gi de goe i honga de haiava, ia ne hai au gi humai gi gide ai goe ma de hhao gi honu i de Hagasaalunga Dabu.”

Philemon 1:16

Iainei ia gu dee se dangada hai hegau donu huu, aagai gu kii ange i tangada hai hegau, ia gu se daina hagamogomogo. Ia e dee se daina hagamogomogo mai donu huu gi de au, gai e kii ange naa donu doo aloha i de ia, i hiidinga ia se dangada hai hegau niiou, gai se daina hogi i lodo o Tagi Maolunga.

Philemon 1:7

Dogu daina, doo aloha gu hagamalangilangi ma de hagaaneane ogu lodo, i hiidinga koe gu hagaaneane lodo o dangada o de Maadua.

Judges 20:23

Gai de gau Israel ga loage ga tangi i mada luu mada o Tagi Maolunga ga dae ai gi de ahiahi. Gai gilaadeu ne ssili ange hogi gi Tagi Maolunga, ga hai ange, “Ga aahe gimaadeu e hebagi ange gi omaadeu daina i de aamuli o Benjamin?” Gai Tagi Maolunga ga hai ange, “Goodou hulo hebagi ange gi gilaadeu.”