Genesis 32:7 - De Beebaa Dabu

⁷ Gai Jacob gu madagu mmao ma de manavasaa ono lodo, gai ia ga vvae dangada madali ia, ga hai ai e lua hagabuulinga, madali denga ssiibi ma kaau aama gamelo.

Genesis 32:7 Iomraidhean Croise

Genesis 32:11

Au e dangidangi adu, koe gi hagaola ina au mai i dogu daina go Esau, go hiidinga au e madagu ia kana humai ga hebagi mai gi gimaadeu ma denga dinana aama denga gauligi.

Genesis 32:3

Gai Jacob ne hai hanu dangada gi hulo i ono mada i mua, gi daho dono daina go Esau i de ungaamee go Seir, i de henua go Edom.

Genesis 32:8

Ia ga maanadu i ono lodo, “Noo Esau e humai ga hebagi ange gi dahi hagabuulinga, gai de hagabuulinga ange laa e maua i de saavini e hagaola gilaadeu.”

Genesis 33:1

Gai Jacob ne dangage age gu gidee adu e ia Esau e humai madali e haalau daane. Gai ia ga vaevae dama a Leah, ma dama a Rachel, ma dama a luu haahine hai hegau.

Genesis 35:3

Gai gidaadeu ga hulo gi Bethel, gai au ga bae dahi mommee o ssigidaumaha ange gi de Maadua i kilaa, go de ia ne balea mai au i de masavaa oogu ne duasala ai, gai ia ne noho madali au i mommee alodahi oogu ne hano aagena.”

Psalm 107:6

Gai gilaadeu ne tangi ange gi Tagi Maolunga i delaadeu hai ngadaa, gai ia ga hagaola gilaadeu mai i olaadeu duasala.

Psalm 112:5

Tanuaa e humai naa gi tangada abodonu ma de gaavange sseene gi dangada, go tangada e hai hegau i de hagamodu heohi.

Psalm 142:4

Galo ange gi dogu madau ma gi diiloo, gu deai donu dangada e kalo mai gi de au. Gu deai sogu mommee e buibui ai, gu deai donu dangada e aloha mai gi de au.

Psalm 31:13

Au e langona dangada soa e hagadau musumusu i de au; de mee hagamaatagu gu dagodo i mommee alodahi; gilaadeu gu buni e hai baasi mai gi de au ma de hai dahi hagatau e daa ai au gi magau.

Psalm 61:2

Au e hagahi adu goe mai i de bido laa o henua i lalo, i de masavaa e baageaa ai ogu lodo; dagina ange au gi de baba makaga e maolunga ange laa i de au.

Exodus 14:10

Gai ga paa adu huu Pharaoh, gai de gau Israel gu gidee e gilaadeu bolo de gau Egypt gu doolohi adu gilaadeu, gai gilaadeu gu maatagu mmao, gai gilaadeu ga tangi ange gi Tagi Maolunga.

Proverbs 2:11

Doo maanetonu e buibui naa goe, gai doo donu ange e hagaloosi adu naa goe,

Isaiah 28:26

I hiidinga dono Maadua e tala ange ana mee e hai, ma de agoago ange ia i de mee heohi.

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Matthew 8:26

Iesu ne hai ange gi gilaadeu, “Gu aha gu maatagu ai naa goodou? Oodou kai e vaaligiligi mmao!” Aagai ia ga hagasee de madangi ma de vai, gai gu malino ange hogi.

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

2 Corinthians 1:4

Ia ne hagaaneane gimaau i omaau daemaha alodahi, gi maua ai hogi e gimaau i de hagaaneane lodo o dangada e daemaha laa, bei de hai a de Maadua gu hagaaneane mai ai gimaau.

2 Timothy 3:12

Gai dangada alodahi e llodo e haia lodo o de Maadua i daho Klisdo Iesu e vaivai haia naa donu,