Genesis 32:26 - De Beebaa Dabu

²⁶ Gai taane laa ga hai ange, “Dugua au gi hano, go hiidinga gu maalama age.” Aagai Jacob ga hai ange, “Au e dee dugu donu goe gi hano ga dae ai gi dau hagamanuuia au.”

Genesis 32:26 Iomraidhean Croise

Genesis 32:25

Gai ga gidee huu e taane laa bolo ia gu dee bau ange gi Jacob, gai ia ga poo ange gi ssuguinga o dono gauanga, gai de gauanga o Jacob gu maaguluaa, i de masavaa oona ne daudau ange ai gi taane laa.

Genesis 32:27

Gai ia ne ssili ange gi de Jacob, “Goai doo ingoo?” Jacob ne hai ange, “Go Jacob.”

1 Chronicles 4:10

Gai Jabez ne dalodalo ange gi de Maadua o Israel, ga hai ange, “De Maadua, gaamai gi de au de manuuia ma de hai gi laumalie dogu mommee. Gai koe noho i ogu daha ma de buibui au i denga hai ngadaa alodahi, gi dee hagammae ina ai au.” Gai de Maadua ne hai ga bei dono mee ne dangidangi ai.

Psalm 67:1

De Maadua gi abodonu mai ma de hagamanuuia gidaadeu aama de hagamaalama gidaadeu i de maalama o luoono mada, Selah

Exodus 32:10

Deenei ai, hano gee mai i ogu daha, gai au ga daa gilaadeu gi odi i de maakau i hiidinga au gu lili mmao i gilaadeu, gai au ga hai goe gi se huaahenua soa.”

Song of Songs 3:4

Gai au ne damaa hano donu huu ga ui i gilaadeu, gai au gu gidee de ia oogu e aloha ai. Gai au ga buuludi ange ia ga daohi ia gi dee hano ga dae ai gi dagu kave ia gi de hale o dogu dinana, ma lo te aabi o de hine ne hai dama i de au.

Song of Songs 7:5

Doo biho e bei de mounga go Carmel. Oo ngaangaaulu e bei denga malo purple; de hodooligi gu haaina donu huu doo biho lloa.

Isaiah 45:11

E hagadaba Tagi Maolunga, de Ia Dabu o Israel, gai go de ia ne haia Israel: E aha, koe e ssili naa dagodo o agu dama, ma dagodo o mee e loomai, aabe e tala mai agu hegau e hai?

Isaiah 64:7

E deai donu se dangada e hagahia adu doo ingoo, aabe e hagammahi e ssala goe; koe gu hagammuni luoo mada i gimaadeu, gai gu dugu ange omaadeu baubau gi hagaduasala ina gimaadeu.

Hosea 12:4

Ia ne hai baasi ange gi tangada de langi, ia ne dangi ma de dangidangi ange i dana hagamanuuia. Ia ne gidee de Maadua i Bethel, gai de Maadua ne basa ange gi de ia —

Romans 8:37

E deai, i mee nei alodahi gai gidaadeu e kii ange donu i dangada gu kii laa i de hebagi, i hiidinga o de ia e aloha laa i gidaadeu.

1 Corinthians 15:58

Deenei ai, ogu daina hagamogomogo, goodou tuu gi makaga, gu dee maua gi ngalungaalue, gai gu llodo mmahi i de hai hegau a Tagi Maolunga i masavaa alodahi, i hiidinga goodou e iloo bolo oodou hegau i lodo o Tagi Maolunga e dee ni ngadi hegau.

Deuteronomy 9:14

Aude buibuia ngau, gai au ga hai nei gi odi gilaadeu i de maakau gi deai ai se gilaadeu e doe i honga de henua. Gai au ga hai doo aamuli gi se huaahenua e mmahi ange ma de soa ange i gilaadeu.”

Hebrews 5:7

Gai de masavaa o Iesu ne mouli ai i henua i lalo, gai ia ne dalodalo aama de dangidangi i de dangi see aama de ssali ono loimada ange gi de ia e maua laa i de hagaola ia mai i de magau, gai de Maadua ne hagallongo dana dangidangi, i hiidinga ia e hai hegau i de hagadubu ma de madagu.