Genesis 32:12 - De Beebaa Dabu

¹² Aagai koe ne hai mai, ‘Au e abodonu adu naa gi de goe, ma de hai gi soa doo aamuli gi bei de lagolago o denga gelegele i gabugabu tai, e dee maua laa i de dau.’ ”

Genesis 32:12 Iomraidhean Croise

Genesis 22:17

deelaa ai, au e hagamanuuia naa donu goe, ga hai gi soa oo hagadiilinga, bei de lagolago o denga heduu i lo te langi, ma de lagolago o denga gelegele i gaogao tai. Gai oo hagadiilinga e kave naa denga aduhale o olaadeu hagadaumee.

Genesis 32:6

Gai ga aahe mai huu de gau hagailoo laa gi daho Jacob, gai gilaadeu ga hai ange, “Gimaadeu ne hulo gi daho doo daina go Esau, gai ia gu humai e hedae adu gi de goe, gai e haalau daane e loomai madali ia.”

1 Kings 4:20

Gai gu soa mmao dangada i Judah ma Israel, bei de lagolago gelegele i gaogao tai; gai gilaadeu ne gaimee ma de unu ma de lodo malangilangi.

Exodus 32:13

Manadua Abraham, ma Isaac, aama Israel, oo dangada hai hegau. Koe ne hagatoo donu ange gi gilaadeu i doo ingoo donu, ga hai ange gi gilaadeu, ‘Au e hai naa oodou aamuli gi soa bei de lagolago o denga heduu i lo te langi, gai au e gaavange naa gi oodou aamuli de henua aagu gu hagatoo donu adu gi gilaadeu gi henua ai ga hano ai.’ ”

Hosea 1:10

Aagai de soa o dangada o Israel e bei naa de lagolago o denga gelegele i gabugabu tai, e dee maua laa i de hagabau aabe go de dau. Gai de mommee gu tala ai laa olaadeu dagodo ma gu hai ange, “Goodou e dee go ogu dangada,” e sui naa ga hai ange, “Goodou go dama a de Maadua e mouli laa.”

Numbers 23:19

de Maadua e dee se dangada, gai ia ga hadu muna ai, ia e dee bei dagodo o dangada, gai ia ga sui ai dana maanadu. E aha, ia gu basa, gai ia e dee hai naa gi bei? E aha, ia gu tala de muna, gai ia e dee hagasula?

Matthew 24:35

De langi ma henua i lalo e llilo naa donu, aagai agu muna e dee llilo donu.

2 Timothy 2:13

noo gidaadeu e dee hai hegau i de mee abodonu, gai ia e dee tuu donu dono hai hegau i de mee abodonu. Go hiidinga ia e dee maua i de hagahadu muna donu huu ia.

Titus 1:2

ma de tali hagalodolodo ange gi de mouli e dee ngado mai, go de mee a de Maadua, e deai laa se hadu muna, gai gu hagatoo donu i mua taamada o henua i lalo,

Hebrews 11:12

Deelaa ai, mai i daho dahi daane daudahi, se daane gu bei dagodo o taane gu magau, ne loomai ai denga hagadiilinga soa, bei denga heduu i lo te langi, aama gelegele i gabugabu tai, e dee maua laa i de dau.

Hebrews 6:17

Gai e bei ai hogi, de masavaa a de Maadua ne lodo ai e hagaago ange gi gilaadeu aana gu hagatoo donu ange aagena, bolo dana hagatoo donu e dee sui donu, gai ia ne hagadonu de mee nei i dahi hagatoo donu soe,

1 Samuel 15:29

Gai de ia Mahamaha o Israel e dee hadu muna donu aabe e sui ono lodo; go hiidinga ia e dee bei dagodo o tangada, gai ia ga sui ai ono lodo.”