Genesis 3:17 - De Beebaa Dabu

¹⁷ Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai, de gelegele gu hagamalaia i oo hiidinga; gai koe e gaimee ai naa donu huu noo koe e hagadalea ange aagena, i taulooloa oo laangi e mouli ai.

Genesis 3:17 Iomraidhean Croise

Genesis 3:11

Gai de Maadua ga ssili ange, “Gai goai ne daalaa adu bolo koe e deai donu oo malo? Koe gu gai naa hua o de manu somo aagu gu tala adu laa koe gi dee gaina?”

Genesis 3:18

Gai denga manu dabeo aama manu daladala e ssomo age naa i honga de gelegele, gai koe e gaimee naa i hua o manu i honga de gelegele.

Genesis 3:6

Gai ga gidee huu e de hine laa bolo hua o de manu laa e danuaa i de gai, gai e tilo danuaa, gai e hai ai tangada ga heiangi, gai ia ga hhagi dahi ono hua ga gai, gai ia ga gaavange hogi hanu gi dono bodu gi gaina.

Genesis 5:29

ga hagaingoo ange ia go Noah, i hiidinga ia ne hagadaba, “Tama nei e hagaaneane mai naa gidaadeu, i adaadeu hegau hai ngadaa e hai, i honga de gelegele a Tagi Maolunga gu hagamalaia laa.”

Genesis 8:21

Gai Tagi Maolunga gu dungua de kala o ssigidaumaha laa, gai Tagi Maolunga ga hagadaba i ono lodo: “Au gu dee ahe ange naa donu e hagamalaia de gelegele i hiidinga o dangada, e dee galemu donu maanadu i lodo o tangada, e baubau donu mai i dono gauligi. Au gu dee ahe ange naa donu e daa gi maakau mee alodahi e mouli, bei dagu hai ne hai ai nei i de haonga nei.

De Beebaa go Job 14:1

Tangada e haanau laa i daho de hine e sogoisi ono laangi e mouli ai, gai e honu i de hai ngadaa.

De Beebaa go Job 21:17

Dee hee maa tee modu de maamade laama a de gau baubau? Gai e hia maa hanonga e duu ange ai de hai ngadaa gi gilaadeu, ma de duha ange a de Maadua de hai ngadaa gi gilaadeu i dono lili?

Psalm 127:2

E deai haigamaiana doo oho age i taiao, ma de ala i de boo, ga hai hegau ange gi denga mee gai, go hiidinga de Maadua e gaavange mee nei gi dangada oona e aloha ai i delaadeu sseni.

Ecclesiastes 2:11

Gai ga noho huu au ga tilo mee alodahi aagu ne hai ma mee alodahi aagu ne hai hegau ange aagena, gai tilo, mee alodahi e deai donu olaadeu haigamaiana, gai e bei de ngadi doolohi a tangada de madangi; e deai donu haigamaiana o mee i lalo de laa.

Ecclesiastes 2:17

Au ne kino i de mouli nei, go hiidinga hegau alodahi e hai i lalo de laa e hagadaemaha mai gi de au. Mee alodahi e deai donu olaadeu haigamaiana, gai e bei de ngadi doolohi a tangada de madangi.

Ecclesiastes 5:17

De masavaa oona e mouli ai gai ia ne gaimee i lo te gohu, ia ne daemaha mmao, ma de duasala aama de lili.

Matthew 22:12

gai ia ga ssili ange gi de ia, ‘Dogu soa, dee hee doo hai ne ulu mai ai naa gi kinei, gai koe e dee gahu i malo o taonga hagahai bodu?’ Gai taane laa gu dee muu.

Matthew 25:45

Aagai ia e basa ange naa ga hai ange gi gilaadeu, ‘Ni muna abodonu aagu e hai adu nei gi goodou, mee alodahi oodou tee hai ange gi dahi gilaadeu e maolalo nei, gai goodou tee hai mai donu gi de au.’

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Romans 3:19

Gidaadeu e iloo bolo muna alodahi o de hainga e basa ange gi dangada e nnoho laa i lalo de hainga, gi dee maua ai e dahi dangada daudahi i de hagaheohi donu huu ia, gai henua i lalo alodahi gi too ange gi de hagaduasala a de Maadua.

Hebrews 6:8

Aagai de gelegele e ssomo ai manu daladala ma manu duiduia, e deai ono haigamaiana gai gu baa ange donu gi de hagamalaia. Gai e dudu naa donu i de hagaodi.