Genesis 3:1 - De Beebaa Dabu

¹ Gai de labodo se manu e heiangi ange i denga manu lodo henua alodahi a Tagi Maolunga de Maadua ne hai, gai ia ga hai ange gi de hine, “Ni muna abodonu de Maadua ne hai adu gooluu gi dee gaina hua o dahi manu somo daudahi i lo te veelenga?”

Genesis 3:1 Iomraidhean Croise

Ecclesiastes 4:10

Gai noo dahi gilaau gu baguu, gai dono soa e maua i de bale ange ia. Aagai e hagaaloha tangada e baguu laa, gai e deai donu se dangada e hagahidi age ia!

Isaiah 27:1

De laangi laa gai Tagi Maolunga e hagaduasala naa i dana gadilaasa hagamaatagu ma de laumalie aama de mmahi, de Leviathan, go de labodo e tolo laa, de Leviathan, go de labodo e haganigo laa; ia e daa naa ga magau de manu laumalie o de moana.

Matthew 10:16

“Tilo, au e hai goodou gi hulo bei dagodo o denga ssiibi i magavaa o denga wolf. Deenei ai, goodou gi heiangi bei denga labodo, gai gi daudonu bei dagodo o denga manu kono.

Matthew 4:3

Gai de ia hagatale ne humai ga hai ange gi de ia, “Noo go koe donu Tama Daane a de Maadua, gai koe haia hadu nei gi ni duudangaa pelaoaa.”

Matthew 4:6

ga hai ange gi de ia, “Noo go koe donu Tama Daane a de Maadua, gai koe lele iho. Go hiidinga gu sisi e hai ange, ‘Ia e tala ange naa gi ono dangada de langi oo dagodo, gai gilaadeu ga sigo ai goe i olaadeu lima, gi dee duugia ai doo vae i dahi hadu.’ ”

Matthew 4:9

gai ia ga hai ange, “Au e gaavadu mee nei alodahi gi de goe, noo koe e duuduli ga ino gi lalo ga daumaha mai gi de au.”

2 Corinthians 11:14

Gai gidaadeu e dee llele donu odaadeu mouli i mee nei, go hiidinga Satan e hagadulagi ange donu hogi gi tangada de langi o de maalama.

2 Corinthians 11:3

Aagai au e manavasaa kana hagasengalia goodou, bei de hai a de labodo ne daahanga ai laa Eve i dono heiangi vaivai dagodo, gai oodou lodo abodonu ma de gilimalali ga daahuli gee i Klisdo.

1 Peter 3:7

Gai e bei hogi, goodou denga daane dau bodu, goodou gi tonu ange gi doodou hai e nnoho ai madali oodou bodu, ma de hagadubu de hine e baageaa ange laa i taane, go hiidinga gilaadeu ni dangada hogi e bolo ange aagena de mouli e dee ngado mai, gi deai ai se mee e buibuia oodou dalodalo.

Revelation 12:15

Gai de labodo laa ga busi mai vai i lo tono ngudu e hai ai ssaalingaa vai gi dolohia de hine laa, gi dahea ai ia i de mee mmilo laa.

Revelation 12:9

Gai de dragon laumalie laa gu tili iho gi lalo, go de labodo madagidagi e hagaingoo ange laa go de ia hagabaubau aabe go Satan, gai go de ia e hagasengalia laa dangada i henua i lalo alodahi — ia gu tili iho gi henua i lalo madali ono dangada de langi alodahi.

Revelation 20:2

Gai ia ne poo de dragon, go de labodo madagidagi laa, go de ia hagabaubau, go Satan, ga nnoa ia i e mano ngadau,