Genesis 28:3 - De Beebaa Dabu

³ Gai de Maadua Mmahi Mmao laa e hagamanuuia naa goe, ma de hai goe gi hagadili gi soa, gai koe ga hai ai hanu hagabuulingaa dangada soa.

Genesis 28:3 Iomraidhean Croise

Genesis 1:28

Gai de Maadua ne hagamanuuia gilaau, ga hai ange, “Gooluu hagadili gi soa, haoa ai henua i lalo ga huahua ai. Gai gooluu ga dagi ai denga mamu i lausedi, ma manu llele i lo te moana i lunga, aama manu dolodolo alodahi i honga de henua.”

Genesis 13:16

Gai au e hai naa oo hagadiilinga gi soa bei de lagolago o gelegele o de henua, gai noo e maua i de dau denga gelegele o de henua, gai e maua naa hogi i de dau de soa o doo hagadiilinga.

Genesis 17:20

Gai dagodo o Ishmael, au gu langona dau dangidangi i ono hiidinga. Tilo, au e hagamanuuia naa ia ga hai ia gi hua lagolago, ma de hagadili gi soa. Gai ia e hagadili naa e dinoangahulu ma dogolua dama daane hodooligi, gai au e hai naa ia gi se huaahenua soa.

Genesis 24:60

Gai gilaadeu ne hagamanuuia Rebekah, ga hai ange gi de ia, “Demaadeu daina, koe gi hagadili gi dagisemada dama; oo hagadiilinga gi henua i aduhale o olaadeu hagadaumee.”

Genesis 26:24

Gai Tagi Maolunga ne hakide ange gi de ia i de boo laa, ga hai ange, “Go au donu de Maadua o doo damana go Abraham. Aude madagu, go hiidinga au madali goe; au e hagamanuuia naa goe ga hai gi soa doo aamuli, i hiidinga o dogu dangada hai hegau go Abraham.”

Genesis 26:4

Gai au e hai naa oo hagadiilinga gi soa, bei de lagolago o denga heduu i lo te langi i lunga, ma de gaavange gi gilaadeu de henua nei alodahi. Gai denga huaahenua alodahi o henua i lalo e manuuia naa i hiidinga o doo hagadiilinga,

Genesis 27:33

Gai Isaac gu bolebole mmao, gai ia ga ssili ange, “Gai goai ne gaamai laa hanu gai ga gai au i mua doo humai? Gai au ga hagamanuuia ai ia, gai ia e manuuia naa donu!”

Genesis 35:11

Gai de Maadua ga hai ange gi de ia, “Go au go El-Shaddai; koe gi hagadili gi soa. Dahi huaahenua ma de huaadangada soa e humai naa i oo daha, gai koe e hagadili naa denga hodooligi.

Genesis 41:52

Gai ia ne hagaingoo ange dana dama gauligi go Ephraim, go hiidinga ia ne hagadaba, “De Maadua gu hai au gi hagadili i de henua oogu ne duasala ai.”

Genesis 43:14

Gai de Maadua Mmahi Mmao laa gi lodo aloha adu gi goodou, i mada i mua o taane laa, gai ia gi dugu adu doodou daina daane ange laa ma Benjamin gi aahe mai madali goodou. Gai noo au gu hinangalosaa i teai agu dama, gai au gu hinangalosaa.”

Genesis 48:3

Gai Jacob ga hai ange gi Joseph, “De Maadua Mmahi Mmao laa ne hakide mai gi de au i Luz, i de henua go Canaan, ma de hagamanuuia ai au i kilaa.

Genesis 48:4

Ia ne hai mai gi de au, ‘Tilo, au e hai naa goe gi hagadili naa ga soa. Au e hai naa goe gi se huaadangada soa, gai au e gaavange naa de henua nei, e hai ai de henua o doo aamuli, e loomai i oo dua ga hano ai.’

Genesis 49:25

Gai de Maadua o doo damana e bale adu naa goe, gai de Ia Mmahi Mmao laa e hagamanuuia naa goe i denga manuuia i lo te langi i lunga, ma manuuia i lo te gelegele i lalo de henua, ma denga manuuia o de gaanuunu ma de mommee o denga dama.

Genesis 9:1

Gai de Maadua ne hagamanuuia Noah ma ana dama daane, ga hai ange gi gilaadeu, “Goodou hagadili gi soa haoa ai henua i lalo.

Psalm 127:1

Noo e dee go Tagi Maolunga e hagaduulia de hale, gai hegau a denga labagau e deai donu haigamaiana. Noo e dee go Tagi Maolunga e hagaloosia de aduhale, gai hegau a denga daane hagaloosi e deai donu haigamaiana.

Psalm 127:3

Tilo, denga dama se boolonga mai i daho Tagi Maolunga, denga dama se manuuia mai i ono daha.

Exodus 1:7

Aagai de aamuli o Israel gu hagadili ga soa mmao; gilaadeu gu hagadaga ange donu de soa ma de mmahi, gai gu soa donu gilaadeu e nnoho i honga de henua alodahi.

Exodus 6:3

au ne hakide ange gi Abraham, ma Isaac aama Jacob, go de Maadua Mmahi Mmao laa, aagai au tee hagaago ange gi iloo e gilaadeu dogu ingoo go Iahweh.

2 Corinthians 6:18

gai au e hai naa go doodou damana, gai goodou go agu dama, go Tagi Maolunga Mmahi Mmao laa e hagadaba.”

Revelation 21:22

Gai au tee gidee dahi temple i lo te aduhale laa, go hiidinga de temple i kilaa go Tagi Maolunga de Maadua Mmahi Mmao laa aama Ssiibi Gauligi.

Ruth 2:4

De masavaa laa gai Boaz ne humai i Bethlehem, ga hagaboo ange gi de gau hagihagi, ga hai ange, “Tagi Maolunga gi noho i oodou daha!” Gai gilaadeu ga hai ange, “Tagi Maolunga gi hagamanuuia ina goe!”