Genesis 28:20 - De Beebaa Dabu

²⁰ Gai Jacob ne hai dahi hagatoo donu, ga hagadaba, “Noo de Maadua e noho madali au, ma de tilo mai au i dogu sailago, ga gaamai agu mee gai ma ogu malo,

Genesis 28:20 Iomraidhean Croise

Genesis 28:15

Gai au e noho naa madali goe ma de tilo adu goe i mommee alodahi oou e hano aagena, gai au e hagaahe mai naa donu goe gi de henua nei, gai au e dee tili naa donu goe ga dae ai gi dagu hagassula mee aagu gu hagatoo donu adu gi de goe.”

Genesis 31:13

Go au donu de Maadua o Bethel, go de mommee aau ne llingi ange ai laa de lolo gi dahi duludulu hadu, ma de hai mai dahi hagatoo donu gi de au. Hidi age, ma gi hano gee mai i de henua nei, ga ahe gi de henua o oo dangada donu.’ ”

Genesis 35:3

Gai gidaadeu ga hulo gi Bethel, gai au ga bae dahi mommee o ssigidaumaha ange gi de Maadua i kilaa, go de ia ne balea mai au i de masavaa oogu ne duasala ai, gai ia ne noho madali au i mommee alodahi oogu ne hano aagena.”

2 Samuel 15:8

Go hiidinga au ne hai dahi hagatoo donu, i de masavaa oogu nogo noho ai i Geshur i Syria, ga hai ange, ‘Noo Tagi Maolunga e hagaahe mai au gi Jerusalem, gai au e daumaha ange naa gi Tagi Maolunga i Hebron.’ ”

1 Chronicles 4:10

Gai Jabez ne dalodalo ange gi de Maadua o Israel, ga hai ange, “De Maadua, gaamai gi de au de manuuia ma de hai gi laumalie dogu mommee. Gai koe noho i ogu daha ma de buibui au i denga hai ngadaa alodahi, gi dee hagammae ina ai au.” Gai de Maadua ne hai ga bei dono mee ne dangidangi ai.

Psalm 116:14

Au e hagasula naa agu hagatoo donu ange gi Tagi Maolunga, i madamada o ono dangada alodahi.

Psalm 116:18

Au e hagasula naa agu hagatoo donu ange gi Tagi Maolunga, i madamada o ono dangada alodahi,

Psalm 119:106

Au gu hai dahi hagatoo donu ma gu hagasauaa, bolo au ga daohi au hagamodu heohi.

Psalm 132:2

Ia ne hai dahi hagatoo donu ange gi Tagi Maolunga, ma de hagatoo donu ange gi de Ia Mmahi o Jacob:

Psalm 22:25

Au e tuhi goe madali doo hagabuulingaa dangada; gai au e hagassula agu mee gu hagatoo donu ai i madamada olaadeu e maatagu i de goe.

Psalm 56:12

De Maadua, au e hagasula naa donu agu mee gu hagatoo donu adu ai gi de goe; au e gaavadu naa gi de goe ssigidaumaha e hagaahe adu ai de abodonu gi de goe.

Psalm 61:5

De Maadua, koe gu langona dagu hagatoo donu, gai koe gu gaamai gi de au de boolonga o dangada e maatagu i de goe.

Psalm 61:8

Gai au e daahili naa ga tuhi doo ingoo ga hano ai, ma de hagassula agu hagatoo donu i laangi alodahi.

Psalm 66:13

Au e gaamai naa gi doo hale agu sigidaumaha dudu; au e hagassula naa donu agu mee gu hagatoo donu ai,

Psalm 76:11

Haia au hagatoo donu ange gi Tagi Maolunga doo Maadua gai hagassula ina mee nei; dangada alodahi i henua e paa mai gi gaamai mee ngadi gaavange gi de Ia Hagamaatagu.

Isaiah 19:21

Gai Tagi Maolunga e hai naa gi iloo e de gau Egypt ono dagodo, gai gilaadeu e iloo naa Tagi Maolunga i de laangi laa. Gilaadeu e daumaha naa ma de hai denga sigidaumaha dudu ma sigidaumaha o grain; gilaadeu e hagatoo donu ange naa gi Tagi Maolunga ma de hagassula alaadeu hagatoo donu.

John 1:16

Gai gidaadeu alodahi gu kave de manuuia mai i dono abodonu laumalie e aheahe ange laa ma e gaamai gi gidaadeu.

Acts 18:18

Dua mee laa gai a Paul ne noho i Corinth i dahi masavaa daulooloa. Muli mai gai ia ne dugu hogi denga daina i kilaa, gai ia ga dele ga hano gi Syria madali Priscilla ma Aquila. Gai ia ne dahi dono biho i Cenchrea, go hiidinga ia gu hai dahi hagatoo donu soe.

1 Timothy 6:8

Deenei ai, noo gu hanu adaadeu gai ma odaadeu malo, aagai gidaadeu gi llodo danuaa.

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

1 Samuel 1:28

Gai au gu hagaahe ange ia gi Tagi Maolunga, i taulooloa dono mouli.” Gai Elkanah ne daumaha ange ai gi Tagi Maolunga i kilaa.

1 Samuel 14:24

Gai denga daane o Israel gu hiikai mmao i de laangi laa; i hiidinga a Saul ne hai gilaadeu gi hagatoo donu gi hagataba, “E malaia tangada e gaina hanu gai ga dae ai gi de ahiahi, aama mua taadeu hagadee kii odaadeu hagadaumee.” Deelaa ai, teai donu se dangada daudahi ne mamia ange hanu gai.