Genesis 28:19 - De Beebaa Dabu

¹⁹ Gai ia ga hagaingoo ange de mommee laa go Bethel; i mua gai de ingoo o de aduhale laa go Luz.

Genesis 28:19 Iomraidhean Croise

Genesis 12:8

Gai ia ne hano gee mai i kilaa ga hano gi de mounga i baasi i dua o Bethel, ga hagaduu dono hale malo; Bethel i de baasi i dai, gai Ai i de baasi i dua. Gai ia ne hagaduu ange hogi dahi mommee o ssigidaumaha ange gi Tagi Maolunga i kilaa, gai ia ga dalodalo ange gi Tagi Maolunga.

Genesis 28:11

De masavaa oona ne dae ai gi dahi mommee, gai ia ne noho i kilaa i de boo laa i hiidinga gu ahiahi de mee. Gai ia ne hili dahi hadu i de mommee laa ga ulunga ange aagena, gai ia ga dagodo ga seni i kilaa.

Genesis 31:13

Go au donu de Maadua o Bethel, go de mommee aau ne llingi ange ai laa de lolo gi dahi duludulu hadu, ma de hai mai dahi hagatoo donu gi de au. Hidi age, ma gi hano gee mai i de henua nei, ga ahe gi de henua o oo dangada donu.’ ”

Genesis 35:1

Gai de Maadua ga hai ange gi Jacob, “Hidi age hannoo gi Bethel noho ai; gai koe ga bae ai dahi mommee o ssigidaumaha ange gi de Maadua, ne hakide adu laa gi de goe i de masavaa oou ne savini ai ga hano gee mai i doo daina daane go Esau.”

Genesis 35:14

Gai Jacob ga hagaduu age dahi duludulu hadu i de mommee o de Maadua ne basa ange ai gi de ia, ga llingi ange gi ono elunga ssigidaumaha o mee unu aama lolo.

Genesis 35:15

Gai Jacob ga hagaingoo ange de mommee o de Maadua ne basa ange ai laa gi de ia go Bethel.

Genesis 35:6

Gai Jacob ma dangada alodahi madali ia ga hulo gu tae gi Luz (e bei go Bethel) i de henua go Canaan.

Genesis 35:7

Gai ia ga bae dahi mommee o ssigidaumaha i kilaa, gai ia ga hagaingoo ange de mommee laa go El Bethel, i hiidinga go kilaa o de Maadua ne hakide ange ai gi de ia, i de masavaa oona ne savini ai ga hano gee mai i dono daina.

Genesis 48:3

Gai Jacob ga hai ange gi Joseph, “De Maadua Mmahi Mmao laa ne hakide mai gi de au i Luz, i de henua go Canaan, ma de hagamanuuia ai au i kilaa.

1 Kings 12:29

Gai ia ne kave dahi kaau laa ga hagaduu i Bethel, gai dahi ne kave ga hagaduu i Dan.

2 Kings 2:2

Gai Elijah ne hai ange gi Elisha, “Au e dangidangi adu, noho i kinei, go hiidinga Tagi Maolunga gu hai mai au gi hano gi Bethel.” Aagai Elisha ne hai ange, “Au e hagatoo donu i de mouli o Tagi Maolunga ma doo mouli, bolo au e dee hano gee donu i oo daha.” Gai gilaau ga hulo ai loo gu tae gi Bethel.

2 Chronicles 13:19

Gai Abijah ne doolohi Jeroboam ma ono daane ga kave hanu olaadeu aduhale: go Bethel ma ono aduhale vaaligiligi, ma Jeshanah ma ono aduhale vaaligiligi, aama Ephron ma ono aduhale vaaligiligi.

Hosea 4:15

Israel, e dee galemu donu doo dagodo haisala, gai Judah gi dee dagodo haisala bei oo dagodo. Goodou aude hulo gi Gilgal, be go Beth Aven. Gai gi dee hagatoo donu gi hagataba, “Au e hagatoo donu i de mouli o Tagi Maolunga.”

Joshua 16:2

Gai e hano mai i Bethel (e bei go Luz) ga hano ai ga duu i de mommee o de gau Erek i Ataroth.

Joshua 18:13

Gai e hano mai i kilaa ga duu i de baasi ngaage o Luz (e bei go Bethel), ga lava ga hano iho gi Ataroth Addar laa honga de mounga i baasi i ngaage o Beth Horon e mua gi lalo.

Joshua 8:12

Gai Joshua gu lava hogi i de hai gi hulo e limamano daane gi mmuni i magavaa o Bethel ma Ai i tua de aduhale i baasi dai.

Judges 20:26

Gai de gau Israel ma dangada alodahi ne loage gi Bethel ga nnoho ai ga tangi i mada luu mada o Tagi Maolunga. Gilaadeu ne hagahiikai i de laangi laa alodahi, ma de hai denga sigidaumaha dudu, ma sigidaumaha hagadanuaa magavaa i mada luu mada o Tagi Maolunga.

1 Samuel 10:3

Gai koe ga hanadu ange naa huu ga dae gi gaogao de oak o Tabor. Gai koe e hedae ange naa gi e dogodolu daane i kilaa, gilaadeu e loage e hulo e sigidaumaha ange gi de Maadua i Bethel. Dahi e kave e dolu guudi gauligi, gai dahi e dagidagi e dolu duudangaa pelaoaa, gai dahi e saabai dahi gili manu iai uvaini.

1 Samuel 7:16

Ngadau alodahi gai ia e hagadaga i Bethel, ma Gilgal, aama Mizpah, ga hagamodu ai muna o de gau Israel i mommee laa alodahi.