Genesis 27:13 - De Beebaa Dabu

¹³ Aagai dono dinana ga hai ange gi de ia, “Dagu dama, go au e gaavee doo malaia, gai koe hagallongo mai donu huu gi agu muna mage hannoo gaamai luu manu laa gi too mai gi ogu daha.”

Genesis 27:13 Iomraidhean Croise

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

Genesis 25:33

Gai Jacob ga hai ange, “Hagatoo donu mai gi de au i mua.” Gai ia ga hagatoo donu ange gi de ia, ga hagao ange de boolonga o tama madua gi Jacob.

Genesis 27:14

Gai ia ga hano ga gaamai luu manu laa ga gaavange gi dono dinana, gai dono dinana ga hai ai de haigai mmammami a dono damana e lodo laa e gai.

Genesis 27:43

Deenei ai, dagu dama, koe gi daudali i agu muna: hidi age savini hannoo gi daho dogu daina daane go Laban i Haran.

Genesis 27:8

Deenei ai, dagu dama, kana ange hagalaangona agu muna mage haia gi bei agu muna e tala adu gi de goe.

Genesis 43:9

Gai go au donu e hagadonu ai bolo ia e ahe mai donu; gai koe gi dau ina mai gi de au mee alodahi e hai ange gi de ia. Gai noo au e dee hagaahe mai ia, e hagaduu i oo mada i mua, gai koe ga dau mai ssala naa gi de au i taulooloa dogu mouli.

2 Samuel 14:9

Aagai de hine Tekoa laa ne hai ange hogi gi de hodooligi, “Dogu dangada aamua go de hodooligi, ssala nei e dau mai donu gi de au, ma dogu huaabodu; e dee dau adu gi de goe ma doo nohoanga hodooligi.”

2 Chronicles 22:3

Gai ia ne ago ange i hegau a de huaabodu o Ahab, go hiidinga dono dinana ne hagammahi ange ia gi haia mee dee heohi.

Matthew 27:25

Gai dangada alodahi ne hai ange, “Ono dodo gi dau mai gi gimaadeu ma amaadeu dama.”

1 Samuel 25:24

Ia ne hagabaguu gi lalo i gaogao luoono vae, ga hai ange, “Dogu dangada aamua, hagabuu ina mai ssala nei gi de au. Au e dangidangi adu koe gi dugua mai au, doo hahine hai hegau, gi daalaa adu agu muna gi de goe, gai koe hagalaangona muna a doo hahine hai hegau.