Genesis 26:8 - De Beebaa Dabu

⁸ Gai Isaac ne daulooloa dono noho i kilaa, gai Abimelek, de hodooligi o de gau Philistia ne gidee adu i ma tono abaaba damaa mee Isaac e hagatala ange gi Rebekah, dono bodu.

Genesis 26:8 Iomraidhean Croise

Genesis 26:7

De masavaa a denga daane o de mommee laa ne ssili ange ai gi de ia dagodo o Rebekah, gai ia ga hai ange, “Ia go dogu daina hahine,” go hiidinga ia gu madagu i de tala ange, bolo Rebekah go dono bodu donu; ia ne maanadu bolo denga daane o de mommee laa, e daa naa ia ga magau i hiidinga o Rebekah, go hiidinga ia se hine mahamaha.

Genesis 26:9

Gai Abimelek ga aalu Isaac gi humai, ga hai ange, “De hine naa go doo bodu donu, gai gu aha gu hai mai ai laa goe bolo ia se daina hahine niiou?” Isaac ne hai ange, “Go hiidinga au ne maanadu bolo au e daia naa ga magau i ono hiidinga.”

Proverbs 7:6

Au nogo duu i ma te abaaba damaa mee i dogu hale, ga galo iho ai laa magavaa o denga laagau.

Ecclesiastes 9:9

Koe gi malangilangi madali doo bodu, go de ia oou e aloha ai, i laangi alodahi e deai haigamaiana, a de Maadua gu gaavadu i doo mouli i lalo de laa, go hiidinga deenei doo duuhanga i de mouli nei, ma au hegau i lalo de laa.

Song of Songs 2:9

Dogu dau soa e bei dahi gazelle, aabe se dia daane. Tilo, ia gu duu mai i tua omaadeu buibui, ma e galo mai ai i tua denga abaaba vaaligiligi, ma magavaa o denga gaini laagau o de hale.

Isaiah 62:5

Dahi dama daane e hai bodu ange gi dahi damaa hine, gai e bei ai hogi au dama e hai bodu adu naa gi de goe. Gai de Maadua e malangilangi naa hogi i de goe, bei de malangilangi o tama daane i dono bodu.

Judges 5:28

Tinana o Sisera ne hagaduidui adu i magavaa denga laagau masaavava, ma de dangi, ‘Gu aha gu mmule mai ai nei dono hada hebagi? Gu aha gu daulooloa ai nei tee saamumu mai denga hoosa e daangia ono hada hebagi?’