Genesis 25:21 - De Beebaa Dabu

²¹ Gai Isaac ne dalodalo ange gi Tagi Maolunga i dagodo o dono bodu, i hiidinga tigi ai ana dama; gai Tagi Maolunga ga basa ange gi dana dalodalo, gai Rebekah gu hai dama.

Genesis 25:21 Iomraidhean Croise

Genesis 11:30

Gai Sarai se hine dee hua; ia e deai ana dama.

Genesis 16:2

Gai Sarai ga hai ange gi Abram, “Tilo, Tagi Maolunga gu buibui gi dee haanau au. Gai koe hannoo hagahebaa ma dogu hahine hai hegau, maanadu ia e maua naa i de haanau hanu dama maagu.” Gai Abram ne hagallongo ange gi muna a Sarai.

Genesis 30:22

Gai de Maadua gu manadua e ia dagodo o Rachel, gai ia ga hagallongo dana dangidangi, ga hhuge de mommee o denga dama.

1 Chronicles 5:20

Gai gilaadeu ne kave dahi bale ga hagadee kii de gau Hagar, ma henua alodahi ne hagabuni ange laa gi Hagar, go hiidinga gilaadeu ne dalodalo ange gi de Maadua i de masavaa o de hebagi, gai ia ne basa ange gi delaadeu dangidangi, i hiidinga gilaadeu ne hagadonu ia.

2 Chronicles 33:13

Gai de masavaa huu oona ne dalodalo ange ai gi Tagi Maolunga, gai ia ga hagallongo dana dangidangi, ga hagaahe mai ia gi Jerusalem ga hagaahe ange ia gi dono nohoanga hodooligi. Gai Manasseh gu donu iho bolo Tagi Maolunga go de Maadua abodonu.

Ezra 8:23

Gai gimaadeu ne hagahiikai ma de dangidangi ange gi demaadeu Maadua i de mee nei; gai ia ne hagallongo demaadeu dangidangi.

Psalm 127:3

Tilo, denga dama se boolonga mai i daho Tagi Maolunga, denga dama se manuuia mai i ono daha.

Psalm 145:19

Ia e gaavange naa gi gilaadeu e maatagu i de ia olaadeu mee e llodo ai; ia e hagallongo alaadeu dangidangi ma de hagaola gilaadeu.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 65:2

Koe, de ia e hagalaangona amaadeu dalodalo, dangada alodahi gi loomai gi de goe.

Psalm 91:15

Au e basa ange naa gi de ia, i de masavaa aana e hagahi mai ai au; au e noho naa i ono daha i de masavaa hai ngadaa, gai au e hagaola naa ia ma de hagadubu ia.

Proverbs 10:24

De mee o tangada baubau e madagu ai laa, e duu ange naa donu gi de ia, aagai de mee o tangada heohi e lodo ai e gaavange naa donu gi de ia.

Isaiah 45:11

E hagadaba Tagi Maolunga, de Ia Dabu o Israel, gai go de ia ne haia Israel: E aha, koe e ssili naa dagodo o agu dama, ma dagodo o mee e loomai, aabe e tala mai agu hegau e hai?

Isaiah 58:9

Gai de masavaa naa huu oou e dalodalo ai, gai Tagi Maolunga ga basa adu gi de goe; de masavaa naa huu oou e dangidangi i de bale, gai ia e hai adu naa, ‘Deenei au.’ Noo koe e tuu dau vaivai hai dangada, ma de sisi ange dahi, ma de tala hagabaubau dahi,

Isaiah 65:24

I mua delaadeu hagaagahi mai au, gai au e basa ange gi gilaadeu, gai de masavaa alaadeu goi tala ai alaadeu muna gai au ga hagallongo.

Luke 1:13

Gai tangada de langi laa ga hai ange gi de ia, “Zechariah, aude madagu! De Maadua gu langona au dalodalo, gai doo bodu go Elizabeth e haanau naa dahi dama daane, gai koe ga hagaingoo ange ia go John.

Luke 1:7

Aagai e deai selaau dama, go hiidinga Elizabeth se hine dee hua, gai gilaau ngaadahi gu madumaatua.

1 Samuel 1:11

Gai ia ga hagatoo donu ga hagadaba, “Tagi o denga hagabuulinga hebagi, noo koe e galo mai gi de vaivai haia o doo hahine hai hegau, ma tee ngalo doo hahine hai hegau, aagai gi manadua mai au, ga gaamai gi de au dahi dama daane, gai au e hagaahe adu naa ia gi de goe Tagi Maolunga, i taulooloa dono mouli, gai ngaangaaulu o dono biho e dee tuu donu.”

1 Samuel 1:17

Aagai Eli ga hai ange, “Hannoo ma de baba oo lodo, gai de Maadua o Israel gi gaavadu dau mee gu dangidangi ange ai gi de ia.”

1 Samuel 1:2

Ia e dogolua ono bodu; de ingoo o dahi go Hannah, gai de ingoo o de hine ange laa go Peninnah. Peninnah e hanu ana dama, aagai Hannah e deai donu ana dama.

1 Samuel 1:27

Au ne dangidangi ange gi Tagi Maolunga i tama daane nei, gai Tagi Maolunga gu gaamai gi bei dagu dangidangi.