Genesis 24:13 - De Beebaa Dabu

¹³ Tilo, au e hano naa e duu i gaogao de vai, i de masavaa o denga damaa hine a dangada o de aduhale e loomai naa e asu vai.

Genesis 24:13 Iomraidhean Croise

Genesis 24:11

Gai ia ne hai denga gamelo gi dogoduli i tua de aduhale, i gaogao dahi vai i de ahiahi, gai go de masavaa a denga haahine e loomai ai e asu vai i kilaa.

Genesis 24:14

Gai tamaa hine naa huu aagu e hai ange, ‘Aude haihaia dugua iho dau ssaa vai e unu ai au,’ gai ia gi hai mai gi de au, ‘Unu, gai au e hagaunu naa hogi au gamelo’ — gai gi go ia aau gu hili e hai ai de bodu o Isaac. Deenei dagu hai e iloo ai bolo koe gu abodonu ange gi dogu dangada aamua.”

Genesis 24:43

Tilo, au e duu naa i gaogao de vai nei, gai be goai naa huu tamaa hine e humai e asu vai, gai au ga hai ange gi de ia, “Aude haihaia gaamai hanu momo vai i lo tau ssaa e unu au,”

Psalm 37:5

Hagatuu ina ange oo dagodo gi Tagi Maolunga; hagadonusia hogi ia, gai ia ga hagahai hegau mee nei.

Exodus 2:16

Gai tangada haimeedabu o de gau Midian e dogohidu ana damaa hine; gilaadeu ne loomai gi de vai laa e asu ai vai e hagaunu ai denga ssiibi a delaadeu damana.

Proverbs 3:6

koe gi manadua ia i mee alodahi aau e hai, gai ia ga dagi ai goe i denga haiava heohi.

John 4:7

Gai gu humai dahi hahine Samaria e asu vai, gai Iesu ga hai ange gi de ia, “Aude haihaia gaamai hanu vai e unu au.”

Judges 5:11

leo o de gau daahili i de mommee e asu ai vai; e tala dagodo de heohi ma de kii o Tagi Maolunga, ma de kii o ono dangada i aduhale vaaligiligi i Israel. Dangada o Tagi Maolunga e daga iho ma e hulo gi denga haitoga o de aduhale.

1 Samuel 9:11

Gai de masavaa olaau e loage ai i tuuduu e hulo gi de aduhale, gai gilaau gu hedae ange gi hanu damaa hine e loomai e hulo e asu vai, gai gilaau ga ssili ange, “E noho nei taane e gidee mee e loomai i kinei?”