Genesis 22:6 - De Beebaa Dabu

⁶ Gai Abraham ne kave denga lahhie e hai ai ssigidaumaha dudu, ga hagauda ange gi honga o dana dama go Isaac. Gai ia ne dagidagi de ahi ma de naivi, ga seesee ai gilaau ga hulo.

Genesis 22:6 Iomraidhean Croise

Genesis 22:5

Gai Abraham ga hai ange gi luoono daane hai hegau, “Gooluu nnoho i kinei madali taadeu donkey, gai gimaau ma dagu dama ga hulo gi kilaa e daumaha ai, ga ahe mai ai.”

2 Kings 2:6

Dua mee laa, gai Elijah ne hai ange hogi gi Elisha, “Aude haihaia, koe gi noho i kinei, go hiidinga Tagi Maolunga gu hai mai au gi hano gi ssaalingaa vai go Jordan.” Aagai Elisha ga hai ange, “Au e hagatoo donu i de mouli o Tagi Maolunga ma doo mouli, bolo au e dee tili donu goe.” Gai gilaau ga hulo ai loo.

Isaiah 53:6

Gidaadeu alodahi e bei denga ssiibi, gu ssenga saele laa, dahi ma dahi gu hano donu huu i dono haiava; gai Tagi Maolunga gu hagauda ange gi de ia odaadeu baubau alodahi.

Matthew 8:17

De mee nei ne hai e hagassula ai mee gu tala i daho de pelaabisi go Isaiah, e hagadaba, “Ia ne kave odaadeu baageaa ma de hagauda odaadeu magi.”

John 19:17

gai ia ne saabai dono laagau lui ga hano ai, gi de mommee e hagaingoo ange laa go de Mommee o de Ivi o de Biho, gai muna Aramaic e hai ange bolo go Golgotha.

1 Peter 2:24

Ia ne hagauda odaadeu haisala i dono angaanga i honga de laagau lui, gi deai ai se sauaa o de haisala e dagi ai gidaadeu, aagai gidaadeu gu mouli i de mee heohi. Gai ono mee lagolagohia gu hagaieiangi goodou.