Genesis 22:11 - De Beebaa Dabu

¹¹ Aagai tangada de langi o Tagi Maolunga ga hagahi mai ia i de langi, ga hai ange, “Abraham! Abraham!” Gai ia ga hai ange, “Deenei au.”

Genesis 22:11 Iomraidhean Croise

Genesis 16:7

Gai tangada de langi o Tagi Maolunga, gu gidee e ia Hagar i gaogao dahi vai i de vao, go de vai e dagodo laa i gaogao de haiava e hano laa gi Shur.

Genesis 21:17

Gai de Maadua gu langona de leo o tama daane laa, gai tangada de langi o de Maadua ga basa ange gi Hagar mai i de langi, ga hai ange gi de ia, “Gu aha naa goe e Hagar? Aude madagu, go hiidinga de Maadua gu langona de leo o tama i de mommee oona iai.

Genesis 21:18

Hannoo sabaia age dau dama mage boogia dono lima, go hiidinga au e hai naa ia gi se huaahenua soa mmao.”

Genesis 22:1

Dua mee nei, gai de Maadua ne hagatale de gai o Abraham. Gai ia ga hai ange gi de ia, “Abraham!” Abraham ne hai ange, “Deenei au.”

Genesis 22:10

Gai ia ga poo mai de naivi e velo ai dana dama daane gi magau.

Genesis 22:12

Tangada de langi laa ne hai ange, “Aude poo ange gi tama daane naa, aabe gi haia ange dahi mee gi de ia. Iainei gai au gu iloo bolo koe e madagu i de Maadua, go hiidinga koe tee daohi donu dau dama dagidahi i de au.”

Genesis 22:16

ga hai ange, “E hagadaba Tagi Maolunga: Au e hagatoo donu i dogu ingoo, go hiidinga koe gu hai de hegau nei, koe tee daohi donu dau dama dagidahi,

Genesis 24:7

Tagi Maolunga, go de Maadua o de langi, ne gaavee gee nei au mai i de hale o dogu damana aama dogu henua donu, ne basa mai gi de au ma de hagatoo donu mai, ga hai mai, ‘Au e gaavange naa gi doo aamuli de henua nei’ — ia e hai naa dono dangada de langi gi hano i oo mada i mua, gai koe ga gaamai ai de bodu o dagu dama daane i kilaa.

Genesis 31:11

Gai tangada de langi o de Maadua ne hai mai gi de au i de midi, ‘Jacob.’ Gai au ga hai ange, ‘Deenei au.’

Genesis 37:13

Gai Israel ne hai ange gi Joseph, “Oo daina e hagaloosi denga manu i Shechem. Humai, gai au ga hai goe gi hano gi olaadeu daha.” Gai Joseph ne hai ange gi de ia, “E danuaa!”

Genesis 46:2

Gai de Maadua ne hakide ange gi Israel i de midi i de boo laa, ga hai ange, “Jacob, Jacob.” Gai ia ga hai ange, “Deenei au.”

Genesis 48:16

go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Exodus 3:2

Gai tangada de langi o Tagi Maolunga ne hakide ange gi de ia i de ahi ula i lo te manu somo baa i lalo. Gai Moses ne galo ange ga tilo de manu somo laa; gai de ahi e ula i ono lodo, aagai de manu laa e dee vvela donu ono lau.

Exodus 3:4

Gai ga gidee huu e Tagi Maolunga bolo Moses gu humai e hagabaa ange e tilo de manu laa, gai de Maadua ga hagahi mai ia i lo te manu somo laa, ga hai ange, “Moses! Moses!” Gai Moses ga hai ange, “Deenei au.”

Isaiah 6:8

Gai au ne langona de leo o de Ia Aamua laa e hagadaba, “Goai aagu e hai gi hano? Gai goai e suuia gimaadeu e hano ai?” Gai au ga hai ange, “Deenei au, haia au gi hano!”

Acts 26:14

Gai de masavaa omaadeu alodahi ne too ai gi honga de gelegele, gai au ne langona de leo e basa mai gi de au i muna Aramaic, ‘Saul, Saul, gu aha goe gu vaivai hai ai naa ngau? E hai ngadaa mmao dau badu i doo vae mee duiduia.’

Acts 9:4

Gai ia gu doo iho gi honga de gelegele, gai ia gu langona dahi leo e hai ange gi de ia, “Saul, Saul, gu aha goe gu vaivai hai ai nei au?”

Judges 2:1

Gai tangada de langi o Tagi Maolunga ne humai i Gilgal gi Bokim, ga hai ange, “Au ne hagassao mai goodou i Egypt, ga dagi mai goodou gi de henua aagu gu hagatoo donu ange gi oodou dubuna madagidagi. Au ne hagadaba, ‘Au e dee oha naa donu dagu hagatoo donu hagaheloongoi adu gi goodou,

1 Samuel 3:10

Gai Tagi Maolunga ne humai ga duu i kilaa, ga hagahi “Samuel, Samuel!” bei denga hanonga i mua. Gai Samuel ga hai ange, “Daalaa mai au muna, gai doo dangada hai hegau ga hagallongo.”

1 Samuel 3:4

Gai Tagi Maolunga ne hagahi Samuel, gai Samuel ga hai ange, “Deenei au!”