Genesis 21:10 - De Beebaa Dabu

¹⁰ gai Sarah ga hai ange gi Abraham, “Haia gi hano de hine hai hegau naa ma dana dama daane, go hiidinga tama daane a de hine hai hegau naa e dee bolo donu madali dagu dama go Isaac.”

Genesis 21:10 Iomraidhean Croise

Genesis 17:19

Gai de Maadua ga hai ange, “E dee go ia, gai doo bodu go Sarah e haanau adu naa gi de goe dahi dama daane, gai koe ga hagaingoo ange ia go Isaac. Gai au e hai naa dagu hagatoo donu hagaheloongoi madali ia, gai se hagatoo donu hagaheloongoi e deai se ngado mai ange gi dono aamuli i muli mai.

Genesis 17:21

Gai au e hai naa dagu hagatoo donu hagaheloongoi madali Isaac, tama a Sarah e haanau adu gi de goe, i de masavaa bee nei i de ngadau e humai nei.”

Genesis 20:11

Gai Abraham ga hai ange, “Go hiidinga au ne maanadu i ogu lodo, ‘Dangada i de mommee nei e dee maatagu donu i de Maadua, gilaadeu e daa naa au ga magau, i hiidinga o dogu bodu.’

Genesis 22:10

Gai ia ga poo mai de naivi e velo ai dana dama daane gi magau.

Genesis 25:19

Gai deenei taalanga o de huaabodu o Isaac, tama daane a Abraham. Abraham ne hagadili Isaac;

Genesis 25:6

Aagai ne gaavange gi dama a ono bodu laa daha hanu mee ngadi gaavange, ga hai gilaadeu gi hulo gee mai i daho dana dama go Isaac, i de masavaa oona goi mouli ai, gai gilaadeu ne hulo ga nnoho i de henua i baasi i dua.

Proverbs 22:10

Haia gi hano gee tangada doo i mee, gai gu deai hogi se hebagi, ma de hagadaumee aama de hagadogaa.

Matthew 22:13

Gai de hodooligi laa ga hai ange gi ono dangada hai hegau, ‘Noodia luoono lima ma luoono vae magaa ia gi lo te gohu i duaahaho, go de mommee o de tangi ma de hagaida ai gauvae.’

John 8:35

Tangada hai hegau e dee ilaage e dee se dangada donu de huaabodu, gai tama se dangada donu de huaabodu ga hano ai.

Galatians 3:18

Gai noo de boolonga nei ne dagelo ange gi de hainga, gai gu dee maua ai loo i de dagelo ange gi de hagatoo donu; aagai de Maadua ne hai ange de boolonga nei gi Abraham i dahi hagatoo donu.

Galatians 4:7

Deenei ai, koe gu dee se dangada hai hegau, aagai gu se dama donu, gai noo koe se dama, gai koe gu dau hogi i de boolonga o de Maadua.

1 Peter 1:4

gai gidaadeu ga tali ai e kave de boolonga e dee maua laa gi lilo, gai e dee maua gi bobo aabe e mmae, gai gu hagadabena adu gi goodou i de langi,

1 John 2:19

De gau naa ne hulo gee mai i odaadeu daha, aagai gilaadeu tee dau mai donu madali gidaadeu. Noo gilaadeu ni dangada e dau mai gi gidaadeu, gai gilaadeu ne nnoho donu madali gidaadeu. Gai delaadeu hulo gee ne hagaago mai bolo gilaadeu e dee ni dangada e dau madali gidaadeu.

Judges 11:2

Gai de bodu o Gilead ne haanau ange hogi hanu dama daane gi Gilead, gai de masavaa o denga dama laa ne maatua ai, gai gilaadeu ga alualu Jephthah gi hano gee mai i olaadeu daha, ga hai ange gi de ia, “Koe e dee dau i de boolonga o demaadeu damana, go hiidinga koe se dama nii dahi hahine gee.”