Genesis 20:5 - De Beebaa Dabu

⁵ E aha, ia tee hai mai laa bolo de hine nei se daina niiona? Gai de hine nei ne hai mai hogi, ‘Ia go dogu daina daane’? Gai au ne hai de hegau nei i de gilimalali tagi, gai luoogu lima e gilimalali hogi.”

Genesis 20:5 Iomraidhean Croise

Genesis 12:13

Aude haihaia, daalaa bolo koe se daina hahine niiogu, gi abodonu mai ai gilaadeu gi de au i oo hiidinga, gai koe ga hagaola ai au.”

Genesis 20:13

Gai de masavaa huu a de Maadua ne hai ai au gi hano gee mai i de hale o dogu damana, gai au ga hai ange gi de ia, ‘Deenei doo hai e abodonu mai ai gi de au: mommee alodahi odaau e hulo aagena, gai koe hagadaba, “Ia se daina daane niiogu.” ’ ”

Genesis 20:16

Gai ia ne hai ange hogi gi Sarah, “Au gu gaavange e mano dibaa selevaa gi doo daina daane, ni mee e hagaago ange gi dangada bolo koe tee haisala donu; teai hogi au mee dee heohi ne hai.”

1 Kings 9:4

Gai noo koe e daudali mai i de au, i de lodo se muna abodonu ma de heohi, bei dagodo o doo damana go David, ma de hai gi bei mee alodahi aagu e tala adu koe gi haia, ma de daohi agu hainga gu hagasauaa aama agu muna,

2 Kings 20:3

“Tagi Maolunga, au e dangidangi adu koe gi manadua bolo au ne hai hegau adu gi de goe i de muna abodonu i ogu lodo alodahi, ma de hai hegau i de heohi i mada luoo mada.” Gai Hezekiah ne kona mmao dono dangi.

1 Chronicles 29:17

Dogu Maadua, au e iloo bolo koe e tilo dagodo o de lodo, gai koe e malangilangi i de lodo e hai hegau i de heohi. Au ne malangilangi donu i de ngadi gaavadu mee nei i de lodo se muna abodonu, gai au gu gidee hogi bolo oo dangada gu hagabuni nei i kinei anailaa nei, ne malangilangi hogi i de ngadi gaavadu gi de goe.

De Beebaa go Job 33:9

‘Au e gilimalali gai e deai donu ogu haisala, au tigi haisala donu, gai e deai donu ogu dee heohi.

Psalm 24:4

Go tangada e gilimalali luoono lima ma ono lodo; ia e dee daumaha ange gi dahi diinonga i ono lodo, aabe e hagatoo donu i dahi mee hhadu.

Psalm 25:21

De hai hegau i de mee abodonu ma de heohi gi buibuia ngau, i hiidinga go koe dagu tali hagalodolodo.

Psalm 26:6

Tagi Maolunga, au e hhui luoogu lima i dogu dee haisala, ma de holiage luu baasi doo mommee o ssigidaumaha;

Psalm 7:8

Tagi Maolunga, hagamodu ina muna o denga huaadangada. Tagi Maolunga, hagamodu ina ogu muna gi bei dagodo o dogu heohi, ma teai ogu haisala.

Psalm 7:9

De Maadua heohi, go de ia e iloo dagodo lodo ma maanadu a dangada, haia gi dee ssula hegau a tangada baubau, gai hagassula ina hegau a tangada heohi.

Psalm 73:13

Ni muna abodonu, teai donu haigamaiana dagu hai gi gilimalali ogu lodo, ma de daohi luoogu lima gi dee haisala.

Psalm 78:72

Gai David ne tilo ange gilaadeu i de lodo e heohi, ma de dagi gilaadeu i dono lima labagau.

Proverbs 11:3

De hai hegau i de mee abodonu e dagi gilaadeu e hai hegau ai, aagai dangada e dee hai hegau laa i de mee abodonu e maakau naa donu i delaadeu hadu muna.

Proverbs 20:7

Tangada heohi e hai hegau laa i de mee abodonu, e hai naa ga manuuia denga dama e loomai i ono dua.

Daniel 6:22

Dogu Maadua ne hai gi humai dono dangada de langi, gi bonodia ngudu o denga laiono. Deenei ai, gilaadeu tee hagalagohia donu au, go hiidinga au tigi haisala ange donu gi de ia. De hodooligi, tigi ai hogi se mee dee heohi aagu gu hai adu gi de goe.”

2 Corinthians 1:12

Gai deenei demaau mee e tala tuhi ai, ma de tala hagadonu o tagi i omaau lodo: bolo gimaau ne hai hegau i de mee heohi i henua i lalo ma adu hogi gi goodou, i de lodo se muna abodonu, gai e dee se mee ne hai i de heiangi o henua i lalo, aagai mai i de abodonu o de Maadua.

1 Thessalonians 2:10

Gai goodou go omaadeu dangada tala hagadonu, gai e bei ai hogi de Maadua, bolo gimaadeu ne hai hegau i de dabu ma de heohi, aama de gilimalali adu gi goodou e hagadonusia.

1 Timothy 1:13

I mua gai au se dangada e basa baubau i de ia, ma de vaivai hai dangada ma de alasala. Gai de Maadua ne lodo aloha mai gi de au, i hiidinga au ne hai mee nei i dogu dee donu ma tee hagadonusia.

Joshua 22:22

“De Maadua Mmahi Mmao laa, de Maadua, go Iahweh! De Maadua Mmahi Mmao laa, de Maadua, go Iahweh! Ia e iloo! Gai Israel gi iloo! Noo de mee nei ne hai baasi ange aabe se dee hai hegau i de mee abodonu ange gi Tagi Maolunga, gai daia donu gimaadeu gi maakau ailaa nei!