Genesis 2:9 - De Beebaa Dabu

⁹ Gai Tagi Maolunga go de Maadua ne hai gi ssomo age, i honga de gelegele denga hagadaagangaa manu ssomo alodahi e danuaa laa i de tilo ma de gai. Gai de manu somo o de mouli, ma de manu somo e maua ai laa gi iloo tanuaa ma de baubau, e ssomo i lo te ungaalodo o de veelenga laa.

Genesis 2:9 Iomraidhean Croise

Genesis 2:17

aagai koe e dee maua i de gai hua o de manu somo e maua ai gi iloo tanuaa ma de baubau, go hiidinga de laangi naa huu aau e gai ai ono hua, gai koe e magau donu.”

Genesis 3:22

Gai Tagi Maolunga go de Maadua ga hagadaba, “Tilo, tangada gu bei odaadeu dagodo, ia gu iloo ngaadahi tanuaa ma de baubau. Deenei ai, e hagamanavasaa noo ia e hhagi hogi ga gai hua o de manu o de mouli, gai ia e mouli ga hano ai e dee ngado mai.”

Genesis 3:24

Gai dua huu dana hai taane laa gi hano gee mai i de veelenga, gai ia ga dugu hanu cherubim i de baasi gi dua o de veelenga go Eden, ma dahi gadilaasa ula e luilui saele laa, e hagaloosi ai de haiava e hano laa, gi de manu somo o de mouli.

Genesis 3:3

aagai de Maadua gu hai mai gimaau gi dee gaina hua o de manu somo i lo te ungaalodo o de veelenga, be gi poo ange aagena, gi dee maakau ai gimaau.”

Genesis 3:5

Gai de Maadua e iloo bolo de laangi naa huu ooluu e gai ai hua o de manu laa, gai ooluu mada gu maahuge; gooluu gu bei dagodo o de Maadua gu iloo tanuaa ma de baubau.”

Proverbs 11:30

Hua o de heohi go de manu somo o de mouli; gai tangada heiangi e maua e ia lodo o dangada.

Proverbs 3:18

De heiangi e bei de manu somo o de mouli, ange gi dangada alodahi e gaavee; gai gilaadeu e daohia de heiangi nei, e manuuia donu.

Isaiah 44:25

Gai go au e haia gi dee ssula hagailonga a denga pelaabisi hadu muna, ma de hai de gau e daalaa mee loomai gi bei de gau llodo ssenga, ma de hai gi dee ssula muna a de gau heiangi, aama de hai olaadeu iloo mee gi deai haigamaiana;

Isaiah 47:10

Gai dau tali go au hegau baubau, gai koe e hagadaba, “E deai donu dangada e gidee agu mee e hai.” Doo iloo mee ma doo heiangi gu hagasenga goe; gai koe e hagadaba i oo lodo, “Go au donu huu, e deai ange donu e bei au.”

Ezekiel 31:16

Au e hai naa denga huaahenua gi maatagu i delaadeu langona dono baguu, i de masavaa aagu e tili iho ai ia gi de mommee o de gau maakau madali gilaadeu e loiho laa gi lo te geelonga laa. Gai denga manu ssomo alodahi o Eden, ma manu ssomo danuaa hugadoo o Lebanon, go manu ssomo alodahi ne hagamaluulu danuaa laa, e hagaaneane naa olaadeu lodo i lalo de gelegele.

Ezekiel 31:18

Gai gu dahi ange laa manu somo o Eden, e bei dagodo o doo mahamaha aama doo maolunga? Koe e hano iho naa donu madali denga manu ssomo o Eden, gi de mommee o de gau maakau; koe e dagodo naa madali dangada tigi tuu dagaholiage, ma gilaadeu ne daia laa ga maakau i de gadilaasa. Aanei dagodo o Pharaoh ma ono hagabuulinga hebagi soa, go de Ia Aamua go Iahweh e hagadaba.”

Ezekiel 47:12

Gai luu baasi ngaadahi o de vai laa e ssomo ai naa denga hagadaagangaa manu ssomo e gai olaadeu hua. Olaadeu lau e dee mmae gai olaadeu hua e dee odi naa donu. Gai manu nei e hhua naa i denga malama alodahi, go hiidinga vai olaadeu e unu ai e ssali mai i de mommee dabu laa. Gai olaadeu hua e haangai ai dangada, gai olaadeu lau e hagaieiangi ai magi o dangada.”

John 6:48

Go au donu de pelaoaa o de mouli.

1 Corinthians 8:1

Gai dagodo o denga gai gu sigidaumaha ange laa gi denga diinonga: gidaadeu e iloo bolo “gidaadeu alodahi e hanu donu odaadeu iloo mee.” De iloo mee nei e hidi mai ai de lodo maolunga, gai de aloha e hagammahi lodo o dangada.

Deuteronomy 6:25

Gai noo gidaadeu e kana ange ga daudali i denga muna nei alodahi i mada luu mada o Tagi Maolunga taadeu Maadua, bei dana hai gu tala mai ai gi gidaadeu, gai gidaadeu gu ni dangada e heohi.”

Revelation 2:7

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii, gai au e dugu ange naa ia gi gaina hua o de manu o de mouli i lo te veelenga a de Maadua.

Revelation 22:14

E manuuia gilaadeu e hagagilimalali ina olaadeu malo; gi dahi ai olaadeu sauaa e gai ai hua o de manu o de mouli, aama de ulu i haitoga o de aduhale laa.

Revelation 22:2

ma e hano laa lo te ungaalodo o de haiava i lo te aduhale laa. Gai luu baasi o ssaalingaa vai laa e somo ai de manu o de mouli. Gai de manu nei e madaangahulu ma lua ono hagadaagangaa hua, gai e hua i denga malama alodahi. Gai lau o de manu laa e hagaieiangi magi o denga huaadangada alodahi.