Genesis 2:24 - De Beebaa Dabu

²⁴ Deenei de hiidinga o taane e dugu ai laa dono damana ma dono dinana, gai ia ga hagapigi ange gi dono bodu, gai gilaau gu hai ga se angaanga e dahi.

Genesis 2:24 Iomraidhean Croise

Genesis 4:19

Gai Lamek ne hai bodu ange gi e dogolua haahine; de ingoo o dahi go Adah, gai de ingoo o de ia ange laa go Zillah.

Psalm 45:10

Tamaa hine, hagalaangona ma gi hagasaelea, hagangalo ina oo dangada aama doo huaabodu;

Proverbs 12:4

De hine danuaa e bei de hau mahamaha i honga de biho o dono bodu, aagai de hine hagadogaa dangada e bei de mee e haia laa ga pobo ono ivi.

Proverbs 2:17

go de hine gu tili dono bodu ne hai i de masavaa oona se damaa hine ai, ma de ngalo de hagatoo donu aana gu hai i mada luu mada o de Maadua.

Proverbs 31:10

Goai e maua i de gidee dahi hahine dahulinga danuaa? De hine bee nei e hagao ngadaa ange i denga ruby.

Acts 11:23

Dono masavaa ne dae ai gi kilaa, gai ia gu gidee mee a de Maadua gu hai i kilaa i dono abodonu, gai ia gu malangilangi, ga hagammahi ange gilaadeu alodahi gi hai hegau ange gi Tagi Maolunga i de mee abodonu ma de lodo mmahi.

Romans 7:2

De hine dau bodu e noho i lalo de hainga o de hai bodu i taulooloa de mouli o dono bodu; aagai noo gu magau dono bodu, gai de hine laa gu ilaage mai i de hainga o de hai bodu.

Deuteronomy 10:20

Goodou gi maatagu i Tagi Maolunga doodou Maadua, gai daumaha ange donu huu gi de ia, ma de hagapigi ange gi de ia, aama de hagatoo donu donu huu i dono ingoo.

Deuteronomy 4:4

aagai goodou alodahi ne hagapigi ange laa gi Tagi Maolunga doodou Maadua, e mouli huu anailaa nei.

1 Timothy 5:14

Deenei ai, au e maanadu bolo denga haahine gu maakau olaadeu bodu goi dama daane laa gi aahe ange gi hai bodu, ga haanau hanu dama, ma de tilo ange olaadeu huaabodu, gi dee maua ai e de hagadaumee i de hagabaubau gidaadeu.

Joshua 23:8

Aagai goodou ga hagapigi ange gi Tagi Maolunga doodou Maadua, bei doodou hai gu hai hegau ai laa ga dae mai ai i iainei.

1 Samuel 25:43

David ne hai bodu ange hogi gi Ahinoam o Jezreel; luu haahine nei ngaadahi ne hai bodu ange gi David.