Genesis 2:2 - De Beebaa Dabu

² Gai de hagahidu laangi huu, gai de Maadua ga hagalava ana hegau alodahi ne hai; gai ia ga hagamabu mai i hegau alodahi aana gu hai.

Genesis 2:2 Iomraidhean Croise

Genesis 1:31

Gai de Maadua ga tilo huu mee alodahi aana gu hai, gai ia gu gidee bolo gu danuaa mmao. Deenei de ahiahi ma taiao o de hagaono laangi.

Genesis 2:3

Gai de Maadua ga hagamanuuia de hidu laangi ga hai gi dabu, go hiidinga deenei de laangi oona ne hagamabu mai ai i mee alodahi aana ne hai.

Exodus 23:12

E ono laangi aau e hai ai au hegau, aagai de hidu laangi naa huu gai koe hagamabu; gi hagammabu ai hogi dau kaau, ma dau donkey, ma tama daane a doo hahine hai hegau, aama tangada henua gee e nnoho laa i oo daha.

Exodus 31:15

E ono laangi e hai ai hegau, aagai de hidu laangi go Sabbath, se laangi hagammabu, ma de hagadabu ange gi Tagi Maolunga; be goai e haia hanu hegau i de laangi o Sabbath e daa donu gi magau.

Exodus 31:17

De mee nei se hagailonga niiagu e gaavange gi de gau Israel ga hano ai; go hiidinga Tagi Maolunga ne hai de langi ma henua i lalo i e ono laangi, aagai de hidu laangi huu gai ia ga hagalava ana hegau ga hagamabu.’ ”

Isaiah 58:13

Noo koe e dee oha Sabbath, ma tee hai oo mee e lodo ai i dogu laangi dabu, ma de hagabinga Sabbath bolo se laangi hagamalangilangi, ma de hagaingoo ange de laangi dabu o Tagi Maolunga bolo se laangi hagadubu, gai noo koe e hagadubu de laangi laa ga dee hai donu huu au hegau, ma de hagamalangilangi donu huu goe, aama tee tala ai hanu ngadi muna,

John 5:17

Aagai Iesu ne hai ange gi gilaadeu, “Dogu damana e hai hegau ga dae mai ai gi iainei, gai au e hai hegau hogi.”

Deuteronomy 5:14

aagai de hidu laangi go Sabbath a Tagi Maolunga doo Maadua. Aude haia ai dahi hegau daudahi, go koe ma dau dama daane, ma dau damaa hine, ma doo daane hai hegau, ma doo hahine hai hegau, ma dau kaau, ma dau donkey, ma au manu alodahi, aama tangada henua gee e nnoho i oo daha, gi maua ai e goe, ma doo daane hai hegau, ma doo hahine hai hegau i de hagammabu bei goe.

Hebrews 4:10

go hiidinga tangada gu ulu i de hagamaabunga a de Maadua gu hagamabu mai hogi i ana hegau, bei de hai o de Maadua ne hagamabu ai laa i ana hegau.

Hebrews 4:4

Go hiidinga ia gu tala hogi dagodo o de hagahidu laangi i dahi mommee i muna nei, “Gai de Maadua ne hagamabu i de hagahidu laangi mai i ana hegau alodahi.”