Genesis 2:17 - De Beebaa Dabu

¹⁷ aagai koe e dee maua i de gai hua o de manu somo e maua ai gi iloo tanuaa ma de baubau, go hiidinga de laangi naa huu aau e gai ai ono hua, gai koe e magau donu.”

Genesis 2:17 Iomraidhean Croise

Genesis 2:9

Gai Tagi Maolunga go de Maadua ne hai gi ssomo age, i honga de gelegele denga hagadaagangaa manu ssomo alodahi e danuaa laa i de tilo ma de gai. Gai de manu somo o de mouli, ma de manu somo e maua ai laa gi iloo tanuaa ma de baubau, e ssomo i lo te ungaalodo o de veelenga laa.

Genesis 20:7

Gai koe hagaahea ange de bodu o taane naa, go hiidinga ia se pelaabisi, gai ia ga dalodalo ai i de goe, gi dee magau ai goe. Aagai noo koe e dee hagaahe ange dono bodu, gai koe gi iloo bolo goodou ma dangada alodahi i doo hale e maakau donu.”

Genesis 3:11

Gai de Maadua ga ssili ange, “Gai goai ne daalaa adu bolo koe e deai donu oo malo? Koe gu gai naa hua o de manu somo aagu gu tala adu laa koe gi dee gaina?”

Genesis 3:17

Gai Tagi Maolunga ga hai ange gi Adam, “Go hiidinga koe ne hagallongo ange gi muna a doo bodu, ga gai ai hua o de manu somo aagu gu hai adu koe gi dee gaina, deelaa ai, de gelegele gu hagamalaia i oo hiidinga; gai koe e gaimee ai naa donu huu noo koe e hagadalea ange aagena, i taulooloa oo laangi e mouli ai.

Genesis 3:19

Koe e hai hegau naa gi salia goe i taadaa, gai koe ga maua i de gaimee, ga dae ai gi doo ahe ange gi de gelegele, go hiidinga koe ne kave mai i de gelegele; gai koe go de mama donu o de gelegele, deelaa ai, koe e ahe ange naa donu gi de gelegele.”

1 Kings 2:37

De laangi oou e hano ai gi de baasi laa o de geelonga go Kidron, gai koe e daa donu gi magau. Gai doo magau e dau adu donu huu gi de goe.”

1 Kings 2:42

gai de hodooligi ga aalu Shimei gi humai, gai ia ga ssili ange gi de ia, “E aha, tee haia e au goe gi hagatoo donu i de ingoo o Tagi Maolunga, gai au ne hai adu hogi, ‘De laangi naa donu huu oou e hano gee ai i kinei, ga hano gi dahi mommee gee, gai koe e daa donu gi magau’? Gai koe ne hai mai i de masavaa laa, ‘Au mee gu tala mai ni muna danuaa. Au e daudali donu i au muna.’

Jeremiah 26:8

Aagai de masavaa huu a Jeremiah ne tala ai ga odi muna alodahi a Tagi Maolunga ne tala ange, ia gi daalaa ange gi dangada alodahi, gai de gau haimeedabu ma denga pelaabisi ma dangada alodahi i kilaa ga poo ia, ga hai ange, “Koe e daa donu gi magau!

Ezekiel 18:13

gai ia e gaavange sseene e kave ai dahi mee laa honga mee aana ne gaavange laa — e aha, e heohi de mouli o tangada bee nei? E deai, ia e dee dugu donu gi mouli donu. Ia gu hai denga mee hakino gee nei alodahi; ia e daa donu gi magau, gai dono magau e dau ange donu huu gi de ia.

Ezekiel 18:32

Au e dee malangilangi i de magau o dahi dangada daudahi, go de Ia Aamua go Iahweh e hagadaba; deenei ai, goodou daahuli oodou lodo gi mouli ai goodou.

Ezekiel 18:4

Tilo, mouli o dangada alodahi ni mee mai i ogu daha, tamana ma tama niiagu hogi — gilaau ngaadahi niiagu. Tangada e haisala laa e magau donu.

Ezekiel 33:14

Gai noo au e hai ange gi tangada baubau, ‘Koe e magau donu,’ aagai noo ia e dahuli gee i ono haisala ga hai hegau i de mee danuaa ma de heohi —

Ezekiel 33:8

De masavaa naa huu aagu e hai ange ai gi tangada baubau, ‘Tangada baubau, koe e magau donu,’ gai koe e dee hagakana ange tangada baubau laa gi hano gee i ana hegau baubau, gai tangada baubau laa e magau donu i lodo ono haisala, aagai au e dau adu gi de goe dono magau.

Numbers 26:65

Go hiidinga Tagi Maolunga gu tala olaadeu dagodo, e hai ange, “Gilaadeu e odi naa donu i de maakau i de vao.” Gai teai donu se gilaadeu ne ola, go Caleb donu huu tama daane a Jephunneh, aama Joshua tama daane a Nun.

Romans 1:32

Gai e dee galemu donu delaadeu iloo dagodo o de hagamodu heohi a de Maadua, bolo dangada e haia hegau bee nei e maakau donu, gai gilaadeu e dee duudagi donu huu de hai mee nei, aagai gilaadeu e malangilangi donu hogi i dangada e haia mee nei.

Romans 6:16

E aha, goodou e dee iloo bolo noo goodou e dugu ange goodou e hai ai tangada hai hegau o dahi, gai goodou gu ni dangada hai hegau donu niiona — e dee hilihili be goodou e hai hegau ange gi de haisala, e dagina ange laa goodou gi maakau, aabe e hagallongo ange gi de mee e haia ga heohi goodou.

Romans 6:23

Gai de hagaoanga o de haisala go de magau, gai de mee ngadi gaavange a de Maadua go de mouli e dee ngado mai i lodo o Klisdo Iesu taadeu Dagi Maolunga.

Romans 8:2

Go hiidinga de hainga a de Hagasaalunga o de mouli gu hagailaage au mai i ssauaa o de hainga o de haisala ma de magau, i hiidinga o Klisdo Iesu.

1 Corinthians 15:22

Dangada alodahi ne maakau i hiidinga o Adam, gai e bei ai hogi, dangada alodahi e mouli age i hiidinga o Klisdo.

1 Corinthians 15:56

Ssauaa o de magau e hagammae ai go de haisala, gai mahi o de haisala go de hainga.

Galatians 3:10

Gai dangada alodahi e tali hagalodolodo ange gi hegau o de hainga gu hagamalaia donu; go hiidinga gu sisi e hai ange, “E malaia dangada alodahi e dee daohia mee alodahi gu sisi i de Beebaa o de hainga ga daudali ai.”

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Deuteronomy 27:26

“E malaia tangada e dee hagassula ina muna o de hainga nei ma de hai hegau ai.” Gai dangada alodahi gi hai ange, “Amen!”

Deuteronomy 30:15

Tilo, anailaa nei gai au gu dugu i oodou mada i mua de mouli ma tanuaa, aabe go de magau ma de baubau.

Deuteronomy 30:19

Gai au e hagahi ange de langi ma henua i lalo e hai ai de gau hagadonu gi hai baasi adu ai goodou, bolo au gu dugu i oodou mada i mua de mouli ma de magau, de manuuia ma de hagamalaia. Deenei ai, goodou hilihilia de mouli, gi mouli ai goodou ma oodou dama,

Colossians 2:13

De masavaa oodou goi maakau ai i de baasi gi de hagasaalunga ma de nnoho i lodo oodou haisala, gai tigi tuu dagaholiage oodou angaanga, gai de Maadua ne hai goodou gi mouli age madali Klisdo, ga degi mai gi odaadeu haisala alodahi,

1 Timothy 5:6

Aagai de hine gu magau dono bodu gai e hagamalangilangi donu huu ia gu magau donu, e dee galemu donu ia goi mouli huu.

James 1:15

Gai dua de hagadili o de lodo baubau nei, gai de lodo nei gu haanau de haisala; gai ga madua huu de haisala, gai de haisala ga haanau de magau.

1 John 5:16

Noo koe e gidee doo daina gu haisala i de mee oona e dee magau ai, gai koe gi dangidangi ai, gai de Maadua ga hagamouli ai tangada bee nei — go de ia gu haisala i mee oona e dee maakau ai. E dahi donu haisala e magau ai tangada. Gai au e dee hai adu koe gi dalodalo i de mee nei.

Revelation 2:11

Be goai e hanu ono dalinga, gai ia gi hagalaangona muna a de Hagasaalunga ⌊Dabu⌋ e tala ange gi denga nohoanga dabu. Be goai e kii e dee duu ange donu gi de lua magau.

Revelation 20:14

Gai de mommee o de magau ma Hades gu tili ange gi lo te ahi e sali laa bei de vai. Deenei de lua magau.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

Revelation 21:8

Aagai de gau madagudagu, ma dangada tee hagadonusia, ma de gau hakino gee, ma de gau daa dangada, ma de gau dagodo haisala, ma de gau hai huuhuaa mee, ma dangada e daumaha ange gi denga diinonga, ma de gau hadu muna alodahi — delaadeu duuhanga go de ahi ula ma denga sulfur e sali laa bei de vai, deenei de lua magau.”

Judges 3:2

(ia ne hai de hegau nei e agoago ange ai de gau Israel, tigi hulo laa gi de hebagi i mua):

1 Samuel 14:39

Go hiidinga au e hagatoo donu i de mouli o Tagi Maolunga e hagaola ina laa de gau Israel, bolo e dee galemu naa donu be go Jonathan, dagu dama, gai tangada laa e magau donu.” Gai teai donu se daane daudahi ne basa ange gi de ia.

1 Samuel 14:44

Gai a Saul ga hai ange, “Jonathan, de Maadua gi hagaduasala ina donu au; koe e daa donu gi magau!”

1 Samuel 20:31

Gai taulooloa de mouli o tama daane a Jesse, gai koe ma doo nohoanga hodooligi e dee maua donu gi sula. Iainei gai koe alumia David gi humai gi ogu daha, gai au ga daa ia gi magau.”

1 Samuel 22:16

Gai de hodooligi ga hai ange, “Ahimelek, goodou ma doo huaabodu alodahi e daa donu gi maakau.”