Genesis 19:36 - De Beebaa Dabu

³⁶ Gai luu damaa hine a Lot gu hai tama ange ngaadahi gi delaau damana.

Genesis 19:36 Iomraidhean Croise

Genesis 19:35

Gai gilaau ne aahe ange hogi ga hagaunu delaau damana i uvaini i de boo laa, gai tamaa hine gauligi ne hano hogi ga dagodo haisala ma ia. Gai Lot tee iloo donu e ia, de masavaa o tamaa hine laa ne dagodo iho ai, aabe go de masavaa oona ne hidi age ai ga hano.

Genesis 19:37

Gai tamaa hine madua ne haanau dahi dama daane, gai ia ga hagaingoo ange ia go Moab; go ia ne hagadili ina de gau Moab ga dae mai ai gi anailaa nei.

Genesis 19:8

Tilo, e dogolua agu damaa hine tigi hagahebaa ma denga daane; au ga hagassao mai nei gilaau e gaavadu gi goodou, gai goodou ga hai ange gi gilaau, mee alodahi oodou e llodo ai. Aagai goodou aude haia ange hanu mee gi luu daane nei, go hiidinga gilaadeu gu nnoho i lo te buibui o dogu hale.”

Habakkuk 2:15

E vakaa naa tangada e gaavange mee vii gi dangada e paa ange gi de ia, ma de hagaunu gilaadeu gi ssenga, gai koe ga tilo ai delaadeu gilisau!

Matthew 7:2

Go hiidinga goodou e hagamodu naa hogi oodou muna, bei doodou hai ne hagamodu ai muna o de gau ange laa, gai de hagabaaunga oodou e hagabau ange ai gi dangada, go de hagabaaunga hogi e hagabau adu ai gi goodou.

Deuteronomy 2:9

Gai Tagi Maolunga ne hai mai gi de au, “Goodou e dee hakoso de gau Moab gi hebagi adu ai gilaadeu gi goodou, aabe e hagadaumee ange gi gilaadeu, go hiidinga au e dee gaavadu donu gi goodou, dahi damaa mommee i delaadeu henua. Au gu gaavange Ar gi de aamuli o Lot gi henua ai.”

Judges 1:7

Gai Adoni-Bezek ga hai ange, “Ne dinohidu hodooligi aagu ne duuduu olaadeu madannia ma olaadeu dabuvae maatua, ga hai gilaadeu gi ogohia age amuamu gai i lalo dogu deebele; gai de Maadua gu sui mai agu hegau ne hai ange gi gilaadeu.” Gai denga daane o Judah ne kave ia gi Jerusalem, gai go kilaa oona ne magau ai.

1 Samuel 15:33

Aagai Samuel ga hai ange, “Dau gadilaasa ne hai ga deai dama a denga haahine, gai doo dinana e deai naa sana dama.” Gai Samuel ne duuduu de angaanga o Agag i mada luu mada o Tagi Maolunga i Gilgal.