Genesis 19:24 - De Beebaa Dabu

²⁴ Gai Tagi Maolunga ga hagamalili iho gi honga o Sodom ma Gomorrah denga maga ahi kaa ma de ahi mai i de langi.

Genesis 19:24 Iomraidhean Croise

Genesis 13:10

Gai Lot ne galo ange ga tilo dagodo o de henua, gai ia gu gidee bolo de mommee soe i gaogao o Jordan, se mommee iai vai lagolago, i de baasi ange gi Zoar, gai e bei dagodo o de veelenga a Tagi Maolunga, ma de henua go Egypt. (Mee nei ne hai i mua de oha a Tagi Maolunga Sodom ma Gomorrah.)

Genesis 13:12

Abram ne noho i de henua go Canaan, gai Lot ne hano ga noho i magavaa o denga aduhale i de mommee soe, ma de hagatuu ono hale malo i de mommee e baa ange gi Sodom.

Genesis 18:17

Gai Tagi Maolunga ne hagadaba i ono lodo, “E heohi nei dagu hagammuni i Abraham de hegau aagu ga hai nei?

Genesis 19:23

Gai de masavaa o Lot ne dae ai gi Zoar gai gu sobo age de laa.

De Beebaa go Job 1:16

De masavaa o taane laa goi tala ai ana muna, gai gu humai ange hogi dahi dangada, ga hai ange, “Dahi ahi mai i daho de Maadua gu hano iho i de langi ma gu dudu denga ssiibi ma de gau hagaloosi. Gai go au donu huu ne ola, gai au ga humai ai nei e tala adu gi de goe.”

De Beebaa go Job 18:15

Dono hale gu daakodo ai mee e dee niiana; gai denga maga ahi gu doha saele i dono mommee noho.

Psalm 11:6

Ia e hai naa gi loiho gi honga o de gau baubau de ahi ma maga ahi ula; gai tuuhanga i lodo alaadeu ubu go de madangi hagavvela.

Exodus 9:23

Gai Moses ga haalo dono dogo gi lo te moana i lunga; gai Tagi Maolunga ga hagababaa denga hatuli ma de too iho denga duudangaa haisi, gai de ahi ula gu hano iho gi honga de gelegele. Gai Tagi Maolunga ga hai gu too iho denga duudangaa haisi gi honga de henua go Egypt.

Isaiah 1:9

Noo Tagi o denga hagabuulinga hebagi tee hagaola hanu odaadeu momo dangada, gai gidaadeu ne bei donu dagodo o Sodom, gidaadeu gu bei dagodo o Gomorrah.

Isaiah 13:19

Babylon, de hadu hagamogomogo a denga nohoanga hodooligi, gai go de mahamaha o de gau Babylon e hagamaolunga ai laa, e oohaa naa e de Maadua, bei dagodo o Sodom ma Gomorrah.

Isaiah 30:33

Madagidagi laa gai dahi mommee gu hagadabena e dudu ai; gai ne hagadabena ange gi de hodooligi o Assyria. Dono geelinga ne geli gi maolalo ma de mada laumalie, madali de ahi laumalie ma lahhie lagolago; gai de madangi o de manava o Tagi Maolunga e bei de maga ahi o de ahi e haia laa ga ula.

Jeremiah 20:16

Tangada laa gi bei denga aduhale a Tagi Maolunga e oha laa, ia e dee lodo aloha ange donu aagena; ia gi langona de hevaalogi o dangada i taiao, gai ia gi langona longo o de hebagi i de madohi lua o de laangi,

Jeremiah 23:14

Au gu gidee hogi dahi mee baubau mmao i magavaa o denga pelaabisi o Jerusalem: gilaadeu e dagodo haisala ma de hadu muna. Gilaadeu e bale ange dangada e haia de baubau, deelaa ai, gu deai donu se dangada daahuli gee i de baubau. Gai au gu gidee bolo gilaadeu gu bei donu dagodo o Sodom; gai dangada o Jerusalem gu bei dangada o Gomorrah.”

Jeremiah 49:18

Gai e bei hogi de oha o Sodom ma Gomorrah, madali denga aduhale e paa ange, go Tagi Maolunga e hagadaba, gai e deai naa donu se dangada e nnoho gaainga i kilaa; e deai naa hogi dangada e nnoho i kilaa.

Jeremiah 50:40

Bei de hai a de Maadua ne oha ai laa Sodom ma Gomorrah madali denga mommee e paa ange gi kilaa, go Tagi Maolunga e hagadaba, gai e deai naa donu dangada e nnoho gaainga i kilaa gai e deai naa hogi dangada e nnoho i kilaa.

Lamentations 4:6

De hagaduasala o ogu dangada gu kii ange i de hagaduasala o Sodom, go de aduhale ne moolau laa donu huu de oha, gai tee se dangada donu ne oohaa.

Hosea 11:8

Ephraim, e maua e au i de tili goe? Israel, e maua e au i de dugu goe gi hano? E maua e au i de hai goe bei dagodo o Admah? E maua e au i de hai goe bei dagodo o Zeboiim? Ogu lodo gu dee baba mmao, au gu dee maua i de golomagi dogu lodo aloha.

Amos 4:11

Au ne hagadee kii hanu goodou, bei dagu hai ne oha ai laa Sodom ma Gomorrah. Goodou ne bei dagodo o de laagau ne aau mai laa i lo te ahi ula; aagai goodou tee aahe mai gi de au, go Tagi Maolunga e hagadaba.

Zephaniah 2:9

Deenei ai, au e hagatoo donu i dogu mouli, go Tagi o denga hagabuulinga hebagi, de Maadua o Israel e hagadaba: Moab e bei naa donu dagodo o Sodom, de gau Ammon e bei naa dagodo o Gomorrah — se henua iai denga helii ma haonga iai soolo, gai e ngadi dagodo naa ga hano ai. Dangada e doe i ogu dangada e hai gi de mahi naa olaadeu goloa; dangada e ola i dogu huaahenua e kave naa delaadeu henua.”

Luke 10:12

Au e hai adu gi goodou: Sodom e danuaa ange i de aduhale laa i de laangi hagamodu muna.

Deuteronomy 28:24

Gai Tagi Maolunga e hai de langi pala gi ni mama ma paudaa i honga doo henua, gai e hano iho naa gi de goe i de langi, ga dae ai gi doo magau.

Deuteronomy 29:22

Gai hagadiilinga a oodou dama e loomai i oodou dua, ma de gau henua gee mai i denga henua mmao, e gidee naa denga mee hagamaakau, ma hagadaagangaa magi a Tagi Maolunga e hagaduasala ai de henua.

Deuteronomy 29:23

De henua alodahi e daakodo ai naa denga soolo ma lehu — gu deai manu e ssomo ai, e deai hogi manu e matili age ai, gai gu deai manu e maua gi ssomo ai. Gai e oha naa bei dagodo o Sodom ma Gomorrah, ma Admah ma Zeboiim, go mommee a Tagi Maolunga ne oha i dono lili ma dono bole.

2 Peter 2:6

noo ia ne hagaduasala Sodom ma Gomorrah, ga dudu luu mommee laa ga hai gu ni lehu, ma de hai luu mommee laa gi se ada e hagaago mai ai mee e hai ange gi de gau baubau;

Jude 1:7

Gai e bei ai hogi dagodo o Sodom ma Gomorrah, aama denga aduhale e paa ange gi kilaa, i hiidinga gilaadeu ne hai denga dahulinga hai be se manu ma dahulinga hakino gee e dee hai i daho dangada; gilaadeu ne hagaduasala i de ahi e dee ngado mai, e hai ai dahi hagaago ange gi dangada.

Revelation 14:10

e unu naa hogi uvaini mmahi o de bole o de Maadua, e dee hilo laa ga llingi ange ai gi lo te ubu o dono lili. Gai ia e hagaduasala naa donu i de ahi ma denga sulfur, i madamada o denga dangada de langi dabu ma mada luu mada o Ssiibi Gauligi.