Genesis 19:16 - De Beebaa Dabu

¹⁶ Gai a Lot e hagamudumudu ana mee, aagai luu daane laa ga poo dono lima ma de lima o dono bodu, aama lima o luaana damaa hine, ga kave gilaadeu gi tua de aduhale, i hiidinga Tagi Maolunga ne abodonu ange gi de ia.

Genesis 19:16 Iomraidhean Croise

Genesis 19:15

Gai ga daiao huu de mee, gai luu dangada de langi laa ga usuusu ange a Lot, ga hai ange, “Hidi age gaavee doo bodu ma luaau damaa hine e nnoho i kinei, goodou kana maakau i de masavaa e hagaduasala ai de aduhale.”

Genesis 43:10

Gai noo gimaadeu ne hagamoolau ga hulo, gai gu lua odi huu omaadeu hanonga ne hulo ai ga lava ga aahe mai.”

1 Chronicles 16:34

Hagaahe ange de abodonu gi Tagi Maolunga, go hiidinga ia e danuaa; dono abodonu e dee helui ga hano ai.

Psalm 103:13

Gai Tagi Maolunga e lodo aloha ange gi gilaadeu e maatagu i de ia, bei dagodo o tamana e lodo aloha ange laa gi ana dama.

Psalm 106:1

Duuhia Tagi Maolunga! Hagaahea ange de abodonu gi Tagi Maolunga, i hiidinga ia e danuaa; dono abodonu e dagodo ga hano ai!

Psalm 106:8

Aagai ia ne hagaola gilaadeu i hiidinga o dono ingoo, gai ia ga hagaago mai ai dono sauaa mmahi.

Psalm 107:1

Hagaahe ange de abodonu gi Tagi Maolunga, go hiidinga ia e danuaa; dono abodonu e dee helui donu ga hano ai.

Psalm 111:4

Ia gu hai gi dee ngalo ana hegau hagalele mouli; Tagi Maolunga e degi ma de lodo aloha.

Psalm 118:1

Hagaahea ange de abodonu gi Tagi Maolunga, go hiidinga ia e danuaa; dono abodonu e dagodo ga hano ai.

Psalm 119:60

Au e hagamoolau, au e dee hagalongolongo ngadaa donu de daudali i au muna.

Psalm 136:1

Hagaahe ange de abodonu gi Tagi Maolunga, go hiidinga ia e danuaa. Dono abodonu e dagodo ga hano ai.

Psalm 32:10

E lagolago daemaha o de gau baubau, gai de abodonu o Tagi Maolunga e duuli tangada e hagadonusia ia.

Psalm 33:18

Aagai Tagi Maolunga e daumada gilaadeu e maatagu i de ia, ma gilaadeu e tali hagalodolodo ange gi dono abodonu,

Psalm 33:19

gai ia e hagaola gilaadeu mai i de magau, ma de tilo gi mouli gilaadeu i de masavaa o de onge.

Psalm 34:12

Goai tangada e lodo i de mouli ma de lodo mmao gi mouli ia i laangi lagolago, ma de gidee mee danuaa?

Psalm 86:15

Aagai koe, dogu Ia Aamua, se Maadua e lodo aloha ma de degi, koe e dee moolau de lili gai e lodo aloha mmao, ma de hai hegau i de muna abodonu.

Psalm 86:5

Dogu Ia Aamua, koe e danuaa gai e degi, gai e abodonu ange mmao gi dangada alodahi e hagahia goe.

Exodus 34:6

Gai Tagi Maolunga ne hano gi mada i mua o Moses, ga hagadaba, “Tagi Maolunga, Tagi Maolunga, de Maadua e lodo aloha ma de degi, e dee moolau de lili, gai e honu i de aloha aama de hai hegau i de muna abodonu,

Exodus 34:7

gai ia e dee helui naa donu dono abodonu ange gi dangada i denga atangada soa, ma de degi ange gi olaadeu baubau, ma olaadeu lodo dee heohi aama haisala. Aagai ia e dee degi ange naa donu gi alaadeu hegau baubau; ia e hagaduasala naa denga dama aama mogobuna i hiidinga baubau o olaadeu maadua, ga dae ai loo gi tolu ma de haa atangada.”

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Lamentations 3:22

Go hiidinga de abodonu o Tagi Maolunga, odaadeu tee maakau ai; dono lodo aloha e dee helui donu.

Numbers 14:18

‘Tagi Maolunga e dee moolau de lili ma de abodonu, gai e laumalie dono abodonu, ia e degi ange gi baubau ma haisala, aagai ia e dee degi ange donu gi hegau baubau, gai e hagaduasala denga dama i hiidinga haisala olaadeu maadua, ga dae ai loo gi tolu ma de haa atangada.’

Luke 18:13

Aagai taane e hagabudulia laa taagisese ne duu i dahi mommee mmao, gai ia tee galo age donu hogi gi de langi, gai ia ne hagailiili ono hadahada, ga hai ange, ‘De Maadua, degi mai gi de au, au se dangada e haisala!’

John 6:44

E deai donu se dangada daudahi e maua i de humai gi de au, noo Tamana ne haia au gi humai e dee haia ia gi humai gi de au, gai au ga hagamouli age ia i de laangi hagaodi.

Romans 9:18

Deelaa ai, de Maadua e abodonu ange gi tangada oona e lodo e abodonu ange aagena, gai e hagamakaga lodo o tangada aana e lodo e hagamakaga ono lodo.

2 Corinthians 1:3

Duuhia de Maadua ma Tamana o Iesu Klisdo taadeu Dagi Maolunga, gai go Tamana o de abodonu ma de Maadua e hagaaneane ina lodo alodahi.

Deuteronomy 4:31

Gai Tagi Maolunga doodou Maadua se Maadua e lodo aloha; ia e dee tili naa donu aabe ngalo de hagatoo donu hagaheloongoi aana gu hai madali oodou dubuna madagidagi ga hagadonu i dahi hagatoo donu.

Deuteronomy 5:15

Manadua bolo goodou nogo ni dangada hai hegau i de henua go Egypt, gai Tagi Maolunga ne haalo adu dono lima mmahi, ga hagassao mai ai goodou i kilaa. Deenei ai, Tagi Maolunga doo Maadua gu hai adu koe gi dao ina de laangi o Sabbath.

Deuteronomy 6:21

gai koe daalaa ange gi dau dama, ga hai ange, “Gimaadeu nogo hai hegau ange gi Pharaoh i Egypt. Gai Tagi Maolunga ne hagassao mai gimaadeu i Egypt i dono lima sauaa mmahi.

Deuteronomy 7:8

Aagai go hiidinga Tagi Maolunga ne aloha i goodou, gai ne daohi de hagatoo donu aana gu hagatoo donu ange ai gi oodou dubuna madagidagi, deelaa ai, ia ga hagassao mai goodou i dono lima mmahi, ma de hagaola goodou, mai i de henua oodou nogo hai hegau hagaduasala ai laa, aama mai i ssauaa o Pharaoh, de hodooligi o Egypt.

Titus 3:5

gai ia ga hagamouli gidaadeu; gai e dee go hiidinga o adaadeu hegau heohi, aagai go hiidinga dono degi, i dana hagagilimalali i de hagahoou odaadeu lodo i daho de Hagasaalunga Dabu,

Joshua 6:22

Gai Joshua ga hai ange gi luu dama daane ne mulidagi ina laa de henua, “Gooluu hulo gi de hale o de hine hai be se manu laa ma gi dagina mai ia ma ono dangada alodahi, bei dooluu hai gu hagatoo donu ange ai gi de ia.”

2 Peter 2:7

gai noo ia ne hagaola taane heohi go Lot, go de ia ne daemaha laa ono lodo i dana gide denga dahulinga hakino gee a de gau baubau,

2 Peter 2:9

noo deenei tagodo, gai Tagi Maolunga e iloo de hai e hagaola ai gilaadeu e heohi mai i denga hagatale, ma de daohi gilaadeu e dee hai hegau i de mee heohi, i lalo de hagaduasala ga dae ai gi de laangi hagamodu muna.