Genesis 18:6 - De Beebaa Dabu

⁶ Gai Abraham ne hagamoolau ga hano gi daho Sarah i de hale malo, ga hai ange, “Hagamoolau hagabau ina e dolu hagabaaunga pelaoaa lligi dao ina ai hanu pelaoaa.”

Genesis 18:6 Iomraidhean Croise

Genesis 18:5

gai au ga gaamai hanu pelaoaa e hagammahi age ai goodou, gai muli mai gai goodou ga hulo ai, go hiidinga goodou gu tae mai gi daho doodou dangada hai hegau.” Gai gilaadeu ga hai ange, “E danuaa, koe gi haia gi bei au muna.”

Genesis 18:7

Gai Abraham ga savini ga hano gi de mommee o denga manu haangai, gai ia ga poo dahi kaau gauligi ma de bedi danuaa ga gaavange gi dahi ono daane hai hegau, gai taane laa ga hagamoolau ga hagadabena de manu laa ga hai gu mmoa.

Genesis 19:3

Aagai ia ne hagammahi ange gilaau, gai gilaau ga hulo ai loo madali ia gi dono hale. Gai Lot ne hai hanu gai e gaimee ai gilaau; ia ne dao hanu pelaoaa dee hagahua, gai luu daane laa ga nnoho ga gaimee.

2 Samuel 13:6

Gai Amnon ga hano ga dagodo i honga dono moenga, ga hai bolo ia gu magi. Gai de masavaa huu o de hodooligi ne humai ai e tilo mai ia, gai Amnon ga hai ange gi de hodooligi, “Aude haihaia, au e lodo koe gi haia dogu daina hahine go Tamar, gi humai gi haia hanu pelaoaa, i de mommee aagu e gidee ai ia, gai ia ga haangai mai ai au.”

Psalm 119:60

Au e hagamoolau, au e dee hagalongolongo ngadaa donu de daudali i au muna.

Isaiah 32:8

Aagai tangada abodonu e hai denga hagatau abodonu; gai ia e duudagi de abodonu.

Matthew 13:33

Iesu ne tala ange hogi gi dangada dahi mee hagasengasenga, ga hai ange, “De nohoanga hodooligi o de langi e bei mee hagahua a dahi hahine e kave laa, ga hilo ange gi e dolu hagabaaunga pelaoaa mada, ga dae ai gi de hhua mee laa alodahi.”

Acts 16:15

Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Galatians 5:13

Denga daina, goodou ne hagahia ange gi de ilaage; aagai goodou gi dee haia oodou ilaage gi haia ai lodo o de angaanga, aagai goodou gi hagadau bale i de aloha.

Hebrews 13:2

Goodou gi dee ngalo de abodonu ange gi de gau henua gee, go hiidinga deenei de hai a hanu ne abodonu ange ai gi hanu dangada de langi, gai gilaadeu tee iloo donu.

1 Peter 4:9

Goodou hagadau abodonu ange gi dangada i oodou hale, gai gi dee nnanu.

Judges 6:19

Gai Gideon ne hano gi dono hale ga hai gu mmoa dahi guudi gauligi, ga hagabau ange e dahi ephah pelaoaa lligi ga hai ai hanu keege dee hagahua. Gai ia ga hhao ange kano manu laa gi dahi gede, gai vai o denga kano laa ne hhao ange gi dahi anibada, gai ia ga kave gi lalo de manu somo laa ga gaavange gi taane laa.

1 Samuel 28:24

Gai de hine laa e dahi ana kaau gauligi gu lava i de haangai ma gu bedi. Gai ia ga hagamoolau ga daa de kaau laa, ga hagabau hanu pelaoaa lligi ga labu ai hanu pelaoaa dee hagahua ga dao.