Genesis 18:25 - De Beebaa Dabu

²⁵ E dee aanei donu dagodo o au hegau e hai — koe e dee daa gi maakau de gau heohi madali de gau baubau, aabe e hai de gau heohi bei dagodo o de gau baubau. E dee aanei donu dagodo o au hegau e hai! E aha, de Ia Hagamodu o henua i lalo alodahi e dee hai naa de mee heohi?”

Genesis 18:25 Iomraidhean Croise

Genesis 18:24

Noo e dinolima donu huu dangada heohi i de aduhale laa? Koe e oha naa de aduhale laa, e dee hagaola de mommee laa, i hiidinga o de gau heohi e dinolima laa?

1 Chronicles 16:33

Denga manu ssomo i lodo henua gi daahili i de malangilangi i mada luu mada o Tagi Maolunga, go hiidinga ia e humai naa e hagamodu muna o henua i lalo.

2 Chronicles 19:7

Goodou gi maatagu i Tagi Maolunga; gai dagidiiloo gi danuaa oodou mee e hai, go hiidinga Tagi Maolunga taadeu Maadua e dee haisala donu dana hagamodu aabe hilihili dangada, ia e dee kave hogi denga mee ngadi gaavange hagasenga.”

Nehemiah 9:33

Gai koe e heohi donu i dau dugu ange mee nei alodahi gi hai mai gi gimaadeu, go hiidinga koe ne hai hegau i de mee abodonu, aagai gimaadeu ne hai de baubau.

De Beebaa go Job 34:10

Deenei ai, goodou denga daane e tonu ange laa, nnoho mai hagalaangona agu muna. De Maadua e dee hai donu de baubau, de Ia Mmahi Mmao laa e dee hai de mee dee heohi.

De Beebaa go Job 34:12

Ni muna abodonu, de Maadua e dee hai hegau baubau, gai de Ia Mmahi Mmao laa e dee hagahaisala donu de hagamodu heohi.

De Beebaa go Job 8:20

Tilo, de Maadua e dee tili donu tangada e dee haisala, aabe e bale ange tangada e haia de baubau.

De Beebaa go Job 8:3

E aha, de Maadua se ia e hagahaisala ina de hagamodu heohi? E aha, de Ia Mmahi Mmao laa e hagahaisala laa de mee heohi?

Psalm 50:6

De langi e hagaago mai de heohi o de Maadua, i hiidinga go ia donu de ia hagamodu muna! Selah

Psalm 58:11

Dangada e hagataba naa, “Ni muna abodonu, e dahi donu hagaoanga olaadeu e heohi; gai e dahi donu Maadua e hagamodu ina muna o henua i lalo.”

Psalm 7:12

Noo tangada e dee dahuli ono lodo, gai de Maadua e hakaa naa dana gadilaasa, ia e dada naa dana mee hholu ga hagadabena.

Psalm 75:3

De masavaa o henua i lalo e ngalungalue ai madali dangada iai, gai go au e daohia gi makaga ono duludulu. Selah

Psalm 94:2

De ia hagamodu muna o henua i lalo, hidi age, hagaduasala ina de gau hagamaolunga!

Psalm 98:9

i mada i mua o Tagi Maolunga, go hiidinga ia e humai naa e hagamodu muna o henua i lalo. Ia e hagamodu muna o henua i lalo i de heohi, ma de hagahedae dangada.

Ecclesiastes 3:17

Au ne hagadaba i ogu lodo, “De Maadua e hagamodu naa muna o tangada heohi ma tangada baubau, go hiidinga e dahi masavaa ange gi mee alodahi, ma hegau alodahi.”

Ecclesiastes 7:15

Dogu noho i de mouli deai nei ono haigamaiana, gai au gu gidee luu mee nei ngaadahi: tangada heohi e magau gai ia e hai hegau i de heohi, gai tangada baubau e daulooloa dono mouli gai ia e hai de baubau.

Jeremiah 11:20

Aagai koe, Tagi o denga hagabuulinga hebagi, koe e hagamodu muna i de heohi, koe e hagatale lodo ma maanadu a dangada, haia gi gidee e au dau sui ange alaadeu hegau baubau, i hiidinga au gu dugu adu go koe e hagamodu ina ogu muna.

Jeremiah 12:1

Tagi Maolunga, koe e heohi donu, i de masavaa aagu e tala adu ai dogu heohi. Aagai au e basa adu gi de goe i dagodo o dau hagamodu muna. Gu aha de gau baubau e hagadagadaga age ai laa? Gai gu aha de gau vaivai daakodo alodahi e duadonu ai laa?

Ezekiel 18:25

Gai goodou e hagataba, ‘Hegau a de Ia Aamua e hai e dee heohi donu.’ De gau Israel, goodou hagalaangona agu muna: E aha, gu dee heohi nei agu hegau? E dee go goodou gu dee heohi naa oodou hegau?

Malachi 3:18

Gai goodou e gidee naa de dagodo geegee o de gau heohi ma de gau baubau, ma de dagodo geegee o dangada e daumaha ange gi de Maadua, ma dangada e dee daumaha ange gi de ia.

Numbers 16:22

Gai gilaau ga ino ga hagapaa olaau mada gi honga de gelegele, ga hai ange, “De Maadua, go de Maadua o hagasaalunga o dangada alodahi, koe ga daohi naa donu huu doo lili i de hagabuulingaa dangada nei, i hiidinga haisala o dahi dangada sogosogo?”

2 Corinthians 5:10

Go hiidinga gidaadeu alodahi e tuu naa i mada i mua de nohoanga hagamodu muna o Klisdo, gai dahi ma dahi e kave naa de hagaoanga o ana hegau ne hai i de angaanga nei, e dee hilihili be e danuaa aabe e baubau.

Deuteronomy 1:16

Gai au ne hai ange gi oodou dangada hagamodu muna i de masavaa laa, “Go goodou e hagalaangona gi danuaa ga hagamodu denga dee heloongoi i magavaa o de gau Israel donu aama magavaa o dahi dangada Israel ma dahi dangada henua gee.

Deuteronomy 1:17

Gai goodou e dee hilihili dangada i doodou hagamodu muna; goodou hagamodu ina muna o de gau maolalo ma de gau maolunga gi se dagodo daudahi. Goodou gi dee maatagu i dahi dangada daudahi, i hiidinga go de Maadua e hagamodu ina muna. Gai be se aha naa huu e hai ngadaa adu gi goodou, gai goodou gaamai, gai au ga hagallongo.”

Deuteronomy 32:4

Ia se baba makaga, ana hegau e hoohonu danuaa, gai ia e hai hegau i de hagamodu heohi. Ia se Maadua e hai hegau i de muna abodonu ma teai se baubau i ono daha, ia e hagamodu i de heohi ma de soe.

Hebrews 12:23

aama de nohoanga dabu o denga ganimua, go dangada gu sisi olaadeu ingoo i de langi. Goodou gu loomai gi de Maadua, de Ia Hagamodu Muna o dangada alodahi, ma hagasaalunga o dangada e heohi ma de hoohonu abodonu olaadeu dagodo,

Judges 11:27

Gai au tigi haisala adu donu gi de goe, gai koe gu haisala mai donu gi de au, i doo humai ga hebagi mai gi de au. Gai Tagi Maolunga, de ia Hagamodu Muna, gi hagamodu ina muna i magavaa o de gau Israel ma de gau Ammon.”