Genesis 18:16 - De Beebaa Dabu

¹⁶ De masavaa o denga daane laa ga hiihidi age ai e hulo, gai gilaadeu ne daumada de haiava e hano laa gi Sodom, gai Abraham ne damaa seesee adu madali gilaadeu i honga delaadeu haiava.

Genesis 18:16 Iomraidhean Croise

Genesis 18:15

Gai Sarah ga hagassee ga hai ange, “E deai, au tee gadagada donu,” go hiidinga ia gu madagu. Aagai ia ga hai ange, “E deai, koe gu gadagada donu.”

Genesis 18:2

Gai Abraham ga dangage age gu gidee adu e ia e dogodolu daane e tuu mai. De masavaa aana ne gidee ai gilaadeu, gai ia ga hidi age ga savini ga hedae ange gi gilaadeu, ga ino gi honga de gelegele.

Genesis 18:22

Gai luu daane ange laa ne huuhuli e hulo gi Sodom, aagai Abraham goi duu huu i mada i mua o Tagi Maolunga.

Genesis 19:1

Gai luu dangada de langi laa ne tae mai gi Sodom i de ahiahi, gai Lot e noho i gaogao de haitoga o de buibui o Sodom. Gai ga gidee huu e Lot gilaau, gai ia ga hidi age ga hano e hedae ange gi gilaau, gai ia ne ino ga baa luoono mada gi honga de gelegele,

Acts 15:3

Gai ga haia huu e de nohoanga dabu gilaadeu gi hulo, gai gilaadeu ga hulo laa Phoenicia ma Samaria, ga tala ai dagodo de daahuli lodo o denga Gentile. Gai denga daina alodahi i kilaa gu malangilangi mmao.

Acts 20:38

Gilaadeu gu kona mmao de hinangalosaa i hiidinga dana tala ange gi gilaadeu bolo gilaadeu e dee gidee ange naa donu ia. Gai gilaadeu ne hulo ga kave ia gi de vaga.

Acts 21:5

Gai ga odi huu laangi omaadeu ne nnoho ai i kilaa, gai gimaadeu ga hiihidi age e hulo, gai gilaadeu alodahi ma olaadeu bodu ma alaadeu dama ne daudali mai i gimaadeu ga hulo ai gi tua de aduhale. Gai gimaadeu ne duuduli i honga de gelegele ga dalodalo.

Romans 15:24

Au e tali hagalodolodo bolo gidaadeu e hedae naa donu i dogu hanadu e hano gi Spain, gai goodou ga bale mai ai au i dogu hano gi kilaa, i dua dogu damaa noho ange i oodou daha.

3 John 1:6

Gilaadeu ne tala ange gi de nohoanga dabu i kinei dagodo o doo aloha ange gi gilaadeu. Gai koe dagidiiloo hogi balea ange gilaadeu, i delaadeu masavaa e maalanga ai e hulo, i de hai e hagamalangilangi ai de Maadua.