Genesis 18:11 - De Beebaa Dabu

¹¹ De masavaa laa gai Abraham ma Sarah gu madumaatua. Gai Sarah gu ui ono masavaa e hai ai magi o denga haahine.

Genesis 18:11 Iomraidhean Croise

Genesis 17:17

Gai Abraham ga ino gu baa luoono mada gi honga de gelegele; gai ia ne gadagada ga hagadaba i ono lodo, “E maua e taane gu lau ono ngadau i de hagadili dahi gauligi? Gai e maua e Sarah, de hine gu massiva laa ono ngadau i de haanau dahi dama?”

Genesis 17:24

Gai Abraham gu massiva ma siva ono ngadau i de masavaa oona ne tuu dagaholiage ai.

Genesis 21:7

Gai ia ne hagadaba, “E aha, ne maua e dahi dangada i de hai ange gi Abraham bolo au e hakaa unuunu naa hanu gauligi? Aagai au gu haanau ange gi de ia dahi dama daane i de masavaa oogu gu madumadua ai.”

Genesis 24:1

De masavaa laa gai Abraham gu madumadua, gai gu lagolago ono ngadau ne mouli ai, gai Tagi Maolunga gu hagamanuuia ia i mee alodahi.

Genesis 24:36

Gai Sarah, de bodu o dogu dangada aamua, gu haanau ange gi de ia dahi dama daane i de masavaa oona gu madumadua ai, gai dogu dangada aamua gu dugu ange ana mee alodahi gi de ia.

Genesis 31:35

Gai Rachel ga hai ange gi dono damana, “Dogu dangada aamua, koe gi dee lili i dogu dee maua i de duu age i oo mada i mua, go hiidinga au gu hai magi o denga haahine”. Gai Laban ne ssala hogi i kilaa, gai tee gidee e ia ono diinonga.

Leviticus 15:19

Gai de masavaa naa huu o de hine e hai ai ono magi haahine, gai ia e dee gilimalali i e hidu laangi, gai tangada e poo ange gi de ia e dee gilimalali hogi ga dae ai gi de ahiahi.

Luke 1:18

Gai Zechariah ga hai ange gi tangada de langi laa, “Dee hee dagu hai e iloo ai bolo mee nei ni muna abodonu? Go hiidinga au gu se daane madumadua, gai dogu bodu gu madumadua hogi.”

Luke 1:36

Gai tilo, doo dangada go Elizabeth gu hai dama hogi i dahi dama daane i dono masavaa gu madumadua ai nei, gai deenei de ono malama o de hine e hagabinga laa bolo se hine dee hua.

Luke 1:7

Aagai e deai selaau dama, go hiidinga Elizabeth se hine dee hua, gai gilaau ngaadahi gu madumaatua.

Hebrews 11:19

Gai Abraham ne hagadaba bolo de Maadua ne maua donu i de hagamouli age Isaac mai i de magau, gai e bei donu, ia ne hagaahe mai dana dama i de magau.

Joshua 13:1

De masavaa o Joshua ne madumadua ai, gai Tagi Maolunga ga hai ange gi de ia, “Koe gu madumadua, gai goi lagolago huu mommee i de henua oodou tigi kave.