Genesis 17:16 - De Beebaa Dabu

¹⁶ Gai au e hagamanuuia naa ia, ga gaavadu gi de goe dahi dama daane mai i ono daha. Au e hagamanuuia naa ia ga hai ia go tinana o huaahenua, gai hodooligi o denga huaadangada e loomai naa i ono daho.”

Genesis 17:16 Iomraidhean Croise

Genesis 1:28

Gai de Maadua ne hagamanuuia gilaau, ga hai ange, “Gooluu hagadili gi soa, haoa ai henua i lalo ga huahua ai. Gai gooluu ga dagi ai denga mamu i lausedi, ma manu llele i lo te moana i lunga, aama manu dolodolo alodahi i honga de henua.”

Genesis 12:2

Gai au e hai naa goe gi se huaahenua soa mmao, au e hagamanuuia naa goe; au e hai naa doo ingoo gi maolunga, gai koe e hai naa gi se mee e manuuia ai dangada.

Genesis 15:4

Gai gu humai de muna a Tagi Maolunga gi de ia, ga hai ange, “E dee go taane nei e gaavee doo boolonga, gai go dau dama donu e hagadili e bolo ai au mee.”

Genesis 17:15

Gai de Maadua ga hai ange gi Abraham, “Koe gu dee hagaingoo ange doo bodu go Sarai, gai iainei dono ingoo go Sarah.

Genesis 17:19

Gai de Maadua ga hai ange, “E dee go ia, gai doo bodu go Sarah e haanau adu naa gi de goe dahi dama daane, gai koe ga hagaingoo ange ia go Isaac. Gai au e hai naa dagu hagatoo donu hagaheloongoi madali ia, gai se hagatoo donu hagaheloongoi e deai se ngado mai ange gi dono aamuli i muli mai.

Genesis 17:6

Gai au e hai naa goe gi hagadili ina gi soa au dama, ma de hai goe gi ni huaahenua soa, gai e hanu naa hodooligi e haanau mai i daho doo aamuli.

Genesis 21:1

Gai Tagi Maolunga ne abodonu ange gi Sarah, ia ne hagasula donu dana hagatoo donu ange gi Sarah.

Genesis 24:60

Gai gilaadeu ne hagamanuuia Rebekah, ga hai ange gi de ia, “Demaadeu daina, koe gi hagadili gi dagisemada dama; oo hagadiilinga gi henua i aduhale o olaadeu hagadaumee.”

Genesis 25:23

Gai Tagi Maolunga ne hai ange gi de ia, “E lua huaahenua i lo too dinae, gai luu huaadangada i oo lodo naa e dee nnoho hagabuni; dahi e mmahi ange i de ia ange laa, gai tama madua e hai hegau ange naa gi tama gauligi.”

Genesis 35:11

Gai de Maadua ga hai ange gi de ia, “Go au go El-Shaddai; koe gi hagadili gi soa. Dahi huaahenua ma de huaadangada soa e humai naa i oo daha, gai koe e hagadili naa denga hodooligi.

Genesis 36:31

Gai aanei denga hodooligi ne dagina de henua go Edom i mua de dahi hodooligi o de gau Israel:

Isaiah 49:23

Denga hodooligi e tilo adu naa goodou, gai denga haahine hodooligi e haele naa goodou. Gilaadeu e ino gi honga de gelegele i oodou mada i mua, gilaadeu e samusamu laa gelegele i oodou vae. Gai gi iloo ai e goodou bolo go au donu go Iahweh; gilaadeu e haia au go delaadeu tali hagalodolodo e dee dookaa naa donu.”

Romans 9:9

Gai aanei muna o de hagatoo donu, “De masavaa bee nei gai au e ahe mai naa, gai Sarah e haanau naa dahi dama daane.”

Galatians 4:23

Tama a de hine hai hegau ne haanau bei dagodo hagatau a dangada, aagai tama a de hine ilaage ne haanau bei dagodo de hagatoo donu a de Maadua.

1 Peter 3:6

bei de hai a Sarah ne hagallongo ange ai laa gi Abraham, ga hagahi ange tangada aamua gi de ia. Gai goodou ni dama niiana, noo goodou e hai hegau i de mee heohi gai e deai donu se mee oodou e maatagu ai.