Genesis 16:6 - De Beebaa Dabu

⁶ Gai Abram ga hai ange gi Sarai, “Tilo, doo hahine hai hegau e noho donu i lalo doo sauaa. Gai koe haia ange gi de ia be se aha aau e lodo e hai ange gi de ia.” Gai Sarai ga vaivai hai dono hahine hai hegau, gai ia ga savini ga hano gee mai i ono daha.

Genesis 16:6 Iomraidhean Croise

Genesis 16:9

Gai tangada de langi o Tagi Maolunga ga hai ange gi de ia, “Ahe gi daho doo hahine aamua, ma gi noho i lalo dana hainga.”

Genesis 24:10

Gai taane hai hegau laa ne kave e madaangahulu gamelo a dono dangada aamua, gai ia ga kave madali ia denga hagadaagangaa mee danuaa alodahi mai i goloa o dono dangada aamua. Gai ia ga hano gu dae gi Mesopotamia, ga hano gi de aduhale o Nahor e noho ai laa.

De Beebaa go Job 2:6

Gai Tagi Maolunga ga hai ange gi Satan, “Tilo, au gu dugu adu ia gi lalo doo sauaa, aagai koe aude gaavee dono mouli.”

Exodus 2:15

Gai ga langona huu e Pharaoh mee nei, gai ia ga ssala Moses e daa gi magau, aagai Moses ga savini ga hano gi Midian e mmuni ai i Pharaoh. Gai ia ga hano ga noho ga hagamabu i gaogao dahi vai geli.

Proverbs 14:29

Tangada e dee moolau laa de lili se dangada e laumalie dono donu, aagai tangada e moolau laa de lili e hagaago mai dono lodo senga.

Proverbs 15:1

De muna maamaane e tuu de bole, aagai muna pada e hai ga lili tangada.

Proverbs 27:8

Tangada e hano gee i dono hale, e bei de manu lele e tili laa dono hoohanga.

Proverbs 29:19

Denga muna e dee maua i de hagaheohi tangada hai hegau, go hiidinga e dee galemu naa donu dono donu ange, aagai ia e dee anga ange naa donu aagena.

Ecclesiastes 10:4

Noo dahi dagi gu lili i de goe, gai koe aude dilia doo duulanga, go hiidinga de daudonu e bale de hagaheohi de haisala laumalie.

Jeremiah 38:5

Gai de hodooligi go Zedekiah ga hai ange, “Goodou hilihilia be se aha e hai ange gi de ia. De hodooligi e dee maua i de buibui goodou.”

Joshua 9:25

Gimaadeu gu too adu gi lo too lima. Haia mai gi gimaadeu be se aha aau e tilo bolo e danuaa ma de heohi.”

1 Peter 3:7

Gai e bei hogi, goodou denga daane dau bodu, goodou gi tonu ange gi doodou hai e nnoho ai madali oodou bodu, ma de hagadubu de hine e baageaa ange laa i taane, go hiidinga gilaadeu ni dangada hogi e bolo ange aagena de mouli e dee ngado mai, gi deai ai se mee e buibuia oodou dalodalo.