Genesis 16:4 - De Beebaa Dabu

⁴ Gai Abram ga hagahebaa ma Hagar, gai Hagar gu hai dama. Gai ga iloo huu e Hagar bolo ia gu hai dama, gai ia ga hagangadi mee dono hahine aamua.

Genesis 16:4 Iomraidhean Croise

Genesis 16:3

Gai Sarai, dono bodu, ne kave Hagar, dono hahine hai hegau mai i Egypt ga gaavange gi dono bodu go Abram, e hai ai dono bodu. Gai mee nei ne hai i dua de noho o Abram i Canaan, i e madaangahulu ngadau.

Genesis 16:5

Gai Sarai ga hai ange gi Abram, “Go koe ne hidi ai dogu hagangadi mee ina. Au ne hai dogu hahine hai hegau gi hagahebaa ma goe, gai ga iloo huu e ia bolo ia gu hai dama, gai ia ga hagangadi mee au. Tagi Maolunga gi hagamodu ina be goai de gidaau e heohi.”

Genesis 19:31

Gai tamaa hine madua ne hai ange gi tamaa hine gauligi, “Taau damana gu madumadua, gai e deai se daane i henua i lalo odaau e hagahebaa ange aagena, bei dagodo hegau e hai i henua i lalo alodahi.

Genesis 21:9

Aagai Sarah ne gidee bolo tama daane a Hagar, de hine Egypt, go tama aana ne haanau ange gi Abraham, e hagammae manava Isaac,

Genesis 30:4

Gai Rachel ga gaavange dono hahine hai hegau go Bilhah gi Jacob e hai ai dono bodu, gai Jacob ga hano ga hagahebaa ma ia.

2 Samuel 6:16

De masavaa o de ngavesi a Tagi Maolunga ne dae mai ai gi de aduhale o David, gai Michal, tamaa hine a Saul, e haina mai mee e hai i dahi abaaba damaa mee. Gai ia gu gidee de hodooligi go David e anu, ma de malangilangi i mada luu mada o Tagi Maolunga, gai ia gu kino i de ia.

Proverbs 30:23

ma de hine o dangada e kino ai, gai gu hai bodu, ma de hine hai hegau e gaavee laa tuulanga o dono hahine aamua.

1 Corinthians 4:6

Denga daina, au ne hagadagodo ange de mee nei gi omaau dagodo ma Apollos gi tonu ange ai goodou, gai goodou ga agoago ai i omaau dagodo, gi dee hulo ai goodou laa honga mee gu sisi, gai gi dee duuhia ai e goodou dahi dangada, gai ga hai baasi ange gi tangada ange laa.