Genesis 16:10 - De Beebaa Dabu

¹⁰ Gai ia ne hai ange hogi, “Au e hai naa gi soa doo hagadiilinga, gai e dee maua naa donu i de dau i hiidinga de kona delaadeu soa.”

Genesis 16:10 Iomraidhean Croise

Genesis 13:16

Gai au e hai naa oo hagadiilinga gi soa bei de lagolago o gelegele o de henua, gai noo e maua i de dau denga gelegele o de henua, gai e maua naa hogi i de dau de soa o doo hagadiilinga.

Genesis 16:9

Gai tangada de langi o Tagi Maolunga ga hai ange gi de ia, “Ahe gi daho doo hahine aamua, ma gi noho i lalo dana hainga.”

Genesis 17:20

Gai dagodo o Ishmael, au gu langona dau dangidangi i ono hiidinga. Tilo, au e hagamanuuia naa ia ga hai ia gi hua lagolago, ma de hagadili gi soa. Gai ia e hagadili naa e dinoangahulu ma dogolua dama daane hodooligi, gai au e hai naa ia gi se huaahenua soa.

Genesis 21:13

Gai au e hai naa tama daane a doo hahine hai hegau gi se huaahenua soa, go hiidinga ia se dama niiau.”

Genesis 21:16

gai ia ga hano ga noho i de mommee mmao bei de mmao o tao e tili laa i de mee hholu, go hiidinga ia ne hagadaba, “Au e dee lodo gi gidee e au de magau o dagu dama.” Gai ia ga hano ga nnoho i de mommee laa ga dangi ai.

Genesis 21:18

Hannoo sabaia age dau dama mage boogia dono lima, go hiidinga au e hai naa ia gi se huaahenua soa mmao.”

Isaiah 63:9

Ia ne hagaduasala hogi i olaadeu hagaduasala alodahi, gai tangada de langi i mada luoono mada ne hagaola gilaadeu. Gai ia ne hagaola gilaadeu i dono aloha ma dono abodonu; ia ne saabai gilaadeu i honga luoono eu mai i denga laangi gu hulo.

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

John 1:18

Tigi ai donu se dangada ne gidee de Maadua; go de Maadua e dahi laa donu huu, go de ia e noho i gaogao o Tamana, ia gu hagaagona mai Tamana gi gidaadeu.

1 Timothy 6:16

Ia e dee magau donu, gai e noho i de maalama e dee maua laa e dangada i de hagapaa ange aagena, aagai tigi ai donu se dangada ne gidee ia, aabe e maua i de tilo ia. Gai go ia e bau ange gi kave de hagadubu ma ssauaa e dagi ai ga hano ai. Amen.

Judges 6:11

Gai tangada de langi o Tagi Maolunga ne humai ga noho i lalo de oak i Ophrah, se mommee niio Joash o de hagadiilinga o Abiezer. Gai dana dama go Gideon e noho i kilaa ma e hagailiili hanu grain ⌊gi too denga hua⌋ i de mommee kumi uvaini, e hagammuni ai i de gau Midian.

Judges 6:16

Gai Tagi Maolunga ga hai ange gi de ia, “Au e noho naa donu madali goe, gai koe ga hagadee kii ai de gau Midian alodahi, bei dau hai e hagadee kii ai laa dahi dangada daudahi.”